Dasa Prakirnaka Sutra Agam Guna Manjusha

SR No.: 003270
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 74
Language: Prakrit
Classification: Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 7 MB

Page 34

(२४-३३) दस पन्नयसुत्तेसु ३ चढावेज्झय, ४ गणिविज्जा
॥१५४॥ ६४३. न वि सुज्झति ससल्ला जह भणियं सव्वभावदंसीहिं । मरण-पुणब्भवरहिया आलोयण-निंदणा साहू ॥ १५५ ॥ ६४४. एवं ससल्लमरणं मरिऊण महब्भयम्मि संसारे । पुणरवि भमंति जीवा जम्मण-मरणाई बहुयाई ॥ १५६ ॥ ६४५. पंचसमिओ तिगुत्तो सुचिरं कालं मुणी विहरिऊणं । मरणे विराहयंतो धम्ममणाराहओ भणिओ ।।१५७ ॥ ६४६. बहुमोहो विहरित्ता पच्छिमकालम्मि संवुडो सो उ । आराहणोवउत्तो जिणेहिं आराहओ भणिओ || १५८ ।। ६४७. तो सव्वभावसुद्ध आराहणमइमुहो विसंभंतो। संथारं पडिवन्नो इमं च हियएण चिंतेज्जा ॥ १५९ ॥ ६४८. एगो मे सासओ अप्पा नाण-दंसणसंजुओ। सेसा मे बाहिरा भावा सव्वे संजोगलक्खणा ॥ १६० ।। ६४९. एक्को हं नत्थि मे कोई, नत्थि वा कस्सई अहं । न तं पेक्खामि जस्साहं, न तं पेक्खामि जो महं ॥ १६१ ।। ६५०. देवत्त आणुसत्तं तिरिक्खजोणिं तहेव नरयं च । पत्तो अनंतखुत्तो पुव्विं अन्नाणोसेणं ॥ १६२ ॥ ६५१. न य संतोसं पत्तो सएहिं कम्मेहिं दुक्खमूलेहिं । न य लद्धा परिसुद्धा बुद्धी सम्मत्तसंजुत्ता ।।१६३॥ ६५२. सुचिरं पि ते मणूसा भमंति संसारसायरे दुग्गे । जे हु करेति पमायं दुक्खविमोक्खम्मि धम्मम्मि || १६४|| ६५३. दुक्खाणा पारं गच्छति जे दढधिईया। पुव्वपुरिसाणुचिण्णं जिणवयणपहं न मुंचति ॥ १६५ || ६५४. मग्गंति परमसोक्खं ते पुरिसा जे खवंति उज्जुत्ता। कोहं माणं मायं लोभं तह राग-दोसं च || १६६ ।। ६५५. न वि माया, न वि य पिया, न बंधवा, न वि पियाई मित्ताई। पुरिसस्स मरणकाले न होति आलंबणं किंचि ॥ १६७॥ ६५६. न हिरण्ण-सुवणं वा दासी-सादं च जाण - जुग्गं च । पुरिसस्स मरणकाले न होति आलंबणं किंचि || १६८|| ६५७. आसबलं हत्थिबलं जोहबलं घणुबलं रहबलं च । पुरसस्स मरणकाले न होति आलंबणं किंचि || १६९ ।। ६५८. एवं आराहेंतो जिणोवइटुं समाहिमरणं तु । उद्धरियभावसल्लो सुज्जइ जीवो धुयकिलेसो || १७० || ६५९. जाणतेण वि जइणा वयाइयारस्स सोहणोवायं । परसक्खिया विसोही कायव्वा भावसलस्स ॥ १७१ ॥ ६६०. जह सुकुसलो वि वेज्जो अन्नस्स कहेइ अप्पणी वाहिं । सो से करइ तिगिच्छं साहू वि तहा गुरुसगासे ॥ १७२ ॥ ६६९. इत्थ समप्पइ इणमो पव्वज्जा मरणकालसमयम्मि। जो हु न मुज्झइ मरणे साहू आराहओ ओ || १७३ || दारं ७ ॥ [गा. १७४-७५. चंदावेज्झवपइन्नओवसंहारो ] ६६२. विणयं १ आयरियगुणे २ सीसगुणे ३ विणयनिग्गहगुणे ४ न्य । नाणगुणे ५ चरणगुणे ६ मरणगुण ७ विहिं च सोऊणं || १७४ || ६६३. तह घत्तह काउं जे जह मुच्चह गब्भवासवसहीणं । मरण- पुणब्भव- जम्मण-दोग्गइविणिवायगमणाणं || १७५|| 5 || इति चंदावेज्झयं पइण्णयं समत्तं ॥ ३॥ ४ गणिविज्जापइण्णयं 555 [गा. १. अभिधेयं] ६६४. वोच्छं बलाऽबलविहिं नवबलविहिमुत्तमं विउपसत्थं । जिणवयणभासियमिणं पवयणसत्थम्मि जह दिवं ॥ १॥ [ गा. २. नवदारनामाई ] ६६५ दिवस १ तिही २ नक्खत्ता ३ करणं ४ गहदिवसयं ५ मुहुत्तं च ६ । सउणबलं ७ लग्गबलं ८ निमित्तबल ९ मुत्तमं वा वि || २ || [ गा. ३. पढमं दिवसदारं] ६६६. ओया बलिया दिवसा, जुम्मा पुण दुब्बला उभयपक्खे । विवरीयं राईसु य बलाबलविहिं वियाणाहि ||३|| दारं १ | [गा. ४-१०. बीयं तिहिदारं] ६६७. पाडिवए पडिवत्ती नत्थि, विक्ती भांति बीयाए । तइयाए अत्थसिद्धी, विजयग्गा पंचमी भणिया ||४|| ६६८. जा एस सत्तमी सा उ बहुगुणा, इत्थ संसओ नत्थि । दसमीइ पत्थियाणं भवति निक्कंटया पंथा ॥५॥ ६६९. आरोग्गमविग्घं खेमियं च एक्कारसिं वियाणाहि । जे वि य हुंति अमित्ता ते तेरसिपट्टिओ जिणइ ||६|| ६७०. चाउद्दसि पन्नरसिं वज्जेज्जा अट्ठमि च नवमिं च । ' छट्ठि च चउत्थिं बारसिं च दोण्हं पि पक्खाणं ||७|| ६७१. पढमा पंचमि दसमी पन्नरसेक्कारसी वि य तहेव । एएसु य दिवसेसुं सेहनिप्फेडणं करे ॥ ८॥ ६७२. नंदा भद्दा विजया तुच्छा पुन्ना य पंचमी होइ । मासेण य छव्वारे एक्किक्काऽऽवत्तए नियए ॥ ९ ॥ ६७३. नंदे जए य पुन्ने सेहनिक्खमणं करे । नंदे भद्दे सुवद्वावे, पुन्ने अणसणं करे ।।१०।। दारं २ । [गा. ११-४१. तइयं नक्खत्तदारं ] ६७४ पुस्सऽस्सिणि मिगसिर रेवई य हत्थो तहेव चित्ता य । अणुराह जेट्ठ-मूला नव नक्खत्ता गणसिद्ध ॥११॥ ६७५. मिगसिर महा य मूलो य विसाहा तह य होइ अणुराहा। हत्थुत्तर रेवइ अस्सिणी य सवणे य नक्खत्ते ||१२|| ६७६. एएसु य अद्राणं पत्थाणं ठाणयं च कायव्वं । जइ य गहोऽत्थ न चिट्ठइ संजामुक्कं च जइ होइ ॥ १३ ॥ ६७७. उप्पन्न भत्तपाणे अद्धाणम्मि सया उ जो होइ। फल-पुप्फोवगुवेओ गओ वि खेमेण सो एइ
ॐ श्री आगमगुणमंजूषा १३०७
[२३]