Agam 41 Mool 02 Ogh Niryukti Sutra Shwetambar Agam Guna Manjusha

SR No.: 003279
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 54
Language: Prakrit
Classification: Book_Devnagari, Agam, Canon, & agam_oghniryukti
File Size: 5 MB

Page 26

AGRO555555555555555
(४३) उत्तररुज्झयणं (चउत्थं मूलसुत) अ. १९
१ ८]
55555555555555eog
0
%%%%%%$2
%%%%%%%%%%%%%%%%%
समुप्पन्ने मियापुत्ते महिड्डिए। सरई पोराणियं जाई सामण्णं च पुराकयं ॥९॥६१४. विसएहिं अरज्जतो रज्जतो संजमम्मि य। अम्मा-पियरं उवागम्म इमं वयणमब्बवी ॥१०|| ६१५. सुयाणि मे पंच महव्वयाणि नरएसु दुक्खं च तिरिक्खजोणिसु । निविण्णकामो मि महण्णवाओ अणुजाणह पव्वइस्सामो अम्मो ! ।।११।। ६१६. अम्म ! ताय ! मए भोगा भुत्ता विसफलोवमा । पच्छा कडुयविवागा अणुबंधदुहावहा ।।१२।। ६१७. इमं सरीरं अणिच्चं असुइं असुइसंभवं । असासयावासमिणं दुक्खकेसाण भायणं ॥१३॥ ६१८. असासए सरीरम्मि रई नोवलभामहं । पच्छा पुरा व चइयव्वे फेणबुब्बुयसन्निभे ।।१४।। ६१९. माणुसत्ते असारम्मि वाहीरोगाण आलए। जरा-मरणपत्थम्मि खणं पि न रमामहं ।।१५।। ६२०. जम्मं दुक्खं जरा दुक्खं रोगा य मरणाणि य । अहो ! दुक्खो हु संसारो जत्थ कीसंति जंतवो
||१६|| ६२१. खेत्तं वत्थु हिरण्णं च पुत्त-दारं च बंधवा । चइत्ताणं इमं देहं गंतव्वमवसस्स मे ।।१७।। ६२२. जहा किंपागफलाणं परिणामो न सुंदरो । एवं भुत्ताण ॐ भोगाणं परिणामो न सुंदरो॥१८|| ६२३. अद्धाणं जो महंतं तु अपाहेज्जो पवज्जई । गच्छंते से दुही होइ छुहा-तण्हाए पीलिए ।।१९।। ६२४. एवं धम्मं अकाऊणं जो '
गच्छइ परं भवं । गच्छंते से दुही होइ वाहि-रोगेहिं पीलिए॥२०॥ ६२५. अद्धाणं जो महतं तु सपाहेज्नो पवज्जई । गच्छंते से सुही होइ छुहा-तण्हाविवज्जिए।।२१।। ६२६. एवं धम्म पि काऊणं जो गच्छइ परं भवं । गच्छंते से सुही होइ अप्पकम्मे अवेयणे ।।२२।। ६२७. जहा गेहे पलित्तम्मि तस्स गेहस्स जो पहू । सारभंडाणि नीणेइ असारं अवइज्झइ ।।२३।। ६२८. एवं लोए पलित्तम्मि जराए मरणेण य । अप्पाणं तारयिस्सामि तुब्भेहिं अणुमन्निओ ॥२४॥ ६२९. तं बेंतऽम्मा-पियरो सामन्नं पुत्त ! दुच्चरं । गुणाणं तु सहस्साइं धारेयव्वाइं भिक्खुणा ॥२५।। ६३०. समता सव्वभूएसु सत्तु-मित्तेसुवा जगे। पाणाइवायविरई जावज्जीवाए दुक्करं ॥२६|| ६३१. निच्चकालऽप्पमत्तेणं मुसावायविवज्जणं । भासियव्वं हियं सच्चं निच्चाउत्तेण दुक्करं ॥२७॥ ६३२. दंतसोहणमाइस्स अदत्तस्स विवज्जणं । अणवज्जेसणिज्जस्स गेण्हणा अवि दुक्करं ।।२८।। ६३३. विरई अबंभचेरस्स कामभोगरसन्नुणा । उग्गं महव्वयं बंभं धारेयव्वं सुदुक्करं ||२९|| ६३४. धण-धन्न-पेसवग्गेसु परिग्गहविवज्जणा । सव्वारंभपरिच्चाओ निम्ममत्तं सुदुक्करं ॥३०॥ ६३५. चउब्विहे वि आहारे राईभोयणवज्जणा । सन्निहीसंचओ चेव वज्जेयव्वो सुदुक्करं ॥३१।। ६३६. छुहा तण्हा य सीउण्हं दंस-मसगवेयणा । अक्कोसा दुक्खसेज्जा य तणफासा जल्लमेव य ।।३२|| ६३७. तालणा तज्जणा चेव वध-बंधपरीसहा। दुक्खं भिक्खायरिया जायणा य अलाभया ।।३३।। ६३८. कावोया जा इमा वित्ती केसलोओ य दारुणो । दुक्खं बंभव्वयं घोरं धारेउं अमहप्पणो ॥३४॥ ६३९. सुहोइओ तुमं पुत्ता ! सुकुमालो य सुमज्जिओ। न हु सी पभू तुमं पुत्ता ! सामण्णमणुपालिया ॥३५।। ६४०. जावज्जीवमविस्सामो गुणाणं तु महब्भरो। गरुओ लोहभारो व्व जो पुत्ता ! होइ दुव्वहो ॥३६|| ६४१. आगासे गंगसोओ व्व पडिसोओ व्व दुत्तरो। बाहाहिं सागरो चेव तरियव्वो गुणोदही ॥३७॥ ६४२. वालुयाकवलो चेव निरस्सादे उ संजमे । असिधारागमणं चेव दुक्करं चरिउं तवो ॥३८॥ ६४३. अहीवेगंतदिट्ठीए चरित्ते पुत्त ! दुक्करे। जवा लोहमया चेव चावेयव्वा सुदुक्करं ||३९।। ६४४. जहा अग्गिसिहा दित्ता पाउं होइ सुदुक्करं । तह दुक्करं करेउं जे तारुण्णे समणत्तणं ॥४०॥ ६४५. जहा दुक्खं भरेउंजे होइ वायस्स कोत्थलो। तह दुक्खं करेउंजे कीवेणं समणत्तणं ॥४१॥ ६४६. जहा तुलाए तोलेउं दुक्करं मंदरो गिरी। तहा निहुय नीसंकं दुक्करं समणत्तणं ॥४२॥ ६४७. जहा भुयाहिं तरिउं जे दुक्करं रयणायरो। तहा अणुवसंतेणं दुत्तरो दमसागरो॥४३॥ ६४८. भुंज माणुस्सए भोए पंचलक्खणए तुमं । भुत्तभोगी तओ जाया ! पच्छा धम्मं चरिस्ससि ॥४४॥६४९. सो बेंतऽम्मा-पियरो एवमेयं जहाफुडं । इहलोगे निप्पिवासस्स नत्थि किंचि वि दुक्करं ॥४५|| ६५०. सारीर-माणसा चेव वेयणाओ अणंतसो | मए सोढाओ भीमाओ असई दुक्खभयाणि य ॥४६|| ६५१. जरा-मरणकंतारे चाउरते भयागरे। मए सोढाणि भीमाणि जम्माणि मरणाणि य ||४७|| ६५२. जहा इहं अगणी उण्हो एत्तोऽणंतगुणो तहिं । नरएसु वेयणा उपहा असाया वेदिया मए ।।४८॥ ६५३. जहा इमं इहं सीयं एत्तोऽणंतगुणं तहिं । नरएसु वेयणा सीया असाया वेइया मए ॥४९॥ ६५४. कंदंतो कंदुकुंभीसु उद्धपाओ अहोसिरो। हुयासणे जलंतम्मि पक्कपुव्वो अणंतसो॥५०॥ ६५५. महादवग्गिसंकासे मरुम्मि वइरवालुए। कलंबवालुयाए य दड्डपुब्बो अणंतसो॥५१॥
६५६. रसंतो कंदुकुंभीसु उद्धं बद्धो अबंधवो। करवत्त-करकयादीहिं छिन्नपुव्वो अणंतसो॥५२।। ६५७. अइतिक्खकंटकाइण्णे तुंगे सिंबलिपायवे। खेवियं पासबद्धेणं Exero+555555555555555555 श्री आगमगुणमंजूषा- १६५७55555555555555555555555GHORA
必所乐听听听听听听听听听听听听听听听听听听听听听听乐乐乐乐乐乐乐明乐乐乐乐乐乐乐明明明明明明明明明2O
ORC5%%%%%%%%%%%