Page Text
________________
(२४-३३) दस पइन्नयसुत्तेसु ५ मरणसमाहि
[४३]
लिप्सो संवरियाssसवदुवारो ९ ॥ ६२५ ॥ १३७५. धण्णा सत्तहियाइं मुणेति, धण्णा करेति मुणियाई । धण्णा सुग्गइमग्गं मरंति, धण्णा गया सिद्धिं ॥ ६२६ ॥ १३७६. धण्णा कलत्तनियलेहिं विप्पमुक्का सुसत्तसंजुत्ता। वारीओ व गयवरा घरवारीओ विनिप्फिडिया ||६२७|| १३७७. धण्णा न करंति नवं संजमजोगे हिं कम्ममट्ठविहं । तवसलिलेणं मुणिणो घोयंति पुराणयं कम्मं ॥ ६२८ ।। १३७८. नाणमयवायसहिओ सीलुज्जलिओ तवोमओ अग्गी । संसारकरणबीयं दहइ दवग्गी व तणरासिं ॥ ६२९॥ १३७९. इणमो सुगइगइपहो सुदेसिओ उक्खिओ जिणवरेहिं । ते धन्ना जे एवं पह्मणवज्जं पवज्ज॑ति १० ||६३०|| १३८०. जाहे य पावियव्वं इहपरलोए य होइ कल्लाणं । ता एयं जिणकहियं पडिवज्जइ भावओ धम्मं ॥६३९॥ १३८१. जह जह दोसोवरमो, जह जह विसएसु होइ वेरग्गं । तह तह विण्णायव्वं आसन्नं पयं परमं ११ ॥६३२ ॥ १३८२. दुग्गे भवकंतारे भममाणेहिं सुचिरं पणट्ठेहिं । दिट्ठोजिणोवदिट्ठो सोग्गइमग्गो कह वि लद्धो || ६३३|| १३८३. माणुस्स-देसकुल-काल-जाइ-इंदियबलोवयाणं च । विन्नाणं सुद्धा दंसणं च दुलहं सुसाहूणं ॥ ६३४ ॥ १३८४. पत्तेसु वि एएसुं मोहस्सुदएण दुल्लहो सुपहो । कुपहबहुयत्तणेण य विसयसुहाणं च लोभेणं ||६३५|| सो य पहो उवलद्धो जस्स जए बाहिरो जणो बहुओ। संपत्ति च्चिय न चिरं, तम्हा न खमो पमाओ भे ||६३६|| १३८६. जह जह ढप्पणी समणो वेरग्गभावणं कुणइ । तह तह असुभं आयवहयं व सीयं खयमुवेइ ||६३७|| १३८७. एगअहोरत्तेण वि दढपरिणामा अणुत्तरं जंति । कंडरिओ पोंडरओ अरगई- उगमणेस १२ ॥६३८ ॥ १३८८. बारस वि भावणाओ एवं संखेवओ एवं संखेवओ समत्ताओ । भावेमाणो जीवो जाओ समुवेइ वेरग्गं ॥६३९॥ १३८९. भाविज्ज भावणाओ, पालिज्ज वयाई रयणसरिसाई। पडिपुण्णपावखमणे अइरा सिद्धिं पि पाविहिसि ॥६४०|| [गा. ६४१-५९. निव्वे ओवएसपुव्वयं पंडियमरणनिरूवणं ] १३९०. कत्थइ सुहं सुरसमं, कत्थइ निरओवमं हवइ दुक्खं । कत्थइ तिरियसरिच्छं, माणुसजाइ बहुविचित्ता ॥ ६४१|| १३९९. दहूण वि अप्पसु माणुस्सं गदोससंजुत्तं । सुठु वि हियमुवइट्ठे कज्जं न मुणेइ मूढजणो ||६४२|| १३९२. जह नाम पट्टणगओ संते मुल्लम्मि मूढभावेणं । न लहंति नरा लाह माणुसभावं तहा पत्ता ॥६४३ ॥ १३९३. संपत्ते बल - विरिए सब्भावपरिक्खणं अजाणंता। न लहंति बोहिलाभं दुग्गइमग्गं च पार्वति ||६४४|| १३९४. अम्मापियरो भाया भज्जा पुत्ता सरीर अत्यो य । भवसागरम्मि घोरे न हुंति ताणं च सरणं च ॥ ६४५ ॥ १३९५. न वि माया, न वि य पिया, न पुत्त- दारा, न बंधु । न विधणं, न वि दुक्खमुइन्नं उवसमेति ||६४६ ।। १३९६. जझ्या सयणिज्जगओ दुक्खत्तो सयण-बंधुपरिहीणो। उव्वत्तइ परियत्तइ उग्गो जह अग्गिमज्झम्मि ||६४७।। १३९७. असुइ सरीर रोगा जम्मणसयसाहणं छुहर तण्हा । उण्हं सीयं वाओ पहाभिघाया य णेगविहा || ६४८ ।। १३९८. सोग जरामरणाई परिस्समो दीणया य दारिदं । तह य पियविप्पओगा अप्पियजणसंपओगा य ॥ ६४९ | १३९९. एयाणि य अण्णाणि य माणुस्से बहुविहाणि दुक्खाणि । पंच्चक्खं, पिक्खंतो, को न मरइ तं विचिंततो ? ॥६५०॥। १४००. लद्धूण वि माणुस्सं सुदुल्लहं केइ कम्मदोसेणं । साया सुहमणुरत्ता मरणसमुद्देऽवगाहिति ॥६५१॥ १४०१. तेण उ इहलोगसुहं मोत्तूणं माणसंसियमईओ । चिरतिक्खमरणभीरू लोगसुईकरणदोगुंछी ||६५२ || १४०२. दारिद्द- दुक्ख-वेयण- बहुविहसीउण्ह-खु प्पिवासाणं । अरइ-भय- सोग सामिय-तक्कर- दुब्मिक्खमरणाई ||६५३ || १४०३. एएसि तु दुहाणं जं पडिवक्खं सुहं ति तं लोए। जं पुण अच्वंतसुहं तस्स परोक्खा सया लोया ||६५४|| १४०४. जस्स न छूहा, ण तण्हा, न य सीउण्हं, न दुक्खमुक्किडं । न य असुइयं सरीरं, तस्सऽसणाईसु किं कज्जं ? ||६५५|| १५०५. जह निंबदुमुप्पन्नो कीडो कडुयं पि मन्नएमहुरं । तह मोक्खसुहपरोक्खा संसारदुहं सुहं बिति ॥ ५५६ ।। १४०६. जे कडुयदुमुप्पन्ना कीडा वरकप्पपायवपरोक्खा । तेसिं विसालवल्लीविसं व सग्गो य मोक्खो य ॥ ६५७ ।। १४०७. तह परतित्थियकीडा विसयविसंकुरविमूढदिट्ठीया। जिणसासणकप्पतरुवरपारोक्खरसा किलिस्संति ॥६५८|| १४०८. तम्हा सोक्खमहातरुसासयसिवफलसोक्खत्तेणं । मोत्तूण लोगसण्णं पंडियमरणेण मरियव्वं ॥ ६५९ || [गा. ६६०. ६१. धम्मसुक्कज्झाणमाहप्पनिरूवणं] १४०९. जिणमयभावियचित्तो लोगसुईमलविरेणं काउं । धम्मम्मि तओ झाणे सुक्के य महं निवेसेह ||६६०|| १४१०. सुण जह जिणवयणामयभावियहियएण झाणवावारो। करणिज्नो समणेणं, जं झाणं जेसु झायव्वं ॥ ६६१ || || इति संलेहणासुयं ॥ ११ मरणविहिपंचमो उद्देसो
KGRO
सम्मत्तो ॥ ॥ मरणविभत्तिपइन्नयं समत्तं ||५॥ फ्र
演
श्री आगमगुणमंजूषा - १३२७OYOR
| SR No. | 003270 |
| Book Title | Dasa Prakirnaka Sutra Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 74 |
| Language | Prakrit |
| Classification | Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra |
| File Size | 7 MB |