Agam 42 Mool 03 Dashvaikalik Sutra Shwetambar Agam Guna Manjusha

SR No.: 003280
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 55
Language: Prakrit
Classification: Book_Devnagari, Agam, Canon, & agam_dashvaikalik
File Size: 5 MB

Page 31

[२२]
(४१) ओहनिज्जुत्ति जावतिअंति अभणिए तस्सेव विगिंचणे सेसं ॥ २ ॥ विहिगहिअं विहिभुत्तं अइरेगं भत्तपाण भोत्तव्वं । विहिगहिए विहिभुत्ते एत्थ य चउरो भवे भंगा ॥ ३ ॥ उग्गमदोसाइजढं हवा बीज हापडिअं । इय एसो गहणविही असुद्धपच्छायणे अविही || २९५|| भा० । कागसियालक्खइयं दविअरसं सव्वओ परामठ्ठे । एसो उ भवे अविही जहि भोमि विही ||४|| उच्चिणइ व विठ्ठाओ काओ अहवावि विक्खिरइ सव्वं । विप्पेक्खइ य दिसाओ सियाल अन्नोन्नहिं गिण्हे || ६ || भा० | सुरही दोच्चंगठ्ठा छोढूण दवं तु पियइ दवियरसं । हेठ्ठोवरि आमठ्ठे इय एसो भुंजणे अविही ||७|| जह गहिअं तह नीयं गहणविही भोयणे विही इणमो । उक्कोसमणुक्कोसं समकयरसं तु भुंजेना ||८|| तइएवि अविहिगहिअं विहिभुत्तं तं गुरूहिऽणुन्नायं । सेसा नाणुन्नाया गहणे दत्ते य निज्जुहणा ||९|| अहवावि अकरणाए उवट्ठियं जाणिऊण कल्लाणं । घट्टेउं दिति गुरू पसंगविणिवारणट्ठाए ||३००|| घासेसणा य एसा कहिया भे धीरपुरिसपन्नत्ता । संजमतवड्ढगाणं निग्गंथाणं महरिसीणं ॥१॥ एयं घासेसणविहिं जुंजता चरणकरणमाउत्ता । साहू खवंति कम्मं अणेगभवसंचियमणंतं ||२|| तो परिट्ठवणविहिं वोच्छामि धीरपुरिसपन्नत्तं । जं नाऊण सुविहिया करेति दुक्खक्खयं धीरा || ३ || भत्तठ्ठि उव्वरिअं अहव अभत्तट्ठियाण जं सेसं । संबंधेणाणेण उ परिठावणिआ मुणेयव्वा || ३०४ || भा० | सा पुण जायजाया जाया मूलोत्तरेहि उ असुद्धा । लोभातिरेगगहिया अभिओगकया विसकया वा ॥ ५॥ मूलगुणेहिं असुद्धं जं गहिअं भत्तपाण साहूहिं। एसा उ होइ जाता वुच्छं सि विहीऍ वोसिरणं || ५ || भा० | एगंतमणावाए अच्चित्ते थंडिले गुरूवइट्टे । आलोऍ एगपुंजं तिठ्ठाणं सावणं कुज्जा || ६ || लोभातिरेगगहिअं अहव असुद्धं तु उत्तरगुणेहिं । सावि होत जाया वोच्छं सि विहिऍ वोसिरणं ॥ ६ ॥ भा० । एगंतमणावाए अच्चित्ते थंडिले गुरूवइठ्ठे । आलोए दुनि पुंजा तिठ्ठाणं सावणं कुज्जा ||७||
खलु भगव्वे भावे य होइ नायव्वो । दव्वंमि होइ जोगो विज्जा मंता य भावंमि ॥८॥ विज्जाऍ होअगारी अचियत्ता सा य पुच्छए चरिअं । अभिमंतणोदणस्स उ अणुकंपणमुज्झणं च खरे ||९|| बारस्स पिट्टणंमि अ पुच्छण कहणं च होअगारीए । सिठ्ठे चरियादंडो एवं दोसा इहंपि सिया || ६०० || जोगंमि उ अविरइया अज्ववन्ना सरूवभिक्खुंमि । कडजोगमणिच्छंतस्स देइ भिक्खं असुभभावे || १ || संकाए स नियट्टो दाऊण गुरूस्स काइयं निसिरे । तेसिपि असुभभावो पुच्छा उ ||२|| एमेव विसकयमिवि दाऊण गुरूस्स काइयं निसिरे । गंधाई विन्नाए उज्झगमविही सियालवहे || ३ || एवं विज्जाजोए विससंजुत्तस्स वावि गहियस्स । पाणच्चएवि नियमुज्झणा उ वोच्छं परिठ्ठवणं ||४|| एगंतमणावाए अच्चित्ते थंडिले गुरूवइट्ठे । छारेण अक्कमित्ता तिठ्ठाणं सावणं कुज्ना ॥ ५॥ दोसेण जेण दुठ्ठे तु भोयणं तस्स सावणं कुज्जा । एवं विहिवोसठ्ठे वेराओ मुच्चई साहू ||६|| जावइयं उवउज्जइ तत्तिअमित्ते विगिंचणा नत्थि । तम्हा पमाणगहणं अइरेगं होज्न उ इमेहिं ||७|| आयरिए य गिलाणे पाहुणए दुल्लभे सहसदाणे । एवं होइ अजाया इमा उ गहणे विही होइ ||८|| जइ तरूणो निरूवहओ भुंजइ तो मंडलीइ आयरिओ । असहुस्स वीसुगहणं एमेव य होइ पाहुण || ९ || सुत्तत्थथिरीकरणं विणओ गुरूपूय सेहबहुमाणो । दाणवतिसद्धवुड्ढी बुद्धिबलवद्धणं चेव ||६१०|| एहिं कारणेह उ केइ सहुस्सवि वयंति अणुकंपा। गुरूअणुकंपाए पुण गच्छे तित्थे य अणुकंपा ॥१॥ सति लाभे पुण दव्वे खेत्ते काले य भावओ चेव । गहणं तिसु उक्कोसं भावे जं जस्स अणुकूलं ||२|| कलमोतणो उ पयसा उक्कोसो हाणि कोद्दवुब्भज्जी । तत्थवि मिउतुप्पतरयं जत्थ व जं अच्चियं दोसु || ३०७॥ भा० । लाभे सति संघाडो गेह एगो उइहरहा सव्वे । तस्सऽप्पणो य पज्जत्त गेण्हणा होइ अतिरेगं ॥३॥ गेलन्ननियमगणं नाणत्तोभासियंपि तत्थ भवे । ओभासियमुव्वरिअं विगिंचए सेसगं भुंजे ||४|| दुल्लभदव्वं व सिआ घयाइ घेत्तूण सेस भुञ्जंति । थोवं देमि व गेण्हामि यत्ति सहसा भवे भरियं ||५|| एएहिं कारणेहिं गहियमजाया उ सा विगिंचणया । आलोगं मि तिपुंजा अद्धा निग्गयातीणं ॥ ६ ॥ एक्को व दो व तिन्नि व पुंजा कीरंति किं पुण निमित्तं ? । विहमाइनिग्गयाणं सुद्धेयरजाणणठ्ठाए || ७|| एवं विगिचिउं निग्गयस्स सन्ना हवेज्ज तं तु कहं । निसिरेजा ? अहव ध्रुवं आहारा होइ नीहारो ॥८॥ थंडिल्ल पुव्वभणियं पढमं निद्दोस दोसु जयणाए । नवरं पुण णाणत्तं भावासन्नाए वोसिरणं ॥ ९ ॥ अणावायमसंलोयं अणवायालोय ततिय विवरीयं । आवातं संलोगं पुव्वुत्ता थंडिला चउरो ॥ ३०८ ॥ भा० । अणावायमसंलोगं निद्दोसं बितियचरिम जयणाए । पउरदवकुरूकुयादी पत्तेयं मत्तगो चेव ॥ ६२० ॥ तइएवि य जयणाए नाणत्तं नवरि सद्दकरणंमि । भावासन्नाए पुण नाणत्तमिणं सुणसु वोच्छं ॥ १ ॥ जदि पढमं न तरेज्जा 5 श्री आगमगुणमंजूषा १५९८ ॐ ॐ ॐ
ITRO HA 4 4 1945 194 乐