Agam 39 Chhed 06 Maha Nishith Sutra Shwetambar Agam Guna Manjusha

SR No.: 003277
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 87
Language: Prakrit
Classification: Book_Devnagari, Agam, Canon, & agam_mahanishith
File Size: 9 MB

Page 49

FRORG5555555555555555555555555555555555555555555Fort
IS Ohhhhhh$$$$$$$$H
(३५) महानिसीह छेयसन (२)पं. स. [१]
555555555555555OOR पव्वज्जाविराहणजाणगे जे णं उवट्ठावणाविराहणाजाणगे जे णं उद्देससमुद्देसाणुन्नाविराहणजाणगे जे णं कालक्खेत्तदव्वभावभावंतरंतरवियाणगे जे णं कालखेत्तदव्वभावालंबणविप्पमुक्के जे णं सबालवुड्ढगिलाणसेहसिक्खगसाहम्मिगअज्जावट्टावणकुसले जे णं परूवगे नाणदंसणचारित्ततवोगुणाणं जेणं वरए धरए पभावगे नाणदंसणचरिनतवोगुणाणं जे णं दढसम्मले जे णं सययं अपरिसाई जे णं धीइमं जेणं गंभीरे जे णं सुसोमनेसे जे णं दिणयरमिव अणभिभवणीए तवतेएणं जे णं ससरीरोवरमेऽवि छ कायसमारं भविवजी जे णं तवसीलदाणभावणामयचउविहधम्मरायभीरू जे णं सव्वासायणाभीरू जे णं इड्डिरसपायागारवरोइट्टज्झाणविप्यमुक्के जेणं सव्वावस्सगमुज्जुत्ते जेणं सविसेसलद्धिजुत्ते जेणं आवडियापिल्लियामंतिओवि णायरेज्जा अयज्ज जेणं नो बहुनिद्दो जे णं नो बहुभोई जे णं सव्वावस्सगसज्झायज्झाणपडिमाभिग्गहघोरपरीसहोवसग्गेसु जियपररसमे जे णं सुपत्तसंगहसीले जेणं अपत्तपरिट्ठावणविहिन्नू जे णं अणट्ठ(णुद्ध) यबोंदी जे णं परसमयससमयसम्मवियाणगे जे णं कोहमाणमायालोभममकारादितिहा. सखेड्डकं दप्पणाहवायविप्पमुक्के धम्मकही' संसारवासविसयाभिलासादीणं वेरगुप्पायगे पडिवोहगे भव्वसत्ताणं से णं गच्छनिक्खेवणजोग्गे सेणं गणी से णं गणहरे से णं तित्थे से णं तित्थयरे से णं अरहा से णं केवली से णं जिणे से णं तित्थुब्भासगे से णं वंदे सेणं पुज्जे से णं नमसणिज्जे से णं दट्ठव्वे से णं परमपवित्ते से णं परमकल्लाणे से णं परममंगले से णं सिद्धी से णं मुत्ती से णं सिवे से णं मोक्खे सेणं ताया से णं संमग्गे से णं गती से णं सरन्ने से णं सिद्धे मुत्ते पारगए देवे देवदेवे, एयस्सणं गोयमा ! गणनिक्खेयं कुज्जा एयस्स णं गणनिक्खेवं कारवेज्जा एयस्स णं गणनिक्खेवकरणं समणुजाणेज्जा, अन्नहा णं गोयमा ! आणाभंगे।१५/से भयवं ! केवइयं कालं जाव एस आणा पवेइया ?, गोयमा ! जाव णं महायसे महासत्ते महाणुभागे सिरिप्पभे अणगारे , से भगवं ! केवइएणं कालेणं सिरिप्पभे अणगारे भवेज्जा?, गोयमा ! होही दुरंतपंतलक्खणे अदट्ठव्वे रोद्दे चंडे पयंडे उग्गपयंडदंडे निम्मेरे निक्किवे निग्धिणे निविसे कूरयरपावमई अणारिए मिच्छद्दिट्ठी कक्की नाम रायाणे, सेणं पावे पाहुडियं भमाडिउकामे सिरिसमणसंघं कयत्थेज्जा, जाव णं कयत्थेइ ताव णं गोयमा ! जे केई तत्थ सीलड्ढे महाणुभागे अचलियसत्ते तवोहणे अणगारे तेसिंच पाडिहेरियं कुज्जा सोहम्मे कुसिलपाणी एरावणगामी सुरवरिदे. एवं च गोयमा ! देविंदवंदिए दिट्टपच्चए ण सिरिसमणसंघे णिट्ठिज्जा ण कुणए पासंडधम्मे, जाव णं गोयमा ! एगे अविइज्जे अहिंसालक्खणखंतादिदसविहे धम्मे एगे अरहा देवाहिदेवे एगे जिणालए एगे वंदे पूए दक्खे सक्कारे सम्माणेमहायसे महासत्ते महाणुभागे दढसीलव्वयनियमधारए तवोहणे साहू, तत्थ णं चंदमिव सोमलेसे सूरिए इव तवतेयरासी पुढवी इव परीसहोवसग्गसहे मेरूमंदरधरे इव निप्पकंपे ठिए अहिंसालक्खणखंतादिदसविहे धम्मे. से णं सुसमणगरपरिखुडे निरन्भगयणामलकोमुईजोगजुत्ते इव गहरिक्खपरियरिए गहवई चंदे अहिययरं विराइज्जा, गोयमा ! से णं सिरिप्पभे अणगारे, तो गोयमा ! एवतियं कालं जाव एसा आणा पवेइया।१६।से भवयं ! उड्ढं पुच्छा, गोयमा ! तओ परेण उड्ढे हायमाणे कालसमए, तत्थ णं जे केई छक्कायसमारंभविवज्जी सेणं धन्नेपुन्ने वंदे पूए नमंसणिज्जे सुजीवियं जीवियं तेसिं|१७|से भयवं ! सामन्ने पुच्छाजावणं वयासी ?, गोयमा ! अत्थेगे जेणं जोगे अत्थेगे जे णं नो जोगे, से भयवं ! केण अद्वेण एवं बुच्चइ जहा णं अत्थेगे जाव जेणं नो जोगे?, गोयमा ! अत्थेगे जेसिंणं सामन्ने पडिकुढे अत्येगे जेसिंच णं सामन्ने नो पडिकुटे, एएणं अट्ठणं एवं वुच्चइ-जहा णं अत्थेगे जेणं जोगे अत्थेगे जेणं नो जोगे, से भयवं ! कयरे ते जेसिंणं सामन्ने पडिकुठे ?, कयरे वा ते जेसिंच णं सामन्ने नो पडिकुट्टे ?,एएणं अट्टेणं एवं वुच्चइ जहाणं अत्थेगे जेणं विरूद्धे अत्थेगे जेणं नो विरूद्धे, जेणं से विरूद्धे सेणं पडिसेहिए, जेणं से णो विरूद्धे सेणं नो पडिसेहिए. से भयवं ! के णं से विरूद्धे के वा णं अविरूद्धे ?, गोयमा ! जे जेसुं देससुं दुगुंछणिज्जे जे जेसुं देसेसुं दुगुंछिए जे जेसुंदेसेसुपडिकुठे सेणं तेसु देसेसुं विरूद्धे, जे य णं जेसुंदेसेसुंणो दुगुंछणिज्जे जे य णं जेसुं देसेसुनो दुगुंछिए जे यणं जेसुं देसेसु णो पडिकुटे से णं तेसु देसेसु नो विरुद्धे, तत्थ गोयमा ! जे णं जेसुं २ देसेसुं विरुद्धे से णं नो पव्वावए जेणं जेसुं २ देसेसुंणो विरद्धे से णं पव्वावए से भयवं! से कत्थ देसे के विरुद्ध के वाणो विरुद्धे ?,गोयमा ! जे णं केई पुरिसेइ वा इथिएइ वा रागेण वा दोसेण वा अणुसएण
OO听听听听听听听听听听听听听听听听听乐听听听听听听听听听听听听听听听听听听听听听听听听听听听乐QG
Morch #55555555555555555555555 श्री आगमगुणभंजूषा १४०२ 15555555555555555555FFFFFFOTOK