Page Text
________________
(२४-३३) दस पइन्नयसुत्तेसु १२ भत्त परिन्ना पइन्नयं A [ ५९ ]
20
दिट्ठिविसस्स व अहिस्स । जं रमणिनयणबाणा चरित्तपाणे विणासेति ॥ १२६ || २०५०. महिलासंसग्गीए अग्गीइ व जं च अप्पसारस्स । मयणं व मणो मुणिणो वि हंत ! सिग्घं चिय विलाइ || १२७|| २०५१. जइ वि परिचत्तसंगो तवतणुयंगो तहा वि परिवडइ । महिलासंसग्गीए कोसाभवणूसिय व्व रिसी ॥१२८॥ २०५२. सिंगारतरंगाए विलासवेलाए जोव्वणजलाए । पहसियफेणाए मुणी नारिनईए न वुज्झति ॥ १२९ ॥ २०५३. विसयजलं मोहकलं विलास-बिब्बोयजलयराइन्नं । मयमयरं उत्तिन्ना तारुन्नमहन्नवं धीरा || १३०|| २०५४. अभिंतर - बाहिरए सव्वे गंथे तुमं विवज्जेहि । कय-कारियऽणुमईहिं काय मणो-वायजोगेहिं ॥१३१॥ २०५५. संगनिमित्तं मारेइ, भणइ अलियं, करेइ चोरिक्कं । सेवइ मेहुण, मुच्छं अप्परिमाणं कुणइ जीवो ॥ १३२॥। २०५६. संगो महाभयं जं विडिओ संणं । पुत्ते हि अत्थम्मि मणिवई कुंचिएण जहा ॥ १३३ || २०५७. सव्वग्गंथविमुक्का सीईभूओ पसंतचित्तो य । जं पावइ मुत्तिसुहं न चक्कवट्टी वि तं लहइ ॥१३४|| २०५८. निस्सल्लस्सेह महव्वयाई अक्खंड- निव्व णगुणाई । उवहम्मंति य ताइं नियाणसल्लेण मुणिणो वि ॥ १३५ ॥ २०५९. अह राग-दोसगब्भं मोहग्गमं च तं भवे तिविहं । धम्मत्थं हीणकुलाइपत्थणं मोहगब्भं तं ॥ १३६ ॥ २०६०. रागेण गंगदत्तो, दोसेणं विस्समूइमाईया। मोहेण चंडपिंगलमाईया होति दिट्टंता ॥१३७॥ २०६१. अगणिय जो मुक्खसुहं कुणइ नियाणं असारसुहहेउं । सो कायमणिकएणं वेरुलियमणिं पणासेइ ॥ १३८॥। २०६२. दुक्खक्खय कम्मक्खय समाहिमरणं च बोहिलाभो य । एयं पत्थेयव्वं, न पत्थणिज्जं तओ अन्नं ॥ १३९ ॥ २०६३. अज्झियनियाणसल्लो निसिमत्तनियत्ति समइ-गुत्तीहिं। पंचमहव्वयरक्खं कयसिवसोक्खं पसाहेइ ॥१४०|| २०६४. इंदियविसयपसत्ता पडंति संसारसावरे जीवा । पक्खि व्व छिन्नपक्खा सुसीलगुणपेहुणविहुणा ॥ १४१ ॥ २०६५. न लहइ जहा लिहंतो हिल्लियं अट्ठियं रसं सुणओ। सो सइतालुयरसियं विलिहंतो मन्नए सोक्खं ॥ १४२॥ २०६५. महिलापसंगसेवी न लहइ किंचि वि सुहं तहा पुरिसो । सो मन्नए वराओ सयकायपरिस्समं सोक्खं ॥ १४३ ॥ २०६६. सुडुवि मग्गिज्जतो कत्थ वि कयलीइ नत्थि जह सारो । इंदियविसएस तहा नत्थि सुहं सुठु वि गविट्टं ||१४४|| २०६७. सोएण पवसियपिया, चक्खूराएण माहुरो वणिओ । घाणेण रायपुत्तो निहओ, जीहाए सोदासो ॥ १४५ ॥ २०६८. फासिदिएण दिट्ठो नट्ठो सोमालिया महीपालो । एक्केक्केण वि निहया, किं पुण जे पंचसु पसत्ता ? || १४६|| २०६९. विसयाविक्खो निवडइ, निरविक्खो तरइ दुत्तरभवोहं । देवीदीवसमागयभाउयजुयलं व भणियं च ॥ १४७ ॥ २०७०. छलिया अवयक्खता निरावयक्खा गया अविग्घेणं । तम्हा पवयणसारे निरावयक्खेण होयव्वं ॥ १४८|| २०७१. विसए अवयक्खता पडंति संसारसागरे घोरे | विसएसु निरवयक्खा तरंति संसारकंतारं ॥ १४९ ॥ २०७२. ता धीर ! घीबलेणं दुर्द्दते दमसु इंदियमइंदे । तेणक्खयपडिवक्खो हराहि आराहणपडागं ||१५०|| २०७३. कोहाईण विवाजं नाऊण य तेसि निग्गहेण गुणं । निग्गिण्ह तेण सुपुरिस ! कसायकलिणो पयत्तेणं ॥ १५१ ॥ २०७४. जं अइतिक्खं दुक्खं जंच सुहं उत्तिमं तिलोईए । तं जाण कसायाणं वुड्डि-क्खयहेउयं सव्वं ॥ १५२॥। २०७५. कोहेण नंदमाई निहया, माणेण फरुसरामाई। मायाइ पंडरज्जा, लोहेणं लोहनंदाई || १५३॥ [ गा. १५४-५५. भत्तपरिन्नयस्स गुरुअणुसट्ठिपडिवत्ती] २०७६. इय उवएसामयपाणएण पल्हाइयम्मि । चित्तम्मिजाओ सुनिव्वुओ सो पाऊण व पाणियं तिसिओ ॥ १५४॥ २०७७. 'इच्छामो अणुसट्ठि भंते! भवपंकतरणदढलट्ठि । जं जह वृत्तं तं तह करेमि' विणओणओ भणइ ॥ १५५ ॥ [ गा. १५६-७१. वियणाघत्थं भत्तपरिन्नयं पर गुरूवएसो ] २०७८. जइ कह वि असुहकम्मोदएण देहम्मि संभवे वियणा । अहवा तण्हाईया परीसहा से उदीरिज्जा ॥१५६॥ २०७९. निद्धं महुरं पल्हायणिज्ज हिययंगमं अणलियं च । तो सेहावेयव्वो सो खवओ पन्नवंतेणं ॥ १५७ ॥ २०८०. संभरसु सुयण ! जं तं मज्झम्मि चउव्विहस्स संघस्स । वूढा महापइन्ना 'अहयं आराहइस्सामि' || १५८ || २०८१. अरिहंत - सिद्ध-केवलिपच्चक्खं सव्वसंघसक्खिस्स । पच्चक्खाणस्स कयस्स भंजणं नाम को कुणइ ? ॥१५९॥। २०८२. भालुंकीए करुणं खज्जंतो घोरवेयणत्तो वि । आराहणं पवन्नो झाणेण अवंतिसुकुमालो ।। १६० ।। २०८३. मुग्गिल्लगिरिम्मि सुकोसलो वि सिद्धत्थदइयओ भयवं । वग्घीए खज्जंतो पडिवन्नो उत्तमं अहं ॥ १६१ ॥ २०८४. गोठ्ठे पाओवगओ सुबंधुणा गोमए पलिवियम्मि। डज्झंतो चाणक्को पडिवन्नो उत्तमं अहं ॥ १६२ || २०८५. रोहीडगम्मि सत्तीहओ वि कुंचेण अग्गिनिवदइओ । तं वेयणमहियासिय पडिवन्नो उत्तमं अहं ॥। १६३।। २०८६. अवलंबिऊण सत्तं तुमं पि
ॐ
श्री आगमगुणमंजूषा १३४३
| SR No. | 003270 |
| Book Title | Dasa Prakirnaka Sutra Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 74 |
| Language | Prakrit |
| Classification | Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra |
| File Size | 7 MB |