Page Text
________________
CCTC$$$$$听听听听听听听乐听听听听乐听听听听听听听听听听听听听听听乐乐乐听听听听听听听听听听听听听C
AGRO555555555555555
555555555555555OXO भयभेरवं । तओ से ओही भवति, संजयस्स तवस्सिणो ॥५।। तवसाऽवहडलेसस्स, दंसणं परिसुज्झति । उहुं अहे य तिरियं च, सव्वं समणुपस्सति ।।६।। सुसमाहडलेस्सस्स, अवितक्कस्स भिक्खुणो। सव्वओ विप्पमुक्कस्स, आया जाणति पज्जवे ॥७॥ जया से नाणावरणं, सव्वं होति खयं गयं । तया लोगमलोगं च, जिणो जाणति केवली ।।८|| जया सेदंसणावरणं, सव्वं होति खयं गयं । तओ लोगमलोगं च, जिणो पासइ केवली ॥९॥ पडिमाए विसुद्धाए, मोहणिज्जे खयं गए। असेसं लोगमलोगं च, पासति सुसमाहिए ॥१०|| जहा य मत्थयसूई, हयाए हम्मते तले । एवं कम्माणि हामंति, मोहणिज्जे खयं गए ॥११॥ सेणशवतिमि णिहते, जहा सेणा पणस्सति । एवं कम्मा पणस्संति, मोहणिज्जे खयं गए ।।१२।। धूमहीणो जहा अग्गी, खिज्जते से निरिंधणे । एवं कम्मारि खीयंते, मोहणिज्जे खयं गए ||१३|| सुक्कमूले जहा रूक्खे, सिच्चमाणे ण रोहति । एवं कम्म ण रोहंति, मोहणिज्जे खयं गए ॥१४|| जहा दड्डाण बीयाणं, ण जायंति पुणंकुरा । कम्मबीए तहा दड्ढे है (प्र० सु दड्डेसु), न रोहंति भवंकुरा ||१५|| चिच्चा आरालियं बोदि, नामगोत्तं च केवली । आउयं वेयणिज्जं च, छित्ता भवति नीरए ।।१६।। एवं अभिसमागम्म, ' चित्तमादाय आउसो !। सेणिसोधिमुवागम्म, आया सोहीमुवागए ॥१७॥ - **त्ति बेमि ।। चित्तसमाधिस्थानाध्ययनं ५|| सुयं मे आउसंतेणं भगवया एवमक्खायं-इह खलु थेरेहिं भगवंतेहिं इक्कारस उवासगपडिमाओ पं०, कयराओ खलु ताओ थेरेहिं भगवंतेहिं इक्कारस उवासगपडिमाओ पं०?, इमा खलु ताओ थेरेहिं भगवंतेहिं इक्कारस उवासगपडिमाओ पं० तं०-अकिरियावादी यावि भवति नाहियवाई नाहियपण्णे नाहियदिठ्ठी नो सम्मावादी नो णितियावादी नोसंतिपरलोगवादी णत्थि इहलोए णत्थि परलोए णत्थि माया णत्थि पिया णत्थि अरिहंता नत्थि चक्कवट्टी णत्थि बलदेवा णत्थि वासुदेवा णत्थि नरया णत्थि नेरइया णत्थि सुक्कडदुक्कडाणं फलवित्तिविसेसे णो सुचिण्णा कम्मा सुचिन्नफला भवंति णो दुच्चिण्णा कम्मा दुच्चिण्णफला भवंति अफले कल्लाणपावए नो पच्चायति जीवा णत्थि निरया णत्थि सिद्धी, से एवंवादी से एवंपण्णे एवंदिट्ठी एवंछंदरागभिणिविढे आवि भवति, से य भवति महिच्छे महारंभे महापरिग्गहे अहम्मिए अहम्मसेवी अहम्मिटे अधम्मक्खाई अधम्मपलोई अधम्मजीवी अधम्मपलज्जणे अधम्मसीलसमुदायारे अधम्मेणं चेव वित्तिं कप्पेमाणे विहरइ, हण छिंद भिंद विकत्तए अंतके लोहितपाणी चंडा रूद्दा खुद्दा साहस्सिया उक्कंचणमायाणियडिकूडकवडसातिसंपओगबहुला दुस्सीला दुप्परिचया दुरणुणेया दुव्वया दुप्पडियाणंदा निस्सीला। निग्गुणा णिम्मेरा निप्पच्चक्खाणपोसहोववासी असाहू सव्वाओ पाणाइवायाओ अप्पडिविरया जावजीवाए एवं जाव सव्वाओ कोहाओ सव्वाओ माणाओ सव्वाओ मायाओ सव्वाओ लोभाओ पेज्जाओ दोसाओ कलहाओ अब्भक्खाणाओ पेसुन्नाओ परपरिवादाओ अरतिरतीओ सव्वाओ मयामोसाओ मिच्छादसणसल्लाओ अप्पडिविरया जावजीवाए सव्वाओ कसायदंड (त) कठ्ठण्हाणुव्वट्टणब्भंगणवण्णयमद्दणविलेवणसद्दफरिसरसरूवगंधमल्लालंकाराओ अप्पडिविरया जावजीवाए सव्वाओ सगडरहजाणजुग्गगिल्लिथिल्लिसीयासंदमाणियासयणासणयाणवाहणभोयणपवित्थरविधीतो अप्पडिविरया जावजीवाए असमिक्खियकारी सव्वाओ आसहत्थिगोमहिसगवेलयदासीदासकम्मकरपुरिसाओ अप्पडिविरया जावजीवाए सव्वाओ कयविक्कयमासद्धमासरूवगसंववहाराओ अप्पडिविरया जावजीवाए सव्वाओ हिरण्णसुवण्णधणधण्णमणिमुत्तियसंखसिलप्पवालाओ अप्पडिविरया जावजीवाए सव्वाओ कूडतुलकूडमाणाओ अप्पडिविरया सव्वाओ आरंभसमारंभाओ अप्पडिविरया सव्वाओ पयणपयावणाओ अप्पडिविरया सव्वाओ करणकारावणाओ अप्पडिविरया सव्वाओ कुट्टणपिट्टणतज्जणताडणवधबंधपरिकिलेसाओ अप्पडिविरया जावजीवाए जे यावण्णे तहप्पगारा सावज्जा अबोहिया कम्मंता परपाणपरियावणकडा कज्जति ततोवि अप्पडिविरया जावजीवाए से जहानामए केइ पुरिसे कलमसूरतिलमुग्गमासनिप्फावकुलत्थअलिसंदगजवएवमादीहिं अयते कूरे मिच्छादंडं पउंजइ एवामेव तहप्पगारे पुरिसजाए तित्तिरवट्टगलावगकपोतकपिंजलमिगमहिमवराहगोगोकुम्मसरीसिवाइएहिं अयते कूरे मिच्छादंडं पउंजति, जाऽविय से बाहिरिया परिसा भवति तं०-दासेति वा पेसेति वा भतएति वा भाइल्लेति वा कम्मकरएति वा भोगपुरिसेति वा तेसिपिय णं अण्णयरगंसि अहालघुसयंसि अवराहसि सयमेव गरूयं दंडं निवत्तेति तं०-इम
乐乐乐乐乐乐乐乐听听听听听听听听听听听听听听听听听听听听听听听听听听听听听听听听听听听听听听
5 55555555 श्री आगमगुणमंजूषा-१५३२5555555555555
P OR
| SR No. | 003274 |
| Book Title | Agam 37 Chhed 04 Dashashrut Skandh Part 01 Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 22 |
| Language | Prakrit |
| Classification | Book_Devnagari, Agam, Canon, & agam_dashashrutaskandh |
| File Size | 3 MB |