Agam 41 Mool 02 Ogh Niryukti Sutra Shwetambar Agam Guna Manjusha

SR No.: 003279
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 54
Language: Prakrit
Classification: Book_Devnagari, Agam, Canon, & agam_oghniryukti
File Size: 5 MB

Page 28

FOR955555555555555
(४३) उत्तरायणं (चउत्यं मूलसुत्त) अ. १९, २०
(२०5 5555555$$$sexe
MONOFFS$$$$K$$$$$$$$$$$$$$$$$$$$$FFFFFFFFSSSSSSSSSSSSSION
पंडिया पवियक्खणा । विणियटृति भोगेसु मियापुत्ते जहा मिसी ॥९७|| ७०२. महापभावस्स महाजसस्स मियाए पुत्तस्स निसम्म भासियं । तवप्पहाणं चरियं च उत्तमं गइप्पहाणं च तिलोगविस्सुयं ।।९८॥ ७०३. वियाणिया दुक्खविवड्डणं धणं ममत्तबंधं च महाभयावहं । सुहावहं धम्मधुरं अणुत्तरं धारेह निव्वाणगुणावहं महं ॥९९||त्ति बेमि || || मियापुत्तिज समत्तं ॥१९||★★★२० वीसइम महानियंठिनं अज्झयण★★★७०४. सिद्धाण नमो किच्चा संजयाणं च भावओ। अत्यधम्मगई तच्चं अणुसद्धिं सुणेह मे ॥१|| ७०५. पभूयरयणो राया सेणिओ मगहाहिवो । विहारजत्तं निजाओ मंडिकुच्छिसि चेइए ।।२।। ७०६. नाणादुम-लयाइण्णं नाणापक्खिनिसेवियं । नाणाकुसुमसंछन्नं उज्जाणं नंदणोवमं ॥३॥ ७०७. तत्थ सो पासई साहुं संजयं सुसमाहियं । निसन्नं सक्खमूलम्मि सुकुमालं सुहोइयं ।।४।। ७०८. तस्स रूवं तु पासित्ता राइणो तम्मि संजए। अच्चंतपरमो आसी अतुलो रूवविम्हओ ।।५।। ७०९. अहो ! वण्णो अहो ! रूवं अहो ! अज्जस्स सोमया। अहो ! खंती अहो ! मुत्ती अहो ! भोगे असंगया ||६|| ७१०. तस्स पाए उ वंदित्ता काउण य पयाहिणं । नाइदूरमणासन्ने पंजली पडिपुच्छई ।।७।। ७११. तरुणो सि अज्जो ! पव्वइओ भोगकालम्मि संजया ! । उवढिओ सि सामण्णे एयमढे सुणेमु ता ।।८॥ ७१२. अणाहो मि महारायं ! नाहो मज्झ न विजई। अणुकंपगं सुहिं वा वि कंची नाभिसमेमऽहं ।।९।। ७१३. तओ सो पहसिओ राया सेणिओ मगहाहिवो । एवं ते इड्डिमंतस्स कहं नाहो न विजई ॥१०॥ ७१४. होमि नाहो भयंताणं भोगे भुंजाहि संजया। मित्त-नाईपरिवुडो माणुस्सं खु सुदुल्लहं ॥११॥७१५. अप्पणा वि अणाहो सि सेणिया ! मगहाहिवा !| अप्पणा अणाहो संतो कस्स नाहो भविस्ससि ? ॥१२॥ ७१६. एवं वुत्तो नरिंदो सो सुसंभंतो सुविम्हिओ। वयणं असुयपुव्वं साहुणा विम्हयन्नितो ॥१३॥ ७१७. अस्सा हत्थी मणुस्सा मे पुरं अंतेउरं च मे। भुंजामि माणुसे भोए आणा इस्सरियं च मे ॥१४॥ ७१८. एरिसे संपयग्गम्मि सव्वकामसमप्पिए । कहं अणाहो भवइ मा हुभंते ! मुसं वए।।१५।। ७१९. न तुम जाणे अणाहस्स अत्थं पोत्थं व पत्थिवा !। जहा अणाहो भवइ सणाहो वा नराहिवा !।१६।। ७२०. सुणेह मे महारायं ! अव्वक्खित्तेण चेयसा। जहा अणाहो भवति जहा मे य पवत्तियं ।।१७।। ७२१. कोसंबी नाम नयरी पुराणपुरभेयणी । तत्थ आसी पिया मज्झं पभूयधणसंचओ ।।१८।। ७२२. पढमे वए महाराय ! अतुला मे अच्छिवेयणा । अहोत्था विउलो दाहो सव्वगत्तेसु पत्थिवा ॥२०|| ७२३. सत्थं जहा परमतिक्खं सरीरवियरंतरे। पविसेज्ज अरी कुद्धो एवं मे अच्छिवेयणा ||२०|| ७२४.तियं मे अंतरिच्छं च उत्तमंगं च पीडई। इंदासणिसमा घोरा वेयणा परमदारुणा ||२१|| ७२५. उवट्ठिया मे आयरिया विज्जा-मंतचिगिच्छगा। अबीया सत्थकुसला मंत-मूलविसारया ॥२२॥ ७२६. ते मे तिगिच्छं कुव्वंति चाउप्पायं जहाहियं । न य दुक्खा विमोयंति एसा मज्झ अणाहया ।।२३।। ७२७. पिया मे सव्वसारं पि देज्जाहि मम कारणा। न य दुक्खा विमोयंति एसा मज्झ अणाहया ॥२४॥ ७२८. माया वि मे महाराय ! पुत्तसोगसुहऽट्टिया । न य दुक्खा विमोयंति एसा मज्झ अणाया ।।२५।। ७२९. भायरो मे महाराय सगा जेट्ठ-कणिट्ठगा । न य दुक्खा विमोयंति एसा मज्झ अणाहया ॥२६।। ७३०. भइणीओ मे महाराय ! सगा जेट्ठ-कणिढगा। न य दुक्खा विमोयंति एसा मज्झ अणाहया ॥२७॥ ७३१. भारिया मे महाराय ! अणुरत्ता अणुव्वया। अंसुपुण्णेहिं नयणेहिं उरं मे परिसिंचई ।।२८|| ७३२. अन्नं पाणं च ण्हाणं च गंध मल्ल-विलेवणं । मए णायमणायं वा सा बाला नोवभुंजई ।।२९।। ७३३. खणं पि मे महाराय ! पासाओ वि न फिट्टई । न य दुक्खा विमोएइ एसा मज्झ अणाहया॥३०॥ ७३४. तओ हं एवमाहंसुदुक्खमा हु पुणो पुणो। वेयणा अणुभविउं जे संसारम्मि अणंतए ॥३१।। ७३५. सई च जइ मुच्चिज्जा वेयणा विउला इओ। खंतो दंतो निरारंभो पव्वए अणगारियं ||३२|| ७३६. एवं च चिंतइत्ताणं पासुत्तो मि नराहिवा !। परियत्तंतीए राईए वेयणा मे खयं गया ||३३|| ७३७. तओ कल्ले पभायम्मि आपुच्छित्ताण बंधवे। खंतो दंतो निरारंभो पव्वइओ अणगारियं॥३४॥७३८. तो हं नाहो जाओ अप्पणो य परस्सय। सव्वेसिं चेव भूयाणं तसाणं थावराण य॥३५॥ ७३९. अप्पा नदी वेयरणी अप्पा मे कूडसामली। अप्पा कामदुहा घेणू अप्पा मे नंदणं वणं ।।३६॥ ७४०. अप्पा कत्ता विकत्ता य दुक्खाण य सुहाण य । अप्पा मित्तममित्तं च दुप्पट्ठियसुपट्टिओ॥३७।। ७४१. इमा हु अन्ना वि अणाहया निवा ! तमेगचित्तो निहुओ सुणेहि मे । नियंठधम्म लभियाण वी जहा
T$听听听听听听听听听听听听听听听听听听听听听听听听听听听听听听听听听听听听听听听听听听听听听乐乐乐CQ
MOTOS55555555555555555# श्री आगमगुणमंजूषा - १६५९॥5
55555555555555555555OTO