Page Text
________________
(३७) ववहार छेयसुते (४) उ. ९, १०
[११]
དྷངྒ*དྷནན आरूभइ सोलसमेणं पारेइ, अभोच्चा आरूभइ अट्ठारसमेणं पारेइ, जाए जाए मोए० आइयव्वे० आणाए अणुपालिया भवइ । ४२ । संखादत्तियस्स णं भिक्खुस्स डिग्गधारिस्स गाहावइकुलं पिंडवायपडियाए अणुप्पविठ्ठस्स जावतियं २ अन्तो पडिग्गहंसि उच्चइत्तु दलएज्जा तावइयाओ दत्तीओ वत्तव्वं सिया, तत्थ से केइ छप्पण वा दूसरण वा वालएण वा अन्तो पडिग्गहंसि उच्चित्ता दलएज्जा सव्वासि णं सा एगा दत्ती वत्तव्वं सिया, तत्थ से बहवे भुञ्जमाणा सव्वे ते सयं सयं पिण्डं साहण्णिय २ अन्तो पडिग्गहंसि उच्चित्ता दलएज्जा सव्वासि णं सा एगा दत्तीति वत्तव्वं सिया ।४३। संखादत्तियस्स णं भिक्खुस्स पाणिपडिग्गहियस्स० जावइयं अन्तो पाणिसि पडिग्गहंसि० वत्तव्वं सिया '११५ । ४४ । तिविहे उवहडे पं० तं०- सुद्धोवहडे फालिओवहडे संसट्ठोवहडे ।४५ । तिविहे ओग्गहिए पं० तं० - जंच ओगिण्हइ जं च साहरइ जं च आसगंसि पक्खिवइ, एगे एवमाहंसु, एगे पुण एवमाहंसु-दुविहे ओग्गहिए पं० तं०-जं च ओगिण्हइ जं च आसगंसि पक्खिवइ ‘१२८’।४६ ★★★॥ नवमो उद्देसओ ९॥ ★★★ दो पडिमाओ पं० तं०- जवमज्झा य चन्दपडिमा वइरमज्झा य चन्दपडिमा, जवमज्झण्णं चन्दपडिमं पडिवन्नस्स अणगारस्स मासं वोसट्टकाए चियत्तदेहे जे केई उवसग्गा समुप्पज्जति तं०- दिव्वा वा माणुस्सगा वा तिरिक्खजोणिया वा अणुलोमा वा पडिलोमा वा, तत्थाणुलोमा ताव वंदेज्न वा नमंसेज्ज वा सक्कारेज्ज वा सम्माणेज्ज वा कल्लाणं मंगलं देवयं चेइयं पज्जुवासेज्ज वा, तत्थ पडिलोमा अन्नयरेणं दंडेण वा अट्टिणा वा जोत्तेण वा वेत्तेण वा कसेण वा काए आउडेज्जा वा ते सव्वे उप्पन्ने सम्मं सहेज्जा खमेज्जा तिइक्खेज्जा अहियासेज्जा, जवमज्झण्णं चंदपडिमं पडिवन्नस्स अणगारस्स सुक्कपक्खस्सं पाडिवए कप्पर एगा दत्ती भोयणस्स पडिगाहेत्तए एगा पाणस्स, सव्वेहिं दुप्पयचउप्पयाइएहिं आहारकंखीहिं सत्तेहिं पडिणियत्तेहिं अन्नायउञ्छं सुद्धोवहडं, कप्पर से एगस्स भुञ्जमाणस्स पडिगाहेत्तए, नो दोण्हं नो तिण्हं नो चउण्हं ने पञ्चण्हं नो गुव्विणीए नो बालवत्थाए नो दारगं पेज्नमाणीए, नो से कप्प अंतो एलुयस्स दोवि पाए साहट्टु दलमाणीए पडिगाहित्तए, नो० बाहिं एलुयस्स दोवि पाए साहड दलमाणीए पडिगाहेत्तए, अह पुण एवं जाणेजाज एवं पायं अंत किच्चा एगं पायं बाहिं किच्चा एलुयं विक्खम्भइत्ता, एयाए एसणाए एसमाणे लभेज्जा आहारेज्जा, एयाए एसणाए एसमाणे नो लब्भेज्ना णो आहारेज्जा, बिइयाए से कप्पइ दोण्णि दत्तीओ भोयणस्स पडिगाहेत्तए दोण्णि पाणस्स, कप्पइ जाव नो आहारेज्जा, एवं तइयाए तिण्णि जाव पन्नरसीए पन्नरस, बहुलपक्खस्स पाडिवए कप्पंति चोद्दस जाव चोद्दसीए एक्का दत्ती भोयणस्स एक्का पाणगस्स सव्वेहिं दुपयचउप्पय जाव नो आहारेज्जा, अमावासाए से य अभत्तट्ठे भवइ, एवं खलु सा जवमज्झचंदपडिमा अहासुत्तं अहाकप्पं जाव अणुपालिया भवति । १ । वइरमज्झं णं चंदपडिमं पडिवन्नस्स अणगारस्स मासं० अहियासेज्जा, वइरमज्झं चंदपडिमं • पडिवन्नस्स अणगारस्स बहुलपक्खस्स पाडिवए कप्पइ पण्णरस दत्तीओ भोयणस्स पडिगाहित्तए पण्णरस पाणगस्स सव्वेहिं दुपयचउप्पय०, बीयाए से कप्पइ चोद्दस, एवं पन्नरसीए एगा दत्ती, पड़िवए से कप्पइ दो दत्तीओ बीयाए तिन्नि जाव चउद्दसीए पण्णरस पुण्णिमाए अभत्तट्ठे भवइ, एवं खलु एसा वइरमज्झचंदपडिमा अहासुतं अहाकप्पं जाव अणुपालिया भवइ '५० |२| पंचविहे ववहारे पं० तं०-आगमे सुए आणा धारणा जीए, तत्थ आगमे सिया आगमेणं ववहारे पट्ठवियव्वे नो,
तत् आगमे सिया सुएणं ववहारे पट्ठवियव्वे सिया, नो से तत्थ सुए जहा से तत्थ आणा सिया आणाए ववहारे पट्टवेयव्वे सिया, नो से तत्थ आणा सिया जहा से तत्थ धारणा सिया धारणाए ववहारे पट्टवेयव्वे सिया, णो से तत्थ धारणा सिया जहा से तत्थ जीए सिया जीएणं ववहारे पट्टवेयव्वे सिया, एएहिं ववहारेहिं ववहारं पवेज्जा, तंजहा- आगमेणं सुएणं आणाए धारणाए जीएणं, जहा २ आगमे सुए आणा धारणा जीए तहा २ ववहारं पट्ठविज्जा, से किमाहु भन्ते !?, आगमबलिया समणा निग्गन्था, इच्चेइयं पंचविहं ववहारं जया २ जहिं २ जहा २ तहिं २ अणिस्सिओस्सियं ववहारं ववहरमाणे समणे निग्गन्थे आणाए आराहए भवति '७१५।३। चत्तारि पुरिसज्जाया पं० तं०- अट्टकरे नाम एगे नो माणकरे माणकरे नामं एगे नो अट्टकरे एगे अट्ठकरेवि माणकरेवि एगे नो अट्ठकरे एगे नो अट्ठकरे नो माणकरे '७२९ |४| चत्तारि पुरिसज्जाया पं० तं०-गणट्ठकरे नाम एगे नो माणकरे माणकरे नामं एगे नो गणट्ठकरे एगे गणट्टकरेवि माणकरेवि एगे नो गणठ्ठकरे नो माणकरे '७३३'|५| चत्तारि पुरिसज्जाया पं० तं०- गणसंगहकरे नामं एगे नो माणकरे माणकरे नामं एगे नो गणसंगहकरे एगे गणसंगहकरेवि माणकरेवि एगे नो
श्री आगमगुणमंजूषा १४६१
| SR No. | 003273 |
| Book Title | Agam 36 Chhed 03 Vyavahara Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 21 |
| Language | Prakrit |
| Classification | Book_Devnagari, Agam, Canon, & agam_vyavahara |
| File Size | 3 MB |