Page Text
________________
[१४]
फफफफफफ
(४४) नंदीसूर्य वेढिमे वा पूरिमे वर संघातिमे वा अक्खे वा वराडए वा एगे वा अणगे वा सब्भावट्ठवणाए वा असब्भावट्ठवणाए वा अणुण्ण त्ति ठवणा ठविज्जति । से त्तं ठवणाणुण्णा २ । ४. णाम-ठवणाणं को पतिविसेसो ? णामं आवकहियं, ठवणा इत्तिरिया वा होज्जा आवकहिया वा । ५. से किं तं दव्वाणुण्णा ? दव्वाणुण्णा दुविहा पण्णत्ता, तं आगतोय नोआगमतो य । ६. से किं तं आगमतो दव्वाणुण्णा ? आगमतो दव्वाणुण्णा जस्स णं अणुण्ण त्ति पदं सिक्खियं ठितं जितं मितं परिजितं णामसमं घोससमं अह्रीणक्खरं अणच्चक्खरं अव्वाइद्धक्खरं अखलियं अमिलियं अविच्चामेलियं पडिपुण्णं पडिपुण्णघोसं कंठोट्टविप्पमुक्कं गुरुवायणोवगयं । से णं तत्थ वायणाए पुच्छणाए परियट्टणाए धम्मकहाए, नो अणुप्पेहाए । कम्हा ? "अणुवओगो दव्वं" इति कट्टु । णेगमस्स एगे अणुवउत्ते आगमतो एगा दव्वाणुण्णा, दोण्णि अणुवउत्ता आगमतो दोणि दव्वाण्णाओ एवं जावतिया अणुवउत्ता तावतियाओ दव्वाणुण्णाओ । एवमेव ववहारस्स वि। संगहस्स एगो वा अणेगो वा अणुवउत्तो वा अणुवत्ता वा दव्वाणा दव्वाणुण्णाओ वा सा एगा दव्वाणुण्णा । उज्जुसुअस्स एगे अणुवउत्ते आगमतो एगा दव्वाणुण्णा, पुहत्तं नेच्छइ । तिण्हं सद्दणयाणं जाणए कहा ? जति जाणए अणुवउत्ते ण भवति। से त्तं आगमतो दव्वाणुण्णा । ७. से किं तं णोआगमतो दव्वाणुण्णा ? णोआगमतो दव्वाणुण्णा तिविहा पण्णत्ता-जाणगसरीरदव्वाणुण्णा भवियसरीरदव्वाणुण्णा जाणगसरीरभवियसरीरवतिरित्ता दव्वाणुण्णा । ८. से किं तं जाणगसरीरदव्वाणुण्णा ? जाण सरदव्वाणा 'अणुण्ण'- त्तिपदत्थाहिगारजाणगस्स जं सरीरगं ववगयचुतचइयचत्तदेहं जीवविप्पजढं सिज्जागयं वा संघारगयं वा निसीहियागयं वा सिद्धिसिलातलगतं वा, अहो णं इमेणं सरीरसमुस्सएणं 'अणुण्ण' त्ति पयं आघवियं पण्णवियं परूवियं दंसियं णिदंसियं उवदंसियं । जहा को दिट्टंतो ? अयं घयकुंभे आसी, अयं महुकुंभे आसी से तं जाणगसरीरदव्वाणुण्णा । ९. से किं तं भवियसरीरदव्वापुण्णा ? भवियसरीरदव्वाणुण्णा जे जीवे जम्मणजोणीणिक्खंते इमेणं चेव सरीरसमुस्सएणं आदत्तेणं जिणदिद्वेणं भावेणं 'अणुण्ण' त्तिपयं सेयकाले सिक्खिस्सइ, न ताव सिक्खइ । जहा को दिट्टंतो ? अयं घयकुंभे भविस्सति, अयं हु भविस्सति । से त्तं भवियसरीरदव्वाणुण्णा । १०. से किं तं जाणगसरीरभवियसरीरवतिरित्ता दव्वाणुण्णा ? जाणगसरीरभवियसरीरवतिरित्ता दव्वाणुण्णा तिविहा पत्ता, तं जहा लोइया कुप्पावयणिया लोउत्तरिया य । ११. से किं तं लोइया० दव्वाणुण्णा ? लोइया० दव्वाणुण्णा तिविहा पण्णत्ता, तं जहा सचित्ता अचित्ता मीसिया । १२. से किं तं सचित्ता० ? सचित्ता० से जहाणामए राया इ वा जुवराया इ वा ईसरे इ वा तलवरे इ वा कोडुबिए इ वा माडंबिए इ वा इब्भे इ वा सेट्ठी इ वा सत्थवाहे इ वा सेणावई इ वा कस्सइ कम्हि कारणे तुट्ठे समाणे आसं वा हत्थिं वा उट्टं वा गोणं वा खरं वा घोडयं वा एलयं वा अयं वा दासं वा दासिं वा अजाना । सेतं सचित्ता० । १३. से किं तं अचित्ता० ? अचित्ता० से जहाणामए राया इ वा जुवराया इ वा ईसरे इ वा तलवरे इ वा कोडुंबिए इ वा माडंबिए इ वाइ इ वा सत्थवाहे इ वा सेट्ठी इ वा सेणावई इ वा कस्सइ कम्हि कारणे तुट्ठे समाणे आसणं वा सयणं वा छत्तं वा चामरं वा पडगं वा मउडं वा हिरण्णं वा सुवण्णं वा कंसं वा दूसं वा मणि-मोत्तिय संख-सिल-प्पवाल- रत्तरयणमादीयं संत-सार-सावतिज्जं अणुजाणिज्जा से तं अचित्ता० दव्वाणुण्णा । १४. से किं तं मीसिया ० दव्वाण्णा ? मीसिया० दव्वाणुण्णा से जहाणामए राया ति वा जुवराया ति वा ईसरे ति वा तलवरे ति वा कोडुंबिए ति वा माडंबिए ति वा इब्भे ति वा सेट्ठी तिवा सेणावती ति वा सत्थवाहे ति वा कस्सइ कम्हिं कारणे तुट्टे समाणे हत्थिं वा मुहभंडगमंडियं, आसं वा थासग चामरमंडियं, सकडगं दासं वा, दासिं वा सव्वालंकारविभूसियं अणुजाणिज्जा से तं मीसिया० दव्वाणुण्णा । से त्तं लोइया० दव्वाणुण्णा । १५. से किं तं कुप्पावयणिया० दव्वाणुण्णा ? कुप्पावयणिया० दव्वाणुण्णा तिविहा पण्णत्ता, तं जहा सचित्ता अचित्ता मीसिया । १६. से किं तं सचित्ता० ? सचित्ता० से जहाणामए आयरिए इ वा उवज्झाए इ वा कस्सइ कम्हि कारणे तुट्ठे समाणे आसं वा हत्थिं वा उट्टं वा गोणं वा खरं वा घोडं वा अयं वा एलगं वा दासं वा दासिं वा अणुजाणिज्जा। से त्तं सचित्ता कुप्पावयणिया० दव्वाणुण्णा । १७. से किं तं अचित्ता० ? अचित्ता से जहाणामए आयरिए इ वा उवज्झाए इ वा कस्सइ कम्हि कारणे तुट्ठे समाणे आसणं वा सयणं वा छत्तं वा चामरं वा पट्टं वा मउड वा हिरण्णं वा सुवण्णं वा कंसं वा दूसं वा मणि-मोत्तिय संख-सिल-प्पवाल- रत्तरयणमाइयं संत-सारसावएनं अणुजाणिज्जा। से त्तं अचित्ता कुप्पावयणिया दव्वाणुण्णा । १८. से किं तं मीसिया० दव्वाणुण्णा ? मीसिया० दव्वाणुण्णा से जहाणामए आयरिए इ वा उवज्झाए इ वा कस्सइ कम्हि कारणे तुट्ठे समाणे हत्थिं वा
NGO
ॐ
श्री आगमगुणमजूषा १६९९
| SR No. | 003282 |
| Book Title | Agam 44 Chulika 01 Nandi Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 25 |
| Language | Prakrit |
| Classification | Book_Devnagari, Agam, Canon, F000, F015, & agam_nandisutra |
| File Size | 3 MB |