Page Text
________________
४००
(३९/१) दसासूयक्खंधं छेयसुत्तं (६) दसा ७
[७]
FOR
सत्तराइंदिया अहारोइं- (२४६) दिया एगराईदिया भिक्खुपडिमा । ३१ । मासियं णं भिक्खुपडिमं पडिवन्नस्स अणगारस्स निच्वं वोसठ्ठकाए चियत्तदेहे जे कई उवसग्गा उप्पज्जेति तं ० - दिव्वा वा माणुसा वा तिरिक्खजोणिया वा ते उप्पण्णे सम्मं सहति खमति तितिक्खति अहियासेति, मासियं णं भिक्खुपडिमं पडिवण्णस्स अणगारस्स कप्पइ एगा दत्ती भोयणस्स पडिगाहित्तए एगा पाणगस्स, अण्णाउंछं सुद्धोवहडं निज्जूहित्ता बहवे दुप्पयचउप्पयसमणमाहण अतिहिकिविणवणिमगा, कप्पइ से एगस्स भुंजमाणस्स पडिगाहित्तए, णो दुण्हं णो तिण्हं णो चउण्हं णो पंचण्हं णो गुव्विणीए णो बालवच्छाए णो दारगं पेज्जमाणीए नो अंतो एलुयस्स दोवि पाए साहट्टु दलमाणीए नो बाहिं एलुयस्स दोवि पाए साहड दलमाणीए, एगं पाए अंतो किच्चा एवं पायं बाहिं किच्चा एलुयं विक्खंभइत्ता एवं दलयति एवं से कप्पति डिगाहित्तए, एवं से नो दलयति एवं से नो कप्पइ पडिगाहित्तए, मासियं णं भिक्खुपडिमं पडिवण्णस्स अणगारस्स तओ गोयरकाला पं० तं० आदिसे मज्झिमे चरिमे, आदि चरेज्जा णो मज्झे चरिज्जा णो चरिमे चरिज्जा, मज्झे चरेज्जा नो आइ चरेज्जा नो चरिमे चरेज्जा, चरिमं चरेज्जा नो आदिमं चरेज्जा नो मज्झे चरेज्जा, मासियं णं भिक्खुपडिमं पडिवण्णस्स अणगारस्स छव्विहा गोयरचरिया पं० तं० - पेला अद्धपेला गोमुत्तिया पयंगवीथिका संबुकावट्टा गंतुंपच्चागया, मासियं णं भिक्खुपडिमं पडिवण्णस्स अणगारस्स जत्थ णं केइ जाणति कप्पर से तत्थ एगराइयं वसित्तए, जत्त णं केइ न जाणइ से कप्पति तत्थ एगरायं वा दुरायं वा वसित्तए,
परायाओ वा दुरायाओ वा परं वत्थए, जं तत्थ एगरायाओ वा दुरायाओ वा परं वसति से संतरा छेदे वा परिहारे वा, मासियं णं भिक्खुपडिमं पडिवण्णस्स कप्पंति चत्तारि भासाओ भासित्तए तं०-जायणी पुच्छणी अणुण्णवणी पुठ्ठस्स वागरणी, मासियं णं भिक्खुपडिमं पडिवण्णस्स० कप्पंति तओ उवस्सगा पडिले हित्तए तं०- अहे आरामगिहं अहे वियडगिहं अहे रूक्खमूलगिहं, मासियण्णं० कप्पइ तओ उवस्सया उवायणावित्तए तं चेव, मासियं णं० कप्पइ तओ संथारगा पडिलेहित्तए तं० अहे पुढवीसिलं वा कठ्ठसिलं वा आहासंथडमेव, मासियं णं भिक्खुपडिमं पडिवण्णस्स कप्पइ तओ संथारा अणुण्णवेत्तए तं चेव, मासियं णं० कप्पंति तओ संथारा ओवायणावित्तए तं चेव, मासियं० इत्थी उवस्सयं उवागच्छिज्जा से इत्थी एवं पुरिसे णो से कप्पइ तं पडुच्च निक्खमित्तए वा पविसित्तए वा, मासियं० जाव पडिवण्णस्स केइ उवस्सयं अगणिकाएण झामेज्जा नो से कप्पइ तं पडुच्च निक्खमित्तए वा पविसित्तए वा, तत्थ णं केइ वधाय असिं गहाय आगच्छेज्ना जाव से नो कप्पइ पडुच्च अलंबित्तए वा पलंबित्तए वा, कप्पइ से आहारियं रीइत्तए, मासियं णं भिक्खुपडिमं जाव पायंसि थाणू वा कंटए वा हीरए वा सक्करा वा अणुपविसेज्जा नो कप्पर से नीहरित्तए वा विसोहित्तए वा कप्पर से आहारियं रीइत्तए, मासियं णं जाव अच्छिसि वा० पाणाणि वा बीयाणि वा रए वा परियावज्जिज्ज नो से कप्पइ नीहरितए वा विसोहित्तए वा, कप्पर से आहारीय रीइत्तए, मासियं णं० जत्थेव सूरिए अत्थमेज्न तत्थेव जलंसि वा थलंसि वा दुग्गंसि वा निण्णंसि वा पव्वयंसि वा विसमंसि वा गड्डाए वा दरीए वा कप्पड़ से तं रयणिं तत्थेव उवायणावित्तए, नो से कप्पर पदमवि गमित्तए, कप्पड़ से कल्लं पाउप्पभायाए रयणीए जाव जलते • पाईणाभिमुहस्स वाद हिणाभिमुहस्स वा पडीणाभिमुहस्स वा उत्तराभिमुहस्स वा आहारीय रीइत्तए, मासियं णं० नो कप्पर अणंतरहियाए पुढवीए निद्दाइत्तए वा पयलाइत्तएवा, केवली बूया- आदाणमेयं, से तत्थ निद्दायमाणे वा पयलायमाणे वा हत्थेहिं भूमिं परामुसेज्जा अहाविधिमेव ठाणं ठाइत्तए निक्खमित्तए वा, उच्चारपासवणेणं उब्बाहिज्जेज्जा नो से कप्पइ ओगिण्हित्तए, कप्पइ से पुव्वपडिलेहितए थंडिले उच्चारपासवणं परिठ्ठवित्तए, तमेव उवस्सयं आगम्म अहाविधिं ठाणं ठात्तए, मासि नो कप्पइ ससरक्खेहिं पाएहिं (काएहिं प्र०) गाहावइकुलं भत्ताए वा पाणाए वा नि० पवि०, अह पुण एवं जाणेज्जा स सरक्खे सेअत्ताए वा जल्लत्ताए वा मलत्ताए वा पंकत्ता वा विद्धत्थे (परिणए) से कप्पइ गाहावइकुलं भत्ताए वा पाणाए वा निक्ख० पवि०, मासियं० नो कप्पइ सीओदगवियडेण वा उसिणोदगवियडेण वा हत्थाणि वा पायाणि वा दंताणि वा अच्छीणि वा मुहं वा उच्छोलित्तए वा पधोवित्तए वा णण्णत्थ लेवालेवेण वा, मासियं णं० ना कप्पइ आसस्स वा हत्थिस्स वा गोणस वा महिसस्स वा कोलस्स वा साणस्स वा (कोलसुणगस्स वा) दुठ्ठस्स वा वग्घस्स वा० आवडमाणस्स पदमवि पच्चोसक्कित्तए, अदुठ्ठस्स आवडमाणस्स कप्पति जुगमित्तं पच्चोसक्कित्तए, मासियं णं० नो कप्पइ छायाओ सीयंति उण्हं इत्तए उपहाओ उण्हंति नो छायं एत्तए, जं जत्थ जया सिंया तं तत्थ अहियासए, एवं श्री आगमगुणमंजूषा - १५३५
ॐ
03
| SR No. | 003274 |
| Book Title | Agam 37 Chhed 04 Dashashrut Skandh Part 01 Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 22 |
| Language | Prakrit |
| Classification | Book_Devnagari, Agam, Canon, & agam_dashashrutaskandh |
| File Size | 3 MB |