Agam 18 Upang 07 Jambudveep Pragnapti Sutra Shwetambar Agam Guna Manjusha

SR No.: 003268
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 88
Language: Prakrit
Classification: Book_Devnagari, Agam, Canon, & agam_jambudwipapragnapti
File Size: 8 MB

Page 32

वाजपूतावाति समारो३र३]
1
9555555555%ERNOR
FOROFF:55555555555555555
555555555555555555550xcel 555555555555555555555555
कयकोउअमंगलपायच्छित्ते सन्नद्धबद्धवम्मिअकवए उप्पीलिअसरासणपट्टिए पिणद्धगेविजे बद्भविमलवरचिधपट्टे गहिआउहप्पहरणे अणेगगणनायगदंडनायग जाव सद्धि संपरिबुडे सकोरंटमल्लदामेणं छत्तेणं धरिज्जमाणेणं मंगलजयसद्दकयालोए मज्जणघराओ पडिणिक्खमइ त्ता जेणेव बाहिरिआ उवट्ठाणसाला जेणेव आभिसेक्के हत्थिरयणे तेणेव उवागच्छइ त्ता आभिसेक्कं हत्थिरयणं दुरूढे, तए णं से सुसेणे सेणावई हत्थिखंधवरगए सकोरंटमल्लदामेणं छत्तेणं धरिज्जमाणेणं हयगयरहपवरजोहकलिआए एवं चाउरंगिणीए सेणाए सद्धि संपरिवुडे महयाभडचडगरपहगरवंदपरिक्खित्ते महयाउक्किट्ठसीहणाय-बोलकलकलसद्देणं समुद्दरवभूयंपिव करेमाणे २ सव्विद्धीए सव्वज्जुईए सव्वबलेणं जाव निग्घोसनाइएणं जेणेव सिंधू महाणई तेणेव उवागच्छइ त्ता चम्मरयणं परामुसइ, ते (त) एणं तं सिरिवच्छसरिसरूवं मुत्ततारद्धचंदचित्तं अयलमकंपं अभेज्जकवयं जंतं सलिलासु सागरेसु य उत्तरणं दिव्वं चम्मरयणं सणसत्तरसाइं सव्वधन्नाइं जत्थ रोहंति एगदिवसेण बाविआई, वासं णाऊण चक्कवट्टिणा परामुढे दिव्वे चम्मरयणे दुवालस जोअणाई तिरिअं पवित्थरइ तत्थ साहिआई, तए णं से दिव्वे चम्मरयणे सुसेणसे णावइणा परामुढे समाणे खिप्पामेव णावाभूए जाए आवि होत्था, तए णं से सुसेणे सेणावई सखंधावारबलवाहणे णावाभूयं चम्मरयणं दुरूहइत्ता सिंधु महाणई विमलजलतुंगवीचिं णावाभूएणं चम्मरयणेणं सबलवाहणे ससेणे समुत्तिण्णे, तओ महाणईमुत्तरित्तुं सिंधु अप्पडिहयसासणे य सेणावई कहिंचि गामागरणगरपव्वयाणि खेडकब्बडमडंबाणि पट्टणाणि सिंहलए बब्बरए य सव्वं च अंगलोअं वलायलोअं च परमरम्मं जवणदीवं च पवरमणिकणगरय णकोसागारसमिद्धं आरबके रोमके य अलसंडविसयवासी पिक्खुरे कालमुहे जोणए य उत्तरवेअद्धसंसिआओ य मेच्छजाईओ बहुप्पगाराओ दाहिणअवरेण जाव सिंधुसागरंतोत्ति सव्वपवरकच्छं च ओअवेऊण पडिणिअत्तो बहुसमरमणिज्जे य भूमिभागे तस्स कच्छस्स सुहणिसण्णे, ताहे ते जणवयाणं णगराणं पट्टणाण यजे य तहिं सामिआ पभूआ आगरपती य मंडलपती य पट्टणपती य सव्वे ते घेत्तूण पाहुडाइं आभरणाणि य रयणाणि य भूसणाणि य वत्याणि य महरिहाणि अण्णं च जं वरिटुं रायारिहं जंच इच्छिअव्वं एअं सेणावइस्स उवणेति मत्थयकयंजलिपुडा, पुणरवि काऊण अंजलिं मत्थयंमि पणया तुब्भे अम्हेऽत्थ सामिआ देवयंव सरणागया मो तुब्भे विसयवासिणोत्ति विजयं जंपमाणा सेणावइणा जहारिहं ठविअ पूइअ विसज्जिआ णिअत्ता सगाणि णगराणि पट्टणाणि अणुपविट्ठा, ताहे सेणावई सविणओ घेत्तूण पाहुडाई आभरणाणि भूसणाणि रयणाणि य पुणरवि तं सिंधुणामघेजं उत्तिण्णे अणहसासणबले, तहेव भरहस्स रण्णो णिवेएइ त्ता य अप्पिणित्ता य पाहुडाई सक्कारिअसम्माणिए सहरिसे विसज्जिए सगं पडमंडवमइगए, तते णं सुसेणे सेणावई ण्हाए कयबलिकम्मे कयकोउअमंगलपायच्छित्ते जिमिअभुत्तुत्तरागए समाणे सरसगोसीसचंदणुक्खित्तगायसरीरे उप्पिं पासायवरगए फुट्टमाणेहिं मुइंगमत्थएहिं बत्तीसइबद्धेहिं णाडएहिं वरतरूणीसंपउत्तेहिं उवणच्चिज्जमाणे उवगिज्जमाणे उवलालिज्जमाणे महयाहयणट्टगीअवाइअतंतीतलतालतुडिअघणमुइंगपडुप्पवाइअरवेणं इढे सद्दफरिसरसरूवगंधे पंचविहे माणुस्सए कामभोगे भुंजमाणे विहरइ ।५२तए णं से भरहे राया अण्णया कयाई सुसेणं सेणावइं सद्दावेइ त्ता एवं वयासी-गच्छ णं खिप्पामेव भो देवाणुप्पिआ ! तिमिस्सगुहाए दाहिणिल्लस्स दुवारस्स कवाडे विहाडेहि त्ता मम एअमाणत्तिअं पच्चप्पिणाहि, तए णं से सुसेणे सेणावई भरहेणं रण्णा एवं वुत्ते समाणे हट्टतुट्ठचित्ते जाव करयलपरिग्गहिअं मत्थए अंजलिं कटुट जाव पडिसुणेइ त्ता भरहस्स रण्णो अंतियाओ पडिणिक्खमइ त्ता जेणेव सए आवासे जेणेव पोसहसाला तेणेव उवागच्छइ त्ता दब्भसंथारगं संथरइ जाव कयमालगस्स देवस्स अट्ठमभत्तं पगिण्हइ पोसहसालाए पोसहिए बंभयारी जाव अट्ठमभत्तंसि परिणममाणंसि पोसहसालाओ पडिणिक्खमइत्ता जेणेव मज्जणघरे तेणेव उवागच्छइ त्ता बहाए कयबलिकम्मे कयकोउअमंगलपायच्छित्ते सुद्धप्पावेसाइं मंगलाई वत्थाई पवरपरिहिए अप्पमहग्घाभरणालंकियसरीरे धूवपुप्फगंधमल्लहत्थगए मज्जणघराओ पडिणिक्खमइत्ता जेणेव तिमिस्सगुहाए दाहिणिल्लस्स दुवारस्स कवाडा तेणेव पहारेत्थ गमणाए, तए णं तस्स सुसेणस्स सेणावइस्स बहवे राईसरतलवरमाडंबिअजावसत्थवाहप्पभियओ अप्पेगइआ उप्पलहत्थगया जाव सुसेण सेणावई पिट्ठओ २ अणुगच्छंति, तएणं तस्स सुसेणस्स फ़
सेणावइस्स बहूईओ खुज्जाओ चिलाइआओ जाव इंगिअचितिअपत्थिअविआणिआओ णिउणकुसलाओ विणीआओ अप्पेगइआओ कलसहत्थगयाओ जाव mero5 555555555555555 श्री आगमगुणमंजूषा - १२०५5555555555555555555555OOR
5555555
乐乐乐
1555%%%%%%%%%