Agam 18 Upang 07 Jambudveep Pragnapti Sutra Shwetambar Agam Guna Manjusha

SR No.: 003268
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 88
Language: Prakrit
Classification: Book_Devnagari, Agam, Canon, & agam_jambudwipapragnapti
File Size: 8 MB

Page 14

७%%%%%%%%%%
ES
एकजीवनासालासर
Merrof
明明明明明明明明明明明明明明明明明明明明明明明明明明明明明明明明明乐乐乐乐乐乐乐乐乐乐历历明明565CM
पं० जंण कयाइ ण आसी ण कयाइ ण भवइण कयाइ ण भविस्सइ भुविं च भवइ अ भविस्सइ अ धुवे णिअए सासए अक्खए अव्वए अवट्ठिए णिच्चे ।१५। कहिणं म भंते! जंबुद्दीवे उत्तरड्ढभरहे णामं वासे पं०?, गो० ! चुल्लहिमवंतस्स वासहरपव्वयस्स दाहिणणं वेअड्ढस्स पव्वयस्स उत्तरेणं पुरच्छिमलवणसमुदस्स पच्चच्छिमेणं
पच्चच्छिमलवणसमुदस्स पुरच्छिमेणं एत्थ णं जंबुद्दीवे उत्तरड्ढभरहे णामं वासे पं० पाईणपडीणायए उदीणदाहिणविच्छिण्णे पलिअंकसंठिए दुहा लवणसमुदं पुढे पुरच्छिमिल्लाए कोडीए पुरच्छिमिल्लं लवणसमुदं पुढे पच्चच्छिमिल्लाए जाव पुढे गंगासिंधूहिं महाणईहिं तिभागपविभत्ते दोण्णि अद्वतीसे जोअणसए तिण्णि अ एगूणवीसइभागे जोअणस्स विक्खंभेणं, तस्स बाहा पुरच्छिमपच्चच्छिमेणं अट्ठारस बाणउए जोअणसए सत्त य एगूणवीसइभागे जोअणस्स अद्धभागं च आयामेणं, तस्स जीवा उत्तरेणं पाइणपडीणायया दुहा लवणसमुदं पुट्ठा तहेव जाव चोइस जोअणसहस्साइं चत्तारि य एक्कसत्तरे जोअणसए छच्च एगूणवीसइभाए जोअणस्स किंचिविसेसूणे आयामेणं पं०, तीसे धणुपट्टे दाहिणेणं चोद्दस जोअणसहस्साइं पंच अट्ठावीसे जोअणसए एक्कारस य एगूणवीसइभाए जोयणस्स परिक्खेवेणं, उत्तरड्ढभरहस्स णं भंते ! वासस्स केरिसए आयारभावपडोयारे पं०?, गो० ! बहुसमरमणिज्जे भूमिभागे पं० से जहाणामए आलिंगपुक्खरेइ वा जाब कित्तिमेहिं चेव अकित्तिमेहिं चेव, उत्तरड्ढभरहे णं भंते ! वासे मणुआणं केरिसए आयारभावपडोयारे पं०?, गो० ! ते णं मणुआ बहुसंघयणा जाव अप्पेगइआ सिज्झंति जाव सव्वदुक्खाणमंतं करेति ।१६। कहिं णं भंते ! जंबुद्दीवे दीवे उत्तरड्ढभरहे वासे उसभकूडे णाम पव्वए पं०?, गो० ! गंगाकुंडस्स पच्चत्थिमेणं सिंधुकुंडस्स पुरच्छिमेणं चुल्लहिमवंतस्स वासहरपव्वयस्स दाहिणिल्ले णितंबे एत्थ णं जंबुद्दीवे उत्तरड्ढभरहे वासे उसहकूडे णामं पव्वए पं० अट्ठ जोअणाई उड्ढउच्चत्तेणं दो जोयणाई उव्वेहणं मूले अट्ठ जोअणाई विक्खंभेणं मज्झे छ जोअणाई विक्खंभेणं उवरिं चत्तारि जोयणाई विक्खंभेणं मूले साइरेगाइं पणवीसंजोअणाइं परिक्खेवेणं है मज्झे साइरेगाइं अट्ठारस जोअणाई परिक्खेवेणं उवरिं साइरेगाई दुवालस जोअणाइं परिक्खेवेणं वाचनान्तरं मूले बारस जोअणाई विक्खंभेणं मज्झे अट्ठ जोअणाई विक्रखंभेणं उप्पिं चत्तारि जोअणाई विक्खंभेणं मूले साइरेगाइं सत्तत्तीसं जोअणाइं परिक्खेवेणं मज्झे सातिरेगाइं पणवीसं जोयणाइं परिक्खेवेणं उप्पिं साइरेगाइं बारसजोअणाई परिक्खेवेणं, मूले विच्छिण्णे मज्झे संखित्ते उप्पिं तणुएगोपुच्छसंठाणसंठिए सव्वजंबूणयामए अच्छे सण्हे जाव पडिरूवे, सेणं एगाए पउमवरवेइआए तहेव जाव भवणं कोसं आयामेणं अद्धकोसं विक्खंभेणं देसऊणं कोसं उड्ढउच्चत्तेणं अट्ठो तहेव, उप्पलाणि पउमाणि जाव उसमे अ एत्थ देवे महिड्ढीए जाव दाहिणेणं रायहाणी तहेव मंदरस्स पव्वयस्स जहा विजयस्स अविसेसियं ।१७।★★★जंबुद्दीवेणं भंते ! दीवे भारहे वासे कतिविहे काले पं० १, गो० !दुविहे काले ॥ पं० २०-ओसप्पिणीकाले अ उस्सप्पिणीकाले अ, ओसप्पिणीकाले णं भंते ! कतिविहे पं०?, गो० ! छव्विहे पं० तं०-सुसमसुसमाकाले सुसमा० सुसमदुस्समा० दुस्समसुसमा० दुस्समा० दुस्समदुस्समा०, उस्सप्पिणीकाले णं भंते ! कतिविहे पं०?, गो०! छव्विहे पं० तं०-दुस्समदुस्समा जाव सुसमसुसमाकाले, एगमेगस्स णं भंते ! मुहुत्तस्स केवइया उस्सासद्धा विआहिआ?, गो० ! असंखिज्जाणं समयाणं समुदयसमिइसमागमेणं सा एगा आवलिअत्ति पवुच्चइ संखिज्जाओ आवलिआओ ऊसासे संखिज्जाओ आवलिआओ नीसासे 'हवस्स अणवगल्लस्स, णिरूवकिट्ठस्स जंतुणो । एगे ऊसासनीसासे, एस पाणुत्ति वुच्चई ॥४॥ सत्त पाणूइं से थोवे, सत्त थोवाइं सेलवे । लवाणं सत्तहत्तरीए, एस मुहुत्तेत्ति आहिए।५।। तिण्णि सहस्सा सत्त य सयाइं तेवत्तरिं च ऊसासा । एस मुहुत्तो भणिओ सव्वेहिं अणंतनाणीहिं ||६|| एएणं मुहत्तप्पमाणेणं तीसं मुहुत्ता अहोरत्तो पण्णरस अहोरत्ता पक्खो दो पक्खा मासो दो मासा उऊ तिण्णि उऊ अयणे दो अयणा संवच्छरे पंचसंवच्छरिए जुगेवीसंजुगाई वाससए दस वाससयाईवाससहस्से सयं वाससहस्साणं वाससयसहस्से चउरासीई वाससयसहस्साई से एगे पुव्वंगे चउरासीई पुव्वंगसयसहस्साई से एगे पुव्वे एवं बिगुणं २ णेअव्वं तुडिए २ अडडे २ अववे २ हूहुए २ उप्पले २ पउमे २ णलिणे २ अच्छिणिउरे २ अउए २ नउए २ पउए २ चूलिये २ सीसपहेलिए २जाव चउरासीइं सीसपहेलिअंगसयसहस्साइं सा एगा सीसपहेलिया एतावताव गणिए एतावताव गणिअस्स विसए तेणं परं ओवमिए।१८। से किं तं ओवमिए ?,
召听听听听听听听听听听听听听乐乐坊乐听听听听听听听听听听听听听听听听听听听听听听听听听听听听听听a
rerro5555555555555555555555 श्री आगमगुणमंजूषा - ११८७
5
55555555oPOR