Dasa Prakirnaka Sutra Agam Guna Manjusha

SR No.: 003270
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 74
Language: Prakrit
Classification: Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 7 MB

Page 40

(२४-३३) दस पइन्नयसुत्तेसु ५ मरणसमाहि
[२९]
परधम्मिऔवसग्गेणं । तिरियज्जोणिगएण व दिव्व मणूसोवसग्गेणं ॥ ११४॥ ८६४. उवहीय व नियडीय व तह सावयपेल्लिएण व परेणं । अप्पाण भएण कयं परस्स छंदाणुवत्तीए ।।११५॥। ८६५. सहसक्कारमणाभोगओ य जं पवयणाहिगारेणं । सन्निकरणे विसोही पुण्णागारा य पण्णत्ता ||११६|| ८६६. उज्जुयमालोइत्ता अकरणपरिणाम- जोगपरिसुद्धो । सो पयणुएइ कम्मं, सोग्गइमग्ग अभिमुहेइ ॥११७॥ ८६७. उवही नियडिपइट्ठो सोहिं जो कुणइ सोगईकामो । माई पलिकुंचतो करेइ चुंदच्छियं मूढो ॥११८॥। ८६८. आलोयणाए दोसे दस दोग्गइवडणे परिहरंतो । तम्हा आलोएज्जा मायं मोत्तूण निस्सेसं ॥ ११९॥। ८६९. जे मे जाणंति जिणा अवराहा जेसु जेसु ठाणेसु । ते हं आलोएमी उवट्ठिओ सव्वभावेणं ॥ १२०॥ [ गा. १२१-२२. विसुद्धभावस्स आलोयग्गस्स अणाभोगे वि आराहगत्तं] ८७०. एवं उवट्ठियस्स वि आलोएउं विसुद्धभावस्स । जं किंचि वि विस्सरियं सहसक्कारेण वा चुक्कं ॥ १२१ ॥ ८७१. आराहओ तह वि सो गारव - परिकुंचणा-मयविहूणो । जिणदेसियस धीरो सद्दहगो मुत्तिमग्गस्स || १२२|| [गा. १२३-२४. आलोयणाए दस दोसा तव्वञ्जणानिरूवणं च] ८७२. आकंपण १ अणुमाणण २ जं दिनं ३ बायरं ४ च सुमुहं ५ च । छन्नं ६ सद्दाउलगं ७ बहुजण ८ अव्वत्त ९ तस्सेवी १० ।। १२३ ।। ८७३. आलोयणाए दोसे दस दुग्गइवडणे बमोत्तूणं । आलोएज्न सुविहिओ गारव-माया-मयविहूणो || १२४।। [गा. १२५-२६. आलोयगं पर आयरियाणमणुसट्ठी] ८७४. तो परियागं च बलं आगम कालं च कालकरणं च । पुरिसं जीयं च तहा खित्तं पडिसेवणविहिं च ॥ १२५॥। ८७५. जोग्गं पायच्छित्तं तस्स य दाऊण बिति आयरिया। दंसणनाण-चरित्ते तवे य कुण अप्पमायं ति ॥ १२६ ॥ [ गा. १२७२८. बज्झऽब्भंतरतवभेया] ८७६. अणसणमूणोयरिया १-२ वित्तिच्छेओ ३ रसस्स परिचाओ ४ । कायस्स परिकिलेसो ५ छट्टो संलीणया ६ चेव ॥ १२७॥ ८७७. विणए १ वेयावच्चे २ पायच्छित्ते ३ विवेग ४ सज्झाए ५ । अब्भितरं तवविहिं छट्टं झाणं वियाणाहि ६ ॥ १२८॥ [गा. १२९-४९. नाण-चरित्ताणं गुणा माहप्पं च] ८७८. बारसविहम्मि वि तवे अब्भिंतर बाहिरे कुसलदिट्ठे । न वि अत्थि न वि य होइ सज्झायसमं तवोकम्मं ॥ १२८॥ ८७९. जे पयणुभत्त-पाणा सुयहेऊ ते तवस्सिणो समए । जो य तवो सुयहीणो वाहिसमो सो छुहाहारो ॥ १३०॥। ८८०. छट्ठऽट्ठम- दसम दुवालसेहिं अबहुस्सुयस्स जा सोही । तत्तो बहुतरगुणिया हविज्ज जिमियस्स नाणिस्स ॥१३१॥। ८८१. कल्लं कल्लं पि आहरो परिमिओ य पंतो य । न य खमणो पारणए बहु- बहुयतरो बहुविहो य ॥ १३२ ॥ ८८२. एगाहेण तवस्सी व नत्थित्थ संसओ कोइ । एगाहेण सुयहरो न होइ धंतं पि तुरमाणो ॥ १३३॥ ८८३. सो नाम अणसणतवो जेण मणो मंगुलं न चिंतेइ । जेण न इंदियहाणी जेण य जोगा न हायंति ||१३४॥ ८८४. जं अन्नाणी कम्मं खवेइ बहुयाहिं वासकोडीहिं । तं नाणी तिहिं गुत्तो खवेइ ऊसासमेत्तेणं ॥१३५|| ८८५. नाणे आउत्ताणं नाणी नाणजोगजुत्ताणं । को निज्जरं तुलेज्जा चरणे य परक्कमंताणं ? || १३६ ।। ८८६. नाणेण वज्जणिज्जं वज्जिज्जइ, किज्जई य करणिज्जं । नाणी जाणइ करणं, कज्जकज् च वज्जेउं ॥ १३७॥। ८८७. नाणसहियं चरित्तं, नाणं संपायजं गुणसयाणं। एस जिणाणं आणा, नत्थि चरित्तं विणा णाणं ॥ १३८॥ ८८८. नाणं सुसिक्खियव्वं नरेण दुल्ल बोहिं । जो इच्छइ नाउं जे जीवस्स विसोहणामग्गं ॥ १३९॥। ८८९. नाणेण सव्वभावा णज्जंती सव्वजीवलोयम्मि । तम्हा नाणं कुसलेण सिक्खियव्वं पयत्तेणं ॥ १४० ॥। ८९०. न हु सक्का नासेउं नाणं अरहंतभासियं लोए । ते धन्ना जे पुरिसा नाणी य चरित्तजुत्ता य ॥ १४१ ॥ ८९१. बंधं मोक्खं गइरागइं च जीवाण जीवलोयम्मि । जाणंति सुयसमिद्धा जिणसासणचोइयविहण्णू || १४२ ।। ८९२. भद्दं सुबहुसुयाणं सव्वपयत्थेसु पुच्छणिज्जाणं । नाणेणुज्नोवयरा सिद्धिं पि सिद्धेसु॥१४३॥ ८९३. किं एत्तो लट्ठयरं अच्छेरतरं व सुंदरतरं वा ? । चंदमिव सव्वलोगा बहुस्सुयमुहं पलोयंति ॥ १४४ ॥ ८९४. चंदाउ नीइ जोण्हा, बहुस्सुयमुहाओ
जिणवयणं । जं सोऊण सुविहिया तरंति संसारकंतारं ॥ १४५॥। ८९५. चउदसपुव्वधराणं ओहीनाणीण केवलीणं च । लोगत्तुमपुरिसाणं तेसिं नाणं अभिन्नाणं ॥१४६॥। ८९६. नाणेण विणा करणं न होहि, नाणं पि करणहीणं तु । नाणेण य करणेण य दोई वि दुक्खक्खयं होइ ॥ १४७॥ ८९७. दढमूलमहाणम्मि विवरगो विसु- सीलसंपणो । मा हु सुय-सीलविगला ! काहिसि माणं पवयणम्मि ॥ १४८ ॥ ८९८. तम्हा सुयम्मि जोगो कायव्वो होइ अप्पमत्तेणं । जेणऽप्पणं परं पिय दुक्खसमुद्दाओ तारेइ ॥ १४९ ॥ [ गा. १५०-५३. सम्मत्तजुत्ताणं चरण करणाणं गुणा ] ८९९. परमत्थम्मि सुदिट्ठे अविणट्ठेसु तव-संजमगुणेसु । लब्भइ गई.
99EE LEVELELELELELELELELELELELELELELEKKKKOYO
प्र