Agam 42 Mool 03 Dashvaikalik Sutra Shwetambar Agam Guna Manjusha

SR No.: 003280
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 55
Language: Prakrit
Classification: Book_Devnagari, Agam, Canon, & agam_dashvaikalik
File Size: 5 MB

Page 28

(४१) ओहनिज्जुत्ति
फ्रफ़ फ्रफ़ फ्रॐ ॐ ॐ ॐ ॐ
होतऽणुव्वाणा ॥१॥ तरूणित्थि एक्कभागे पव्वाणे होइ गहण गिम्हासु | हेमंते दोसु भवे तिसु पव्वाणेसु वासासु ||२|| एमेव मज्झिमाए आढत्तं दोसु ठायए चउसु । तिसु आढत्तं थेरीनवर ठाणेसु पंचसु उ ॥ ३ ॥ एमेव होइ पुरिसो दुगाइछठ्ठाणपज्जवसिएसुं। अपुमं तु तिभागाइं सत्तमभागे अवसिते उ ||४|| दुविहो य होइ भावो लोइय लोउत्तरो समासेणं । एक्किक्कोविय दुविहो पसत्थओ अप्पसत्थो य ॥५॥ सज्झिलगा दो वणिया गामं गंतूण करिसणारंभो। एगस्स देहमंडणबाउसिआ भारिया अलसा ||६|| मुहधोवण दंतवणं अद्दागाईणं कल्ल आवासं । पुव्वण्हकरणमप्पण उक्कोसयरं च मज्झण्हे ||७|| तणकट्टहारगाणं न देइ न य दासपेसवग्गस्स । न य पेसणे निउंजइ पलाणि हिय हाणि गेहस्स ॥८॥ बिइयस्स पेसवग्गं वावारे अन्नपेसणे कम्मे । काले देहाहारं सयं च उवजीवई इड्ढी || ९ || वन्नवलरूवहेउं आहारे जो तुलाभि लब्भंते । अतिरेगं न उ गिण्हइ पाउग्गगिलाणमाईण || ५०० || जह सा हिरण्णमाइसु परिहीणा होइ दुक्खआभागी । एवं तिगपरिहीणा साहू दुक्खस्स आभागी ||१|| आयरियगिलाणठ्ठा गिण्ह न महंति एव जो साहू । नो वन्नरूवहेउं आहारे एस उ पसत्थो ॥ २॥ उग्गमउप्पायणएसणाऍ बायाल होति अवराहा । सोहे समुयाणं पडुपन्ने वच्चए वसहिं ॥ ३॥ सुन्नघरदेउले वा असई य उवस्सयस्स वा दारे । संसत्तकंटगाई सोहेउमुवस्सगं पविसे ॥ ४ ॥ संसत्तं तत्तो च्चिय परिवेत्ता पुणो दवं गिण्हे। कारण मत्तयगहियं पडिग्गहे छोढु पविसणया ||५|| गामे य कालमाणे पहुच्चमाणे हवंति भंगऽठ्ठ। काले अपहुप्पंते नियत्तई सेसए भयणा ||६|| अण्णं च वए गामं अण्णं भाणं व गेण्ह सइ काले । पढमे बितिए छप्पंचमे य भय सेस य नियत्ते ||७|| वोसिठुमागयाणं उब्वासिय मत्तए य भूमितियं । पडिलेहियमत्थमणं सत्यमिए जहन्नो उ ॥ ८॥ भुत्ते वियारभूमी गयागयाणं तु जह य ओगाहे। चरमाएँ पोरिसीए उक्कोसो सेस मज्झिमओ ||९|| पायप्पमज्जण निसीहिया य तिन्नि उ करे पवेसंमि। अंजलि ठाणविसोही दंडग उवहिस्स निक्खेवो ॥५१०॥ एवं पडुपन्ने पविसओ उ तिन्नि व निसीहिया होति । अग्गद्दारे मज्झे पवेस पाए य सागरिए || २६२|| भा० । हत्थुस्सेहो सीसप्पणामणं वाइओ नमोक्कारो । गुरुभायणे पणामो वायाऍ नमो न उस्सेहो ॥ ३॥ उवरिं हेठ्ठा य पमज्जिऊण लठ्ठेि ठवेज्ज सठ्ठाणे | पट्टं उवहिस्सुवरिं भायणवत्थाणि भाणेसु ॥४॥ जइ पुण पासवणं से हवेज्ज तो उग्गहं सपच्छागं । दाउँ अन्नस्स सचोलपट्टओ काइयं निसिरे || २६५॥ भा० | चउरंगुल मुहपत्ती उज्जुयए वामहत्थि रयहरणं । वोसठ्ठचत्तदेहो काउस्सग्गं करेज्जाहि || १ || चउरंगुलमप्पत्तं जाणुगहेठ्ठा छिवोवरिं नाहिं । उभओ कोप्परधरिअं करेज्न पट्टं च पडलं वा ||६|| भा० । पुव्वुद्दिठ्ठे ठाणे ठाउं चउरंगुलंतरं काउं। मुहपोत्ति उज्जुहत्थे वामंमि य पायपुंछणयं ॥२॥ काउस्सग्गंमि ठिओ चिंते समुयाणिए अईआरे । जा निग्गमप्पवेसो तत्थ उ दोसे मणे कुज्जा ||३|| ते उ पडिसेवणाए अणुलोमा होति वियडणाए य । पडिसेववियडणाए एत्थ उ चउरो भवे भंगा ॥४॥ वक्खित्तपराहुत्ते पत्ते मा कयाइ आलोए । आहारं च करेंतो नीहारं वा जइ करेइ ||५|| कहणाईवक्खित्ते विकहाइ पमत्त अन्नओ व मुहे। अंतरमकारए वा नीहारे संक मरणं वा ॥ २६७॥ भा० । अव्वक्खित्ताउत्तं उवसंतमुवद्विअं च नाऊणं । अणुन्नवेत्तु मेहावी, आलोएज्जा सुसंजए || ६ || कहणाइ अवक्खित्ते कोहाइ अणाउले तदुवउत्ते । संदिसहत्ति अणुन्नं काऊण विदिन्नमालोए ॥ ८॥ भा० | नहं वलं चलं भासं मूयं तह ढड्ढरं च वज्जेज्जा । आलोएज्ज सुविहिओ हत्थं मत्तं च वावारं ||७|| करपायभमुहिसीसऽच्छिउठ्ठमाईहिं नट्टिअं नाम । वलणं हत्थसरीरे चलणं काए य भावे य || ९ || भा० | गारत्थियभासाओ य वज्जए मूय ढड्ढरं च सरं । आलोए वावारं संसठ्ठियरे व करमत्ते ||२७०|| भा० । यद्दोसविमुक्कं गुरूणो गुरूसम्मयस्स वाऽऽलोए। जं जह गहियं तु भवे पढमाओ जा भवे चरिमा ||८|| काले य पहुप्पते उच्चा (व्वा) ओ वावि ओहमालोए। वेला गिलाणगस्स व अइच्छइ गुरू व उच्चाओ ॥९॥ पुरकम्म पच्छकम्मे अप्पेऽसुद्धे य ओहमालोए। तुरियकरणंमि जं से न सुज्झई तत्तिअं कहए || ५२०|| आलोइत्ता सव्वं सीसं सपडिग्गहं पमज्जित्ता । उड्ढमहो तिरियंमी पडिलेहे सव्वओ सव्वं ॥ १ ॥ उड्ढं पुप्फफलाई तिरियं मज्जारिसाणडिंभाई। खीलगदारूगआवडण अहो पे || २७१ || भा० । ओणमओ पवडेज्जा सिरओ पाणा सिरं पमज्जेज्जा। एमेव उग्गहंमिवि मा संकुडणे तसविणासो ||२|| काउं पडिग्गहं करयलंमि अद्धं च ओणमित्ताणं । भत्तं वा पाणं वा पडिदंसिज्जा गुरूसगासे ||३|| ताहे य दुरालोइय भत्तपाण एसणभणेसणाए उ । अठुस्सासे अहवा अणुग्गहादी उ झापज्जा ॥ २७४॥ भा० । विणण पठ्ठवित्ता सज्झायं कुणइ तो मुहुत्तागं । पुव्व भणिया य दोसा परिस्समाई जढा एवं ॥ २॥ दुविहो य होइ साहू मंडलिउवजीवओ य इयरो य । श्री आगमगुणमजूषा - १९९५
ॐ
298
फ्र
[१९]