Agam 39 Chhed 06 Maha Nishith Sutra Shwetambar Agam Guna Manjusha

SR No.: 003277
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 87
Language: Prakrit
Classification: Book_Devnagari, Agam, Canon, & agam_mahanishith
File Size: 9 MB

Page 26

PAG9555555555555555
(३५) महानिसीह छेयसुत्तं (२) तृ.अ.
[१८]
55555555555555OXOXY
C%听听听听听听听听听听听听听听听听听听听听听听听听听听听听听听听听听听听听听听听听听听听听听听听FGO
समयण्णुदढचरित्तादिगुणसंपओववेयगुरू-सद्दत्थाणुठ्ठाणकरणेक्कबद्धलक्खत्तऽबाहियगुरूवयणविणिग्गयं विणयादिबहुमाणपरिओसाणुकं पोवलद्धं अणेगसोगसंतावुव्वेगमहावाहिवियणा-घोरदुक्खदारिद्दकिलेसरोगजम्मजरामरणगब्भवासाइदुट्ठसावगावगाहभीमभवोदहितरंडगभूयं इणमो सयलागममज्झवत्तगस्स मिच्छत्तदोसोवहयविसिठ्ठबुद्धीपरिकप्पियकुभणियअघऽमाणअसेसहेउदिट्ठतजुत्तीविद्धंसणिकप्पच्चलपोट्टस्स पंचमंगलमहासुयक्खंधस्स पंचज्झयणेगचूलापरिक्खित्तस्स पवरपवयणदेवयाहिठ्ठियस्स तिपदपरिच्छिन्नेगालावगसत्तक्खरपरिमाणं अणंतगमपज्जवत्थपसाहगं सव्वमहामंतपवरविज्जाणं परमबीयभूयं नमो अरहताणंति पढमज्झयणं अहिज्जेयव्वं, तद्दियहे य आयंबिलेणं पारेयव्वं, तहेव बीयदिणे अणेगाइसयगुणसंपओववेयं अणंतरभणियत्थपसाहगं अणंतरूत्तेणेव कमेणं दुपयपरिच्छिन्नेगालावगपंचक्खरपरिमाणं नमो सिद्दाणंति बीयज्झयणं अहिजेयव्वं, तद्दियहे य आयंबिलेण पारेयव्वं, एवं अणंतरभणिएणेव कमेणं अणंतरूत्तत्थपसाहगं तिपदपरिच्छिन्नेगालावगं सत्तक्खरपरिमाणं नमो आयरियाणंति तइयमज्झयणं आयंबिलेणं अहिज्जियव्वं, तहा अणंतरूत्तत्थपसाहगं तिपयपरिच्छिन्नेगालावगं सत्तक्खरपरिमाणं नमो उवज्झायाणंति चउत्थमज्झयणं अहिज्जेयव्वं, तद्दियहे य आयंबिलेणं पारेयव्वं, एवं णमो लोए सव्वसाहूणंति पंचममज्झयणं पंचमदिणे आयंबिलेण, तहेव तयत्थाणुगामियं एक्कारसपयपरिच्छिन्नतितयावगतित्तीसक्खरपरिमाणं 'एसो पंचनमोक्कारो, सव्वपावप्पणासणो। मंगलणं च सव्वेसिं, पढमं हवइ मंगलमितिचूलंति छट्ठसत्तमंट्ठमदिणे तेणेव कमविभागणं आयंबिलेहिं अहिज्जेयव्वं, एवमेयं पंचमंगलमहासुयक्खंधं सरवन्नपयसहियं पयक्खरबिंदुमत्ताविसुद्धं गुरूगुणोववेयगुरूवइ8 कसिणमहिज्जित्ताणं तहा कायव्वं जहा पुव्वाणुपुव्वीए पच्छाणुपुव्वीए अणाणुपुव्वीए जीहग्गे तरेज्जा, तओ तेणेवाणंतरभणियतिहिकरणमुहुत्तनक्खत्तजोगलग्गससीबलजंतुविरहिओगासचेइयालगाइकमेणं अठ्ठमभत्तेणं समणुजाणाविऊणं गोयमा ! महया पबंधेण सुपरिफुडं णिउणं असंदिद्धं सुत्तत्थं अणेगहा सोऊणावधारेयव्वं, एयाए विहीए पंचमंगलस्स णं गोयमा ! विणओवहाणो कायव्वो ॥१२॥ से भयवं ! किमेयस्स अचिंतचिंतामणिकप्पभूयस्सणं पंचमंगलमहासुयक्खंदस्स सुत्तत्थं पन्नत्तं ?, गोयम ! एमाइयं एयस्स अचिंतचिंतामरिकप्पभूयस्स णं पंचमंगलमहासुयक्खंधस्स णं सुत्तत्थं पण्णत्तं, तंजहाजेणं एस पंचमंगलमहासुयक्खंधे से णं सयलागमंतरोववत्ती तिलतेलकमलमयरंदव्व सव्वलोए पंचत्थिकायमिव जहत्थकिरियाणुराया (गए) सब्भलंगुणकित्तणे जहिच्छियफलपसाहगे चेव, णो णमन्नेत्ति, ते य पंचहा-अरहते सिद्धे आयरिए उवज्झाए साहवो य, तत्थ एएसिंचेव गब्भत्थसब्भावो इमो तंजहा-सनरामरासुरस्सणं सव्वस्सेव जगस्स अट्टमहापाडिहेराइपूयाइसओवलक्खियं अणण्णसरिसमचिंतमाहप्पं केवलाहिट्ठियं पवरूत्तमं अरहंतित्ति अरहंता, असेसकम्मक्खाएणं निद्दड्ढभवंकुरत्ताउ न पुणेह भवंति जंमंति उववज्जति वा अरूहंता वा, णिम्महियनिहयनिहलियविलीयनिट्ठवियउभिभूयसुदुज्जयासेसअट्ठपयारकम्मरिउत्ताओ वा अरिहंतेति वा, एवमेते अणेगहा पन्नविनंति परूविज्जंति आघविज्जति पविजंति दंसिज्जति उवदंसिज्जंति, तहा सिद्धाणि परमाणंदमहसवमहाकल्लाणनिरूवमसोक्खाणि णिप्पकंपसुक्कज्झाणाइअचिंतसत्तिसामत्थओ सजीववीरिएणं जोगनिरोहाइणा महापयत्तेणिति सिद्धा, अठ्ठप्पयारकम्मक्खएण वा सिद्धं सज्जमतेसिति सिद्धा, सियं झायमेसिमिति वा सिद्धा, सिद्धे निट्ठिए पहीणे सयलपओयणवायकयंबमेतेसिमिति सिद्धा, एवमेते इत्थीपुरूसनपुंससलिंगडण्णलिंगगिहिलिंगपत्तेयबुद्धबोहिय जाव णं कम्मक्खयसिद्धाइभेएहि णं अणेगहा पन्नविनंति, तहा अठ्ठारससीलंगसहस्साहिट्ठियतूणं छत्तीसइविहमायारं जहट्ठियमगिलाए अहन्निसाणुसमयं आयरंतित्ति पवत्तयंतित्ति आयरिया, परमप्पणो अहियमायरंतित्ति आयरिया, सव्वसत्तस्स सीसगणाणं वा हियमायरंति आयरिया, पाणपरिच्चाएऽवि उ पुढवादीणं समारंभ नायरंति णारभंति नाणुजाणंति वा आयरिया, सुट्ठमवरद्धेऽविण कस्सई मणसावि पावमायरंतित्ति वा आयरिया, एवमेते णामठवणादीहिं अणेगहा पन्नविज्जति, तहा सुसंवुडासवदारे मणावयकायजोगत्तउवउत्ते विहिणा सरवंजणमत्ताबिंदुपयक्खरविसुद्धदुवालसंगसुयनाणज्झयणज्झावणेणं परमप्पणो अ मोक्खोवयं झायंतित्ति उवज्झाए, थिरपरिचियमणंतगमपज्जवत्थेहिं वा दुवालसंगं सुयनाणं चिंतंति अणुसरंति एगग्गमाणसा झायंतित्ति वा उवज्झाए, एवमेतेहिं (भेएहिं) अणेगहा पन्नविज्जंति, तहा अच्चंतकठ्ठउग्गुग्गयरघोरतवचरणाइं अणेगवयनियमोववासनाणा