Page Text
________________
[७४]
(१८) जंबूदीवपन्नत्ति वक्खारो ७ पुस्सायणे य अस्सायणे य भगवेस अग्गिवेसे १० य । गोयम भारद्दाए लोहिच्चे चेव वासिट्ठे ॥ १०५ || ओमज्नायण मंडव्वायण पिंगायणे य गोवल्ले । कासव कोसिय २० दुब्भाय चामरच्छाय सुंगा य ॥ १०६ ॥ गोवल्लायण तेगिच्छायणे य कच्चायणे हवइ मूले । तत्तो य बज्झियायण वग्घावच्चे य गोत्ताहं ॥ १०७॥ एतेसिं णं भंते ! अट्ठावीसाए णक्खत्ताणं अभिईणक्खत्ते किंसंठिए पं० १, गो ० ! गोसीसवलिसंठिए पं०, 'गोसीसावलि काहार सउणि पुप्फोवयार वावी य। णावा आसक्खंधग भग छुरघरए १० य सगडुद्धी || १०८|| मिगसीसावलि रूहिरबिंदु तुल्ल वद्धमाणग पडागा । पागारे पलिअंके हत्थे २० मुहफुल्लए चेव || १०९ || खीलग दामणि एग़ावली य गयदंत विच्छु अयले य । गयविक्कमे य तत्तो सीहनिसाई य २८ संठाणा ॥११०|| १६० एतेसिं णं भंते ! अट्ठावीसाए णक्खत्ताणं अभिइणक्खत्ते कतिर्मुहुत्ते चन्देणं सद्धिं जोगं जोएइ ?, गो० ! णव मुहुत्ते सत्तावीसं च सत्तट्ठिभाए मुहुत्तस्स चन्देण सद्धिं जोगं जोएइ, एवं इमाहिं गाहाहिं अणुगन्तव्वं-‘अभिइस्स चंदजोगो सत्तट्ठिखंडिओ अहोरत्तो । ते हुंति णव मुहुत्ता सत्तावीसं कलाओ य ॥ १११ ॥ सयभिसया भरणीओ अद्दा अस्सेस साइ
य । एते छण्णक्खत्ता पण्णरसमुहुत्तसंजोगा ||११२ || तिण्णेव उत्तराई पुणव्वसू रोहिणी विसाहा य । एए छण्णक्खत्ता पणयालमुहुत्तसंजोगा ॥११३॥ अवसेसा णक्खत्ता पण्णरसवि हुंति तीसइमुहुत्ता। चंदंमि एस जोगो णक्खत्ताणं मुणेअव्व ॥ ११४ ॥ एतेसिं णं भंते ! अट्ठावीसाए णक्खत्ताणं अभिईणक्खत्ते कति अहोरत्ते सूरेण सद्धिं जोगं जोएइ ?, गो० ! चत्तारि अहोरत्ते छच्च मुहुत्ते सूरेण सद्धिं जोगं जोएइ, एवं इमाहिं गाहाहिं णेयव्वं 'अभिइ छच्च मुहुत्ते चत्तारि य केवले अहोरत्ते । सूरेणं समं गच्छइ एत्तो सेसाण वोच्छामि ||११५|| सयभिसया भरणीओ अद्दा अस्सेस साइ जेट्ठा य । वच्वंति मुहुत्ते इक्कवीसं छच्चेवऽहोरत्ते ||११६|| तिण्णे उत्तराइं पुणव्वसू रोहिणी विसाहा य । वच्वंति मुहुत्ते तिण्णि चेव वीसं अहोरत्ते ॥ ११७|| अवसेसा णक्खत्ता पण्णरसवि सूरसह्गया जंति । बारस चेव मुहुत्ते तेरस य समे अहोरत्ते ||११८॥१६१ | कति णं भंते ! कुला कति उवकुला कति कुलोवकुला पं० ?, गो० ! बारस कुला बारस उवकुला चत्तारि कुलोवकुला पं०, बारस कुला तं० धणिट्ठाकुलं उत्तरभद्दवया० अस्सिणी० कत्तिया० मिगसिर० पुस्सो० मघा० उत्तरफग्गुणी० चित्ता० विसाहा० मूलो उत्तरासाढाकुलं 'मासाणं परिणामा होति कुला उवकुला उ हेट्ठिमगा । होति पुण कुलोवकुला अभीइ सय अद्द अणुराहा ॥ ११९॥ बारस उवकुला तं०-सवणो उवकुलं पुव्वभद्दवया० रेवई० भरणी० रोहिणी० पुणव्वसू० अस्सेसा० पुव्वफग्गुणी० हत्थो० साई० जेट्ठा० पुव्वासाढाउवकुलं, चत्तारि कुलोवकुला, तं० - अभिईकुलोवकुलं संयभिसया० अद्दा० अणुराहाकुलोवकुलं, कति णं भंते! पुण्णिमाओ कति अमावासाओ पं० ?, गो० ! बारस पुण्णिमाओ बारस अमावासाओ पं० तं० - साविट्ठी पोट्ठवई आसोई कत्तिगी मगसिरी पोसी माही फग्गुणी चेत्ती वइसाही जेट्ठामूली आसाढी, साविद्विण्णं भंते! पुण्णमासि कति णक्खत्ता जोगं जोएंति ?, गो० ! तिण्णिं णक्खत्ता जोगं जोएंति, तं०-अभिई सवणो धणिट्ठा, पोट्ठवइण्णं भंते! पुण्णिमं कइ णक्खत्ता० १, गो० ! तिण्णि तं० सयभिसया पुव्वभद्दवया उत्तरभद्दवया, अस्सोइण्णं दो० तं०-रेवई अस्सिणी य, कत्तिइण्णं दो०- भरणी कत्तिया य, मगसिरिण्णं दो - रोहिणी मगसिरं च, पोसिं तिण्णि-अद्दा पुणव्वसू माघिण्णं दो अस्सेसा मघा य, फग्गुणिं णं दोपुब्बाफग्गुणी य उत्तराफग्गुणी य, चेत्तिण्णं दो-हत्थो चित्ता य, विसाहिण्णं दो-साई विसाहा य, जेट्ठामूलिण्णं तिण्णि- अणुराहा जेट्ठा मूलो, आसाढिष्णं दो-पुव्वासाढा उत्तरासाढा, साविट्ठिण्णं भंते! पुण्णिमं किं कुलं० उवकुलं० कुलोवकुलं जोएइ ?, गो० ! कुलं वा जोएइ उंवकुलं वा जोएइ कुलोवकुलं वा जोएइ, कुलं जोएमाणे
ट्ठा क्खत्ते जो उवकुलं जोएमाणे सवणे णक्खत्ते जोएइ कुलोवकुलं जोएमाणे अभिई णक्खत्ते जोएइ, साविट्ठीण्णं पुण्णमासिणि कुलं वा जोएइ जाव कुलोवकुलं वा जोएइ, कुलेण वा जुत्ता उवकुलेण वा जुत्ता कुलोवकुलेणं व जुत्ता साविट्ठी पुण्णिमा जुत्तत्ति वत्तव्वं सिया, पोट्टवदिण्णं भंते ! पुण्णिमं किं कुलं जोएइ० पुच्छा, गो० ! कुलं वा उवकुलं वा कुलोवकुलं वा जोएइ, कुलं जोएमाणे उत्तरभद्दवया उव० पुव्वभद्दवया० कुलोव० सयभिसया णक्खत्ते जोएड, पोट्टवइण्णां पुण्णिमं कुलं वा जोएइ जाव कुलोवकुलं वा जोएइ कुलेण वा जुत्ता जाव कुलोवकुलेण वा जुत्ता पोट्ठवई पुण्णमासी जुत्तत्ति वत्तव्वं सिया, अस्सोइण्णं भंते! पुच्छा, गो० ! कुलं वा जोएइ उवकुलं वा जोएइ णो लब्भइ कुलोवकुलं, कुलं जोएमाणे अस्सिणी णक्खत्ते उवकुलं जोएमाणे रेवइणक्खत्ते जोएइ, अस्सोइण्णं पुण्णिमं कुलं बा उवकुलं ΣΟΚΟ ६६६६६६६ श्री आगमगुणमंजूषा - १२५६
5
फ्र
原原
| SR No. | 003268 |
| Book Title | Agam 18 Upang 07 Jambudveep Pragnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 88 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 8 MB |