Page Text
________________
(२४-३३) दस पन्नयसुत्तेसु १ देविदत्थओ [४]
फफफफफफफ
तीसइमुहुत्ता । चंदम्मि एस जोगो नक्खत्ताणं मुणेयव्वो ॥ १०४ ॥ अभिई छच्च मुहुत्ते चत्तारि य केवले अहोरत्ते । सूरेण समं वच्चइ एत्तो सेसाण वुच्छामि || १०५ || १०६. सयभिसया भरणीओ अद्दा अस्सेस साइ जेट्ठा य । वच्वंति छऽहोरत्ते एक्कावीसं मुहुत्ते य ॥१०६ ॥ १०७. तिन्नेव उत्तराई पुणव्वसू रोहिणी विसाहा य । वच्चंति मुहुत्ते तिनि चेव वीसं अहोरते || १०७ । १०८. अवसेसा नक्खत्ता पण्णरस वि सूरसहगया जंति। बारस चेव मुहुत्ते तेरस य समे अहोरते || १०८ || [गा. १०९२९. जंबुद्दीवाईसु चंद-सूर-गहाईणं संखा ] १०९. दो चंदा, दो सूरा, नक्खत्ता खलु हवंति छप्पन्ना । छावत्तरं गहसयं जंबुद्दीवे वियारी णं ॥ १०९ ॥ ११०. एक्कं च सयसहस्सं तित्तीसं खलु भवे सहस्साई । नव य सया पण्णासा तारागणकोडिकोडीणं ||११०|| [१३३९५०००००००००००००००] १११. चत्तारि चेव चंदा, चत्तारि य सूरिया लवणतोए । बारं नक्खत्तसयं गहाण तिन्नेव बावन्ना ॥ १११ ॥ ११२. दों चैव सयसहस्सा सत्तट्ठि खलु भवे सहस्सा उ । नव य सया लवणजले तारागणकोडिकोडणं ॥ ११२|| [ २६७९००००००००००००००००] ११३. चउवीसं ससि - रविणो, नक्खत्तसया य तिण्णि छत्तीसा । एक्कं च गहसहस्सं छप्पन्नं धायई संडे ||११३।। ११४. अट्ठेव सयसहस्सा तिण्णि सहस्सा य सत्त य सयाइं । धायइसंडे दीवे तारागणकोडिकोडीणं ॥ ११४॥ [८०३७००००००००००००००००] ११५. बायालीसं चंदा बायालीसं च दिणयरा दित्ता । कामोदहिम्मि एए चरंति संबद्धलेसाया ॥११५॥। ११६. नक्खत्तसहस्सं एगमेव छावत्तरं च सयमन्नं । छच्च सया छन्नउया महग्गहा तिन्नि य सहस्सा ॥ ११६ ॥ ११७. अट्ठावीसं कालोदहिम्मि बारस य सहस्साइं । नव य सया पन्नासा तारागणकोडिकोडीणं ।। ११७॥ [ २८१२९५०००००००००००००००] ११८. चोयालं चंदसयं, चोयालं चेव सूरियाण सयं । पोक्खरवम्मि एए चरंति संबद्धलेसाया ॥११८॥ ११९. चत्तारिं च सहस्सा बत्तीसं चेव होति नक्खत्ता । छच्च सया बावत्तर महग्गहा बारस सहस्सा ॥ ११९॥ १२० छन्नउइ सयसहस्सा चोयालीसं भवे सहस्साइं । चत्तारि तह सयाई तारागणकोडिकोडीणं ॥ १२०॥ [ ९६४४४००००००००००००००००] १२१. बावत्तरिं च चंदा, बावत्तरिमेव दिणयरा दित्ता । पुक्खरवरदीवड्डे चरंति एए पगासिंता ॥ १२१|| १२२. तिण्णि सया छत्तीसा छ च्च सहस्सा महग्गहाणं तु । नक्खत्ताणं तु भवे सोलाणि दुवे सहस्साणि ॥ १२२ ॥ १२३. अडयालससयसहस्सा बावीसं खलु भवे सहस्साइं । दो य सय पुक्खरदे तारागणकोडिकोडीणं ॥ १२३॥ [ ४८२२२००००००००००००००००] १२४. बत्तीसं चंदसयं १३२, बत्तीसं चेव सूरियाण सयं १३२ । सयलं मणुस्सलोयं चरंति एए पयासिंता ॥ १२४॥। १२५. एक्कारस य सहस्सा छ प्पिय सोला महग्गहसया उ ११६१६ | छ च्च सया छन्नउआ नक्खत्ता तिण्णि य सहस्सा ३६९६ || १२५|| १२६. अट्ठासीइं चत्ताई सयसस्साई मणुयलोगम्मि । सत्त य सया अणूणा तारागणकोडिकोडीणं ||१२६|| [८८४०७००००००००००००००००] १२७. एसो तारापिंडो सव्वसमासेण मणुयलोगम्मि । बहिया पुण ताराओ जिणेहिं • भणिया असंखेज्जा ॥ १२७॥। १२८. एवइयं तारग्गं जं भणियं तह य मणुयलोगम्मि । चारं कलंबुयापुप्फसंठियं जोइसं चरइ ॥ १२८॥ १२९. रवि-ससि गहनक्खत्ता एवइया आहिया मणुयलोए। जेसिं नामा- गोयं न पागया पन्नवेइति ॥ १२९ ॥ [ गा. १३०-३५. जोइसियाणं पिडगाइं पंतीओ चंदइपमाणं च] १३०. छावट्ठि पिडयाई चंदाऽऽइच्चाण मणुयलोगम्मि। दो चंदा दो सूरा य होति एक्केक्कए पिडए ॥१३०॥ १३१. छावट्ठि पिडयाइं नक्खत्ताणं तु मणुयलोगम्मि । छप्पन्नं नक्खत्ता य होति एक्क्कए पिड ॥ १३१ ॥ १३२. छीवट्ठी पिडयाइं महग्गहाणं तु मणुयलोगम्मि । छावत्तरं गहसयं च होइ एक्केक्कए पिडए ॥१३२॥ १३३. चत्तारि य पंतीओ चंदाऽऽइच्चाण मणुयलोगम्मि । छावट्ठि छावट्ठि च होइ इक्किक्किया पंती ॥ १३३ ॥ १३४. छप्पन्नं पंतीओ नक्खत्ताणं तु मणुयलोगम्मि । छावट्ठि छावट्ठि च होइ इक्किक्किया पंती ॥१३४॥। १३५. छावत्तरं गहाणं पंतिसयं होइ मणुयलोगम्मि । छावट्ठि छावट्ठि च होइ इक्किक्किया पंती ॥ १३५ ॥ [गा. १३६-४१. जोइसियाणं मंडला तावखेत्तं गइ य] १३६. ते मेरुमणुचरंती पयाहिणावत्तमंडला सव्वे । अणवट्ठिएहिं जोएहिं चंद-सूरा गहगणा य ।। १३६ ।। १३७. नक्खत्त-तारयाणं अवट्ठिया मंडला मणेयव्वा । ते वियपयाहिणावत्तमेव मेरुं अणुचरंति ॥ १३७॥ १३८. रयणियर- दिणयराणं उडुमहे एव संकमो नत्थि । मंडलसंगमणं पुण अब्भिंतर बाहिरं तिरियं ॥१३८॥ १३९. रयणियर-दिणयराणं नक्खत्ताणं च महागहाणं च । चारविसेसेण भवे सुह- दुक्खविही मणुस्साणं ॥ १३९ ॥ १४० तेसिं पविसंताणं तावक्खेत्तं तु
YOYO श्री आगमगुणमजूषा १२८८
GLE 6666666666666
| SR No. | 003270 |
| Book Title | Dasa Prakirnaka Sutra Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 74 |
| Language | Prakrit |
| Classification | Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra |
| File Size | 7 MB |