Dasa Prakirnaka Sutra Agam Guna Manjusha

SR No.: 003270
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 74
Language: Prakrit
Classification: Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 7 MB

Page 44

(२४-३३) दस पन्नयसुत्तेसु ५ मरणसमाहि
Fron
महव्वए पंच ॥ २६५॥ १०१५. सम्मत्तं समईओ गुत्तीओ भावणाओ नाणं च । उवसंपन्नो जुत्तो रक्खामि महव्वए पंच ॥ २६६ ॥ १०१६. संगं परिजाणामी, सल्लं पि य उद्धरामितिविहेणं । गुत्तीओ समिईओ मज्झं ताणं च सरणं च ॥ २६७॥ १०१७. जह खुहियचक्कवाले पोयं रयणभरियं समुद्दम्मि । निज्जामया धरेंती कयकरणा बुद्धिसंपण्णा ॥ २६८ ॥ १०१८. तवपोयं गुणभरियं परीसहुम्मीहि धणियमाइद्धं । तह आराहिंति विऊ उवएसऽवलंबगा धीरा || २६९ ।। [गा. २७०-८९. आराहणोवएसो] १०१९. जइ ताव ते सुपुरिसा आयारोवियभरा निरवयक्खा । गिरिकुहर - कंदरगया साहंति य अप्पणी अहं ॥ २७० ॥ १०२०. जइ ताव सावयाकुलगिरिकंदर-विसमदुग्ग-मग्गेसु । धिइधणियबद्धकच्छा साहंति उ उत्तिमट्ठाई ॥ २७१ ।। १०२१. किं पुण अणगारसहायगेण वेरग्गसंगहबलेणं । परलोएण ण सक्का संसारमहोदहिं तरिउं ? || २७२ ।। १०२२. जिणवयमणप्पमेयं महुरं कन्नामयं सुणेंताणं । सक्का हु साहुमज्झे साहेउं अप्पणो अहं ॥ २७३|| १०२३. धीरपुरिसपण्णत्तं सप्पुरिसनिसेवियं परमघोरं । धन्ना सिलातलगया साहिंती अप्पणो अहं ॥ २७४॥। १०२४. बाहेति इंदियाइं पुव्वमकारियपइट्ठचारिस्स । अकयपरिकम्म कीवं मरणे सुयसंपत्तं पि ॥ २७५॥। १०२५. पुव्वमकारियजोगो समाहिकामो वि मरणकालम्मि । न भवइ परीसहसहो विसयसुहपराइओ जीवो ॥ २७६ ॥ १०२६. पुव्विं कारियजोगो समाहिकामो य मरणकालम्मि। होइ उ परीसहसहो विसयसुहनिवारिओ जीवो ॥ २७७॥ १०२७. पुव्विं कारियजोगो अनियाणो ईहिऊण सुहभावो । ताहे मलियकसाओ सज्जो मरणं पडिच्छिन्ना ।। २७८।। १०२८. पावाणं पावाणं कम्माणं अप्पणो सकम्माणं । सक्का पलाइउं जे तवेण सम्मं उत्तेणं ।। २७९ ।। १०२९. इक्कं पंडियमरणं पडिवज्जइ सुपुरिसो असंभंतो। खिप्पं सो मरणाणं काहिइ अंतं अणंताणं ॥ २८०॥ १०३०. किं तं पंडियमरणं ? काणि - व लंबणाणि भणियाणि ? । एयाई नाऊणं किं आयरिया पसंसंति ? ॥२८१॥ १०३१. अणसण पाओवगमं, आलंबणं झाण-भावणाओं अ । एयाइं नाऊणं पंडियमरणं पसंसंति ॥२८२ ॥ १०३२. इंदियसुहसाउलओ घोरपरीसहपराइयपरज्झो। अकयपरिकम्म कीवो मुज्झइ आराहणाकाले || २८३|| १०३३. लज्जाए गारवे बहुस्यमण वा वि दुच्चरियं । जे न कहिति गुरुणं न हु ते आराहगा होति ॥ २८४॥ १०३४. सुज्झइ दुक्करकारी, जाणइ मग्गं ति पावए किंत्तिं । विणिगूहिंतो निंदं तम्हा आलोयणा सेया ।। २८५ ।। १०३५. अग्गिमि य उदयम्मि य पाणेसु य पाण-बीय-हरिएसुं । होइ मओ संथारो पडिवज्जइ जो असंभंतो ॥ २८६॥ १०३६. न वि कारणं तणमओ संथारो, न वि य फासुया भूमी। अप्पा खलु संथारो होइ विसुद्धो मरंतस्स ॥ २८७॥ १०३७. जिणवयणमणुगया मे होउ मई झाणजोगमल्लीणा । जह तम्मि देसकाले अगूढसल्लो चए देहं ॥ २८८॥। १०३८. जाहे होइ पमत्तो जिणवरवयणरहिओ अणायत्तो। ताहे इंदियचोरा करेंति तव संजमविलोवं ॥ २८९ ॥ [गा. २९० ९६. नाणेण आराहणा] १०३९. जिणवयणमणुगयमई जं वेलं होइ संवरपविट्ठो। अग्गी व वायसहिओ समूल-डालं डहइ कम्मं ॥ २९०॥ १०४०. जह ses वायसहिओ अग्गी हरिए वि रुक्खसंघाए। तह पुरिसकारसहिओ नाणी कम्मं खयं नेइ ॥ २९१|| १०४१. जह अग्गिम्मि वि पबले खडपूलिय खिप्पमेव झामेइ । तह नाणी विसकम्मं खवेइ ऊसासमित्तेणं ॥ २९२॥ १०४२. न हु मरणम्मि उवग्गे सक्को बारसविहो सुयक्खंधो। सव्वो अणुचिंतेउं धंतं पि समत्थचित्तेणं ॥२९३॥ १०४३. एक्कम्मि वि जम्मि पए संवेगं कुणइ वीयरागमए। वच्चइ नरो अविग्धं तं मरणं तेण मरितव्वं ॥ २९४॥ १०४४. एक्कम्मि वि जम्मि पए संवेगं कुणइ वीरागमए । सो ते मोहजालं छिंदइ अज्झप्पओगेणं ।। २९५ ।। १०४५. जेण विरागो जायइ तं तं सव्वायरेण करणिज्जं । मुच्चइ हु ससंवेगी, अनंतमोहो असंवेगी ||२९६॥ [गा. २९७-३०२. वोसिरणानिरूवणं] १०४६. धम्मं जिणपण्णत्तं सम्ममिणं सद्दहामि तिविहेणं । तस थावरभूयहियं पंथं नेव्वाणमग्गस्स ||२९७|| १०४७. समणो हं तिय पढमं, बीयं सव्वत्थ संजओ मि त्ति । सव्वं च वोसिरामी जिणेहिं जं जं पडिकं ॥ २९८ ॥। १०४८. मणसा वि चिंताणिज्जं, सव्वं भासइ भासणिज्जं च । कारण य करणिज्जं वोसिरे तिविहेण सावज्जं ॥ २९९॥ १०४९. अस्संजमवोसिरणं उवहिविवेगो तहा उवसमो य। पडिरूवजोगविणओ खंती मुत्ती विवेगो य ॥ ३०० ॥ १०५०. एयं पच्चक्खाणं आउरजण आवईसु भावेणं । अन्नतरं पडिवन्नो जंपतो पावइ समाहिं ॥ ३०१ || १०५१. मम मंगलमरिहंता सिद्धा साहू
2010 03
For Private & Personal U 55555555 श्री आगमगणसंजा
கமுகககககககககககககக454 455 45
KGRO
[३३]