Agam 39 Chhed 06 Maha Nishith Sutra Shwetambar Agam Guna Manjusha

SR No.: 003277
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 87
Language: Prakrit
Classification: Book_Devnagari, Agam, Canon, & agam_mahanishith
File Size: 9 MB

Page 69

NORO
(३५) महानिसीह छेयसुत्तं (२) स.अ.
[६१]
दिना ण य अण्णणो पडिगाहेज्जा तओ पारंचियं, एवं वसहि दंडापुंछणगेणं विहीए य पमज्जिऊणं कयवरं पच्चुप्पेहेऊणं छप्पइयाओ संविभातिऊणं च तं कयवरंण परिठ्ठवेज्जा परिट्ठवित्ताणं च सम्मं विहीए अच्चंतोवउत्तएगग्गमणसेण पयंपएणं तु सुत्तत्थोभयं सरमाणे जे णं भिक्खू ण ईरियं पडिक्कमेज्जा तस्स अ आयंबिलं खमणं पच्छित्तं निद्देसेज्जा, एवं तु अइक्कमिज्जा णं गोयमा ! किंचूणगं दिवड्ढं घडिगं पुव्वण्हिगस्स णं पढमजामस्स, एयावसरम्ही उ गोयमा ! जे णं भिक्खू गुरूणं पुरो विहीए सज्झायं संदिसाविऊणं एगग्गचित्ते सुयाउत्ते दढं धीइए घडिगोणपढमपोरिसी जावज्जीवाभिग्गहेणं अणुदियहं अपुव्वणाणगहणं न करेज्जा तस्स दुवालसमं पच्छित्तं निद्देसेज्जा, अपुव्वनाणाहिज्जणस्स असई जमेव पुव्वाहिज्जियं तं सुत्तत्थोभयमणुसरमाणो एगग्गमाणसे न परावत्तेज्जा भत्तित्थीरायतक्करजणवयाइविचित्तिविगहासु अणं अभिरमेज्जा अवंदणिज्जे, जेसिं च णं पुव्वाहीयं सुत्तं णत्थेव अउव्वनाणगहणस्स णं असंभवो वा तेसिमवि घडिगूणपढमपोरिसी पंचमंगलं पुणो २ परावत्तणीयं, अहा णं णो परावत्तिया विगहं कुव्वीया वा निसामिया वा से णं अवंदे, एवं घडिगूणगाए पढमपोरिसीए जे णं भिक्खु एगग्गचित्तो सज्झायं काऊ त पत्तगमत्तगकमढाई भंडोवगरणस्स णं अवक्खित्ताउत्तो विहीए पच्चुप्पहेणं ण करेज्जा तस्स णं चउत्थं पच्छित्तं निद्दिसेज्जा, भिक्खुसद्दो पच्छित्तसद्दो इमे सव्वत्थ पइयं जोजणीए, जइ णं तं भंडोवगरणं ण भुंजीया अहा णं परिभुंजे दुवालसं, एवं अइक्कंता पढमपोरिसी, बीयपोरसीए अत्थगहणं न करेज्जा पुरिमइढं, जइ णं वक्खाणस्स णं अभावो, अहा णं वक्खाणं अत्थेव तं ण सुणेज्जा अवंदे, वक्खाणस्सासंभवे कालवेलं जाव वायणाइसज्झायं न करेज्जा दुवालसं, एवं पत्ताए कालवेलाए जंकिंचि अइयराइयदेवसियाइयारे निदिए गरहिए आलोइए पडिक्कंते जंकिंचि काइगं वा वाइगं वा माणसिगं वा उस्सुत्तायरणेण वा उम्मग्गायरणेण वा अकप्पासेवणेण वा अकरणिज्जसमायरणेण वा दुज्झाइएण वा दुव्विचितिएण वा अणायारसमायरणेण वा अणिच्छियव्वसमायरणेण वा असमणपाउग्गसमायरण वा नाणे दंसणे चरित्ते सुए सामाइए तिण्हं गुत्तियादीणं चउण्हं कसायादीणं पंचण्हं महव्वयादीणं छण्हं जीवनिकायादीणं सत्तण्हं पिंडेसणमाईणं अट्ठण्हं पवयणमाइयाईणं नवहं बंभचेरगुत्ती (ताई) णं दसविहस्स णं समणधम्मस्स एवं तु जाव णं एमाइअणेगालावगमाईणं खंडणे विराहणे वा आगमकुसलेहिं णं गुरूहिं पायच्छित्तमुवइठ्ठ निमित्ते जहासत्तीए अणिगृहियबलवीरियपुरिसयारपरक्कमे असढत्ताए अदीणमाणसे अणसणाइ सबज्झंतरं दुवालसविहं तवोकम्मं गुरूणमंतिए पुणरवि णिदृंकिऊणं सुपरफुडं काऊणं तहत्ति अभिनंदित्ताणं खंडाखंडीविभत्तं वा एगपिंडठ्ठियं वा ण सम्ममणुचेट्टेज्जा से णं अवंदे, से भयवं ! केणं अट्ठेणं खंडाखंडीए काऊणमणुचिठ्ठेज्जा ?, गोयमा ! जेणं भिक्खू संवच्छरद्धं चाउम्मासं मासखमणं वा एक्कोलगं काऊणं न सक्कुणोइ ते णं छट्ठट्ठमदसमदुवालसद्धमासक्खमणेहिं णं तं पायच्छित्तं अणुपवेसेइ, अन्नमवि जंकिंचि पायच्छित्ताणुगयं, एतेणं अठ्ठेणं खंडाखंडीए समणुचिठ्ठे, एवं तु समोगाढं किंचूणं पुरिमड्ढं, एयावसरंमि उ जे णं पडिक्कमंतेइ वा वंदंतेइ वा सज्झायं करेंतेइ वा परिभमंतेइ वा संचरंतेइ वा गएइ वा ठिएइ वा बइट्ठलगेइ वा उठ्ठियलगेइ वा तेउकाएण वा फुसिल्लियल्लगे भवेज्जा से णं आयंचिऊणं ण संवरेज्जा तओ चउत्थं, अन्नेसिं तु जहाजोगं जहेव पायच्छित्ताणि पविसंति, तहा ससत्तीए तवोकम्मं णाणट्ठेइ तओ चउग्गुणं पायच्छित्तं तमेव बीयदियहे उवइसेज्जा, जेसिं चणं वंदंताण वा पडिक्कमंताण वा दीहं वा मज्जारं वा छिंदिऊणं गयं हवेज्जा तेसिं च णं लोयकरणं अन्नत्थ गमणं तंमाणं उग्गतवाभिरमणं, एयाई ण कुव्वंति तओ गच्छबज्झे, जेणं तु तं महोवसग्गसाहगं उप्पायगं दुन्निमित्तममंगलावहं हविया, जे णं पढमपोरिसीए वा बीयपोरिसीए वा चंकमणियाए वा परिसक्कज्जा अगालसन्निहीए वा छड्डी करेइ वा से णं जइ चउव्विहेणं ण संवरेज्जा तओ छठ्ठे, दिया थंडिले पडिलेहिए राओ सन्नं वोसिरेज्जा समाहीए वा एगासणं गिलाणस्स, अन्नेसिं तु छट्ठमेव, जइ णं दिया णं थंडिलं पच्चुप्पेहियं णो णं समाही संजमिया अपच्चुप्पेहिए थंडिले अपेहियाए चेव समाहीए रयणीए सन्नं वा काइयं वा वोसिरिज्जा गाणगं गिलाणस्स, सेसाणं दुवालसं, अहा णं गिलाणस्स मिच्छुक्कडं वा, एवं पढमपोरिसीए बीयपोरिसीए वा सुत्तत्थाहिज्जणं मोत्तूणं जे णं इत्थीकहं वा भत्तकहं वादेसकहं वा रायकहं वा तेणकहं वा गारत्थियकहं वा अन्नं वा असंबद्धं रोद्दट्टज्झाणोदीरणाकहं पत्थावेज्न वा उदीरेज्ज वा कहेज्ज वा कहावेज्ज वा से णं संवच्छरं जाव अवंदे, अहा णं पढमबीयपोरिसीए जइ णं कयाई महया कारणवसेणं (घडिगं वा ) अद्धघडिगं वा सज्झायं न कयं तत्थ मिच्छुक्कडं गिलाणस्स, अन्नेसिं निव्विगइयं, Hoon श्री आगमगुणमंजूषा १४२२ 552
Education I
CPU