Dasa Prakirnaka Sutra Agam Guna Manjusha

SR No.: 003270
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 74
Language: Prakrit
Classification: Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 7 MB

Page 29

(२४-३३) दस पन्नयसुत्तेसु २ तंदुलवेयालिय, ३ चंदावेज्झयं [१८] फफफफफफफ
४६७. अवि याइं ताओ अंतरं भंगसयं, अरज्जुओ पासो, अदारुया अडवी, अणालस्सनिलओ, अइक्खा वेयरणी, अनामिओ वाही, अवियोगो विप्पलावो, अरुओ उवसग्गो, रइंवंतो चित्तंविब्भमो, सव्वंगओ दाहो ९०, अणब्भपसूया वज्जासणी, असलिलप्पवाहो समुद्दरओ ९२ || १५६|| ४६८. अवि या तासि इत्थियाणं अणेगाणि नामनिरुत्ताणि-पुरिसे कामरागप्पडिबद्धे पाणाविहेहिं उवायसयसहस्सेहिं वह बंधणमाणयंति पुरिसाणं नो अन्नो एरिसो अरी अत्थि त्ति नारीओ, तं जहा नारीसमा न नराणं अरीओ नारीओ १ । नाणाविहेहिं कम्मेहिं सिप्पयाइएहिं पुरिसे मोहंति त्ति महिलियाओ २ । पुरिसे मवे करेति त्ति पमाओ ३ । महंतं कलिं जयंति त्ति महिलियाओ ४ । पुरिसे हावभावमाइएहिं रमंति त्ति रामाओ ५ । पुरिसे अंगाणुराए करेति त्ति अंगणाओ ६ । नाणाविहेसु जुद्धभंडण - संगामाऽडवीसु मुहारणगिण्हण-सीउण्ह-दुक्ख किलेसमाइसु पुरिसे लालेति त्ति ललणाओ ७ । पुरिसे जोगे - निओएहिं वसे ठाविति त्ति जोसियाओ ८ । पुरिसे नाणाविहेहिं भावेहिं वणिति त्ति वणियाओ ९ ।। १५७।। ४६९. काइ पमत्तभावं, काई पणयं सविब्भमं, काई ससद्दं सासि व्व ववहरंति, काई सत्तु व्व, रोरो इव काई पयएसु पणमंति, काई उवणसु उवणमंति, काई कोउयनम्मं ति काउं सुकडक्खनिरिक्खिएहिं सविलासमुरेहिं उवहसिएहिं उवगूहिएहिं उवसद्देहिं गुरुगदरिसणेहिं भूमिलिहण-विलिहणेहिं च आरुहण-नट्टणेहि य बालयउवगूहणेहिं च अंगुलीफोडण - थणपीलण कडितडजायणाहिं तज्जणाहिं च ॥ १५८॥ ४७०. अवि याई ताओ पासो व ववसितुं जे, पंको व्व खुप्पि जे, मच्चु व्व. मारेउं जे अगणि व्व डहिउं जे असि व्व छिज्जिरं जे ॥ १५९ ॥ ४७१. असि-मसिसाररिच्छीणं कंतार-कवाड - चारयसमाणं । घोरनिउरंबदकंदरचलंत बीभच्छभावाणं ॥ १६०॥ ४७२. दोससयगागरीणं अजससयविसप्पमाणहिययाणं । कइयवपन्नत्तीणं ताणं अन्नायसीलाणं ॥ १६१ ।। ४७३. अन्नं रयंति, अन्नं रमंति, अन्नस्स दिति उल्लावं । अन्नो कडयंतरिओ, अन्नो य पडंतरे ठविओ ॥ १६२॥। ४७४. गंगाए वालुयं, सायरे जलं, हिमवतो य परिमाणं । उस तवस गई, गब्भुप्पत्तिं च विलया ॥ १६३ ।। ४७५. सीहे कुडुंबयारस्स पोट्टलं, कुक्कुहाइयं अस्से । जाणंति बुद्धिमंता, महिलाहिययं न जाणंति ॥१६४॥ ४७६. एरिसगुणजुत्ताणं ताणं कइ इव असंठियमणाणं । न हु भे वीससियव्वं महिलाणं जीवलोगम्मि ॥ १६५ ॥ ४७७ निद्धन्नयं च खलयं, पुप्फेहि विवज्जियं च आरामं । निद्दुद्धियं च धेणुं, लोए वि अतेल्लियं पिंडं ॥ १६६ ॥ ४७८. जेणंतरेण निमिसंति लोयणा, तक्खणं च विगसंति । तेणंतरेण हिययं चित्त ? चिंत) सहस्साउलं होइ ॥ १६७॥ [गा. १६८. उवएसाणरिहजणा ] ४७९. जड्डाणं वड्डाणं निव्विण्णाणं च निव्विसेसाणं । संसारसूयराणं कहियं पि निरत्थयं होई ॥। १६८ ।। [गा. १६९७० पुत्त-पियाईणमताणत्तं ] ४८० किं पुत्तेहिं ? पियाहि व ? अत्थेण व पिडिएण बहुएणं ? जो मरणदेस-काले न होइ आलंबणं किंचि ॥ १६९॥। ४८१. पुत्ता चयंति, मित्ता चयंति, भज्जा विणं मयं चयइ । तं मरणदेस- काले न चयइ सुबिइज्जओ धम्मो ॥ १७० ॥ [गा. १७१-७४. धम्ममाहप्पं ४८२. धम्मो ताणं, धम्मो सरणं, मेण सुचरिएण य गम्मइ अजरामरं ठाणं ॥ १७१ ॥ ४८३. पीईकरो वट्ठकरो भासकरो जसकरो रइकरो य । अभयकर निव्वुइकरो पारत्तबिइज्जओ धम्मो ॥१७२॥। ४८४. अमरवरेसु अणोवमरूवं भोगोवभोगरिद्धी य | विन्नाण-नाणमेव य लब्भइ सुकएण धम्मेणं ॥ १७३॥ ४८५. देविंद - चक्कवट्टित्तणाइं रज्जाई इच्छया भोगा । एया धम्मलाभप्फलाई, जं चावि नेव्वाणं ॥ १७४॥ [ गा. १७५-१७७ उवसंहारो ] ४८६. आहारो उस्सासो संधिछिराओ य रोमकूवाइं । पित्तं रुहिरं सुक्कं गणियं गणियप्पहाणेहिं ॥ १७५ ॥ ४८७. एयं सोउ सरीरस्स वासाणं गणियपागडमहत्थं । मोक्खपउमस्स ईहह सम्मत्तसहस्सपत्तस्स ॥ १७६ ॥ ४८८. एयं सगडसरीरं जाइ-जरा-मरण-वेयणाबहुलं । तह घत्तह काउं जे जह मुच्चह सव्वदुक्खाणं ॥ १७७॥ 5 ॥ तंदुलवेयालीपइण्णयं सम्मत्तं ॥ २२॥ ३ चंदावेझ पणयं 555 [गा. १ २. मंगलमभिधेयं च] ४८९. जगमत्थयत्ययाणं विगसियवरनाण- दंसणधराण । नाणुज्जोयगराणं लोगम्मि नमो जिणकरणं ॥१॥ ४९०. इणमो सुणह महत्थं निस्संदं मोक्खमग्गसुत्तस्स । विगहनियत्तियचित्ता, सोऊण य मा पमाइत्था ॥२॥ [गा. ३. सत्तदारनामाई ] ४९१. विषायं १ आयरियगुणे २ सीसगुणे ३ विणयनिग्गहगुणे ४ य । नाणगुणे ५ चरणगुणे ६ मरणगुणे ७ एत्थ वोच्छामि ॥ ३ ॥ ॥ दारगाहा ॥ [गा. ४-२१. विणयगुणे त्ति पढमं दारं ]
YOYOR
* फ्री श्री आगमगुणमंजूषा १३०२