Agam 45 Chulika 02 Anuyogdwar Sutra Shwetambar Agam Guna Manjusha

SR No.: 003283
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_anuyogdwar
File Size: 5 MB

Page 16

£££££££££££££*
[4]
五五五五五五五五五五
(४५) अणुओगदाराइ पन्नत्ते । तं जहा- संतपयपरूवणया १ दव्वपमाणं २ च खेत्त ३ फुसणा ४ य । कालो ५ य अंतरं ६ भारा ७ भाव ८ अप्पाबहुं नत्थि || ९ || १२३. संगहस्स आणुपुब्वीदव्वाइं किं अत्थि णत्थि ? नियमा अत्थि । एवं दोण्णि वि । १२४. संगहस्स आणुपुव्वीदव्वाइं किं संखेज्जाई असंखेज्जाई अणंताई ? नो संखेज्जाई नो असंखेज्जाई नो अणंताई, नियमा एगो रासी । एवं दोणि वि । १२५. संगहस्स आणुपुव्वीदव्वाई लोगस्स कतिभागे होज्जा ? किं संखेज्जतिभागे होज्जा ? असंखेज्जतिभागे होज्जा ? संखेज्जेसु भागेसु होज्जा ? असंखेज्जेसु भागेसु होज्जा ? सव्वलोए होज्जा ? नो संखेज्जतिभागे होज्जा नो असंखेज्जतिभागे होज्जा नो संखेज्जेसु भागेस होना नो असंखेज्जेसु भागेसु होज्जा, नियमा सव्वलोए होज्जा । एवं दोण्णि वि । १२६. संगहस्स आणुपुव्वीदव्वाइं लोगस्स किं संखेज्जतिभागं फुसंति ? असंखेज्जतिभागं फुसंति ? संखेज्जे भागे फुसंति ? असंखेज्जे भागे फुसंति ? सव्वलोगं फुसंति ? नो संखेज्जतिभागं फुसंति नो असंखेज्जतिभागं संति नो संखेज्जे भागे फुसंति नो असंखेज्जे भागे फुसंति, नियमा सव्वलोगं फुसंति । एवं दोन्नि वि । १२७. संगहस्स आणुपुव्वीदव्वाइं कालओ केवचिरं होति ? सव्वद्धा । एवं दोण्णि वि। १२८. संगहस्स आणुपुव्वीदव्वाणं कालतो केवचिरं अंतरं होति ? नत्थि अंतरं । एवं दोण्णि वि । १२९. संगहस्स आणुपुव्वीदव्वाइं सेसदव्वाणं कतिभागे होज्जा ? किं संखेज्जतिभागे होज्जा ? असंखेज्जतिभागे होज्जा ? संखेज्जेसुभागेसु होज्जा ? असंखेज्जेसु भागेसुहोज्जा ? नो संखेज्जेसु भागेसु होज्जा नो असंखेज्जेसुभागे होज्जा णो संखेज्जेसु भागेसु होज्जा णो असंखेज्जेसु भागेसु होज्जा, नियमा तिभागे होज्जा । एवं दोणि वि । १३०. संगहस्स आणुपुव्वीदव्वाइं करम्मि भावे होज्जा ? नियमा सादिपारिणामिए भावे होज्जा । एवं दोण्णि वि । अप्पाबहुं नत्थि । से तं अणुगमे । से तं संगहस्स अणोवणिहिया दव्वाणुपुव्वी । से तं अणोवणिहिया दव्वाणुपुवी । १३१. से किं तं ओवणिहिया दव्वाणुपुव्वी ? २ तिविहा पण्णत्ता । तं जहा पुव्वाणुपुव्वी १ पच्छाणुपुब्वी अणाणुपुव्वी ३ य । १३२. से किं तं पुव्वाणुपुव्वी ? २ धम्मत्थिकाए १ अधम्मत्थिकाए २ आगासत्थिकाए ३ जीवत्थिकाए ४ पोग्गलत्थिकाए ५ अद्धासमए ६ । से तं पुव्वाणुपुव्वी । १३३. से किं तं पच्छाणुपुवी ? २ अद्धासमए ६ पोग्गलत्थिकाए ५ जीवत्थिकाए ४ आगासत्थिकाए ३ अधम्मत्थिकाए २ धम्मत्थिकाए १ । से तं पच्छाणुपुव्वी । १३४. से किं तं अणाणुपुव्वी ? २ एयाए चेव एगादियाए एगुत्तरियाए छगच्छगयाए सेढीए अण्णमण्णब्भासो दुरूवूणो । से तं अणाणुपुव्वी । १३५. अहवा ओवणिहिया दव्वाणुपुव्वी तिविहा पन्नता । तं जहा पुव्वाणुपुव्वी २ पच्छाणुपुवी अणाणुपुव्वी ३ । १३६. से किं तं पुव्वाणुपुव्वी ? २ परमाणुपोग्गले दुपएसिए तिपएसिए जाव दसपएसिए जाव संखिज्जपएसिए असंखेज्जपएसिए अनंतपएसिए। से तं पुव्वाणुपुव्वी । १३७. से किं तं पच्छाणुपुव्वी ? २ अणतपएसिए असंखिज्जपएसिए संखिज्जपएसिए जाव दसपएसिए जाव तिपएसिए दुपएसिए परमाणुपोग्गले । से तं पच्छाणुपुव्वी । १३८. से किं तं अणाणुपुव्वी ? २ एयाए चेव एगाइयाए एगुतरियाए अणंतगच्छगयाए सेढीए अन्नमन्नन्भासो दुरूवूणो । से तं अणाणुपुव्वी । से तं ओवणिहिया दव्वाणुपुव्वी । से तं जाणगव्वइरित्ता दव्वाणुपुब्वी । से तं नोआगमओ दव्वाणुपुव्वी। से तं दव्वाणुपुव्वी । १३९. से किं तं खेत्ताणुपुवी ? २ दुविहा पण्णत्ता । तं जहा ओवणिहिया य अणोवणिहिया य । १४०. तत्थ णं जा सा ओवणहिया सा ठप्पा । १४१. तत्थ णं जा सा अणोवणिहिया सा दुविहा पन्नत्ता । तं जहा णेगम ववहाराणं १ संगहस्स य २ । १४२. से किं तं गम-ववहाराणं अणोवणिहिया खेत्ताणुपुव्वी ? २ पंचविहा पण्णत्ता । तं जहा अट्ठपयपरूवणया १ भंगसमुक्कित्तणया २ भंगोवदंसणया ३ समोयारे ४ अणुगमे ५ । १४३. से किं
महाराणं पयपरूवणया ? २ तिपएसोगाढे आणुपुव्वी जाव दसपएसोगाढे आणुपुव्वी जाव संखिज्नपएसोगाढे आणुपुव्वी असंखेज्जपएसोगाढे आणुपुव्वी, एगपएसोगाढे अणाणुपुव्वी, दुपएसोगाढे अवत्तव्वए, तिपएसोगाढा आणुपुव्वीओ जाव दसपएसोगाढा आणुपुव्वीओ जाव संखेज्जपएसोगाढा आणुपुव्वीओ, अससंखेज्जापएसोगाढा आणुपुव्वीओ एगपएसोगाढा अणाणुव्वीओ, दुपएसोगाढा अवत्तव्वगाई। से तं णेगम ववहाराणं अट्ठपयपरूवणया । १४४. एयाए णं गम-ववहाराणं अट्ठपयपरूवणयाए किं पओयणं ? एयाए णं णेगम ववहाराणं अट्ठपयपरूवणयाए णेगम-ववहाराणं भंगसमुक्कित्तणया कीरति । १४५. से किं तं णेगम-ववहाराणं भंगसमुकित्तणया ? २ अत्थि आणुपुव्वी १ अत्थि अणाणुपुव्वी २ अत्थि अवत्तव्वए ३ । एवं दव्वाणुपुव्विगमेणं खेत्ताणुपुवीए वि ते चेव छव्वीसं
ॐ श्री आगमगुणमजूषा - १७०९ SOON