Page Text
________________
ॐ ॐ ॐ ॐ ॐ ॐ ॐ
(१८) जंबूदीवपत्नति वक्खारो ३
जलथलगुहासु जंतेसु परिहासु अ कालनाणे तहेव सद्दे वत्थुप्पएसे पहाणे गब्मिणिकण्णरूक्खवल्लिवेढिअगुणदोसाविआणए गुणड्ढे सोलसपासायकरणकुसले चउसट्ठिविकप्पवित्थियमई णंदावत्ते य वद्धमाणे सोत्थिअरूअग तह सव्वओभद्दसंणिवेसे अ बहुविसेसे उइंडिअदेवकोट्ठदारूगिरिखायवाहणविभागकुसले-'इअ तस्स बहुगुणद्धे थवईरयणे णरिंदचंदस्स । तवसंजमनिण्णिट्टे किंकरवाणी तुवट्ठाई ||१६|| सो देवकम्मविहिणा खंधावारं णरिंदवयणेणं । आवसहभवणकलिअं करेइ सव्वं मुहुत्तेणं ||१७|| करेत्ता पवरपोसहघरं करेइ त्ता जेणेव भरहे राया जाव एतमाणत्तिअं खिप्पामेव पच्चप्पिणइ, सेसं तहेव जाव (प्र० जणपवराओ) मज्जणघराओ पंडिणिक्खमइ त्ता जेणेव बाहिरिआ उवट्टाणसाला जेणेव चाउग्घंटे आसरहे तेणेव उवागच्छइ ।४८। तते णं तं धरणितलगमणलहुं ततो बहुलक्खणपसत्थं हिमवंतकदरंतरणिवायसंवद्धिअचित्ततिणिसदलिअं जंबूणयसुकयकूबरं कणयदंडियारं पुलयवरिंदणीलसासगपवालफलिहवररयणलेठुमणिविदुमविभूसिअं अडयालीसाररइयतवणिज्जपट्टसंगहिअजुत्ततुंबं पघसिअपसि - अनिम्मिअनवपट्टपुट्ठपरिणिद्विअं विसिट्ठलट्टणवलोहवद्धकम्मं हरिपहरणरयणसरिसचक्कं कक्केयणईंदणीलसासगसुसमाहिअबद्धजालकडगं पसत्थविच्छिण्णसमधुरं पुरवरं व गुत्तं सुकिरणतवणिज्जजुत्तककलिअं कंकटय (प्र० डग) णिजुत्तकप्पणं पहरणाणुजायं खेडगकणगधणु मंडलग्गव रसत्तिकों ततोमरस- रसयबत्तीसतोणपरिमंडिअं कणगरयणचित्तं जुत्तं हलीमुहवलागगयदंतचंदमोत्तिअतणसोल्लिअकुंदकुंडय - वरसिंदुवारकंदलवरफेणणिगरहारकासप्पगासधवलेहिं अमरमणपवणजइणचवलसिग्घगामीहिं चउहिं चामराकणगविभूसिअंगेहिं तुरगेहिं सच्छत्तं सज्झयं सघंटं सपडागं सुकयसंधिकम्मं सुसमाहिअसमरकणगगंभीरतुल्लघोसं वरकुप्परं सुचक्कं वरनेमीमंडलं वरधारातोंडं वरवइरबन्द्रतुंबं वरकंचणभूसिअं वरायरिअणिम्मिअं वरतुरगसंपउत्तं वरसारहिसुसंपग्गहिअं वरपुरिसे वरमहारहं दुरूढे आरूढे पवररयणपरिमंडिअं कणयखिखिणीजालसोभिअं अउज्झं सोआमणिकणगतविअपं- कयजासुअणजलणजलि असुअतोंड रागगुंजद्धबंधुजीवगरत्तहिंगुलगणिगरसिंदूररू इलकुं कु मपारे वयचलणणयणकोइलदसणावरणरइतातिरेगरत्तासोगकणगकेसु- अगयतानुसुरिंदगोवगसमप्पभप्पगासं बिंबफलसिलप्पवालउद्वितसूरसरिसं सव्वोउअसुरहिकुसुमआसत्तमल्लदामं ऊसिअसेअज्झयं महामेहरसि - अंगभीरणिद्धघोसं सत्तुहिअयकंपण पभाए अ सस्सिरीअं णामेणं पुहविविजयलंभति विस्सुतं लोगविस्सुतजसो (घं) ऽयं चाउग्घंटं आसरहं पोसहिए णरवई दुरूढे, तए णं से भरहे राया चाउग्घंटं आसरहं दुरूढे समाणे सेसं तहेव दाहिणाभिमुहे वरदामतित्थेणं लवणसमुहं ओगाहइ जाव से रहवरस्स कुप्परा उल्ला जाव पीइदाणं से णवरिं चूडामणिं च दिव्वं उरत्थगेविज्जगं सोणिअसुत्तगं कडगाणि अ डिआणि अ दाहिणिल्ले अंतवाले जाव अट्ठाहिअं महामहिमं करेंति त्ता एअमाणत्तिअं पच्चप्पिणंति, तए णं से दिव्वे चक्करयणे वरदामतित्थकुमारस्स देवस्स अट्ठाहिआए महामहिमाएं निव्वत्ताए समाणीए आउहघरसालाओ पडिणिक्खमइ त्ता अंतलिक्खपडिवण्णे जाव पूरंते चेव अंबरतलं उत्तरपच्चत्थिमं दिसिं पभासतित्याभिमुहं पयाते यावि होत्था, तए णं से भरहे राया तं दिव्वं चक्करयणं जाव उत्तरपच्चत्थिमं दिसिं तहेव जाव पच्चत्थिमदिसाभिमुहं पभासतित्थेणं लवणसमुदं ओगाहेइ त्ता जाव से रहवरस्स कुप्परा उल्ला जाव पीइदाणं से णवरं मालं मउडं मुत्ताजालं हेमजालं कडगाणि य तुडियाणि य आभरणाणि य सरं च णामाहयंकं पभासतित्थोदगं च गिण्हइ त्ता जाव पच्चत्थिमेणं पभासतित्थमेराए अहण्णं देवाणुप्पिआणं विसयवासी जाव पच्चत्थिमिल्ले अंतवाले, सेसं तहेव जाव अट्ठाहिआ निव्वत्ता |४९ । तए प्पं से दिव्वे चक्करयणे पभासतित्थकुमारस्स देवस्स अट्ठाहिआए महामहिमाए णिव्वत्ताए समाणीए आउहघरसालाओ पडिणिक्खमइ ता जाव पूरेंते चेव अंबरतलं सिंधूए महाणईए दाहिणिल्लेणं कूलेणं पुरच्छिमं दिसिं सिंधुदेवीभवणाभिमुहं पयाते आवि होत्था, तए णं से भरहे राया तं दिव्वं चक्करयणं सिंधूए महाणईए दाहिणिल्लेणं कूलेणं पुरत्थिमं दिसिं सिंधुदेवीभवणाभिमुहं पयातं पासइ त्ता हट्ठतुट्ठचित्त० तहेव जाव जेणेव सिंधूए देवीए भवणे तेणेव उवागच्छइ त्ता सिंधूए देवीए भवणस्स अदूरसामंते दुवालसजोअणायामं णवजोयणविच्छिण्णं वरणगरसारिच्छं विजयखंधावारणिवेसं करेइ जाव सिंधुदेवीए अट्ठमभत्तं पगिण्हइ त्ता पोसहसालाए Yoश्री आगमगुणमंजूषा - १२०३ -
[23]
ॐॐॐॐॐॐ
| SR No. | 003268 |
| Book Title | Agam 18 Upang 07 Jambudveep Pragnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 88 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 8 MB |