Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 161

(१५) पण्णवणा कम्मबंधवेयपयं २५ / कम्मवेयबंध पर्य- २६
[१५०]
जीवे णं भंते ! आउअं कम्मं बंधमाणे कति कम्मपगडीओ बंधइ ? गोयमा ! णियमा अट्ठ । एवं णेरइए जाव वेमाणिए । २ एवं पुहत्तेण वि । १७६८. १ णाम - गोयअतरायं बंधमाणे जीवे कति कम्मपगडीओ बंधति ? गोयमा ! जाओ णाणावरणिज्जं बंधमाणे बंधइ ताहिं भाणियव्वो । २ एवं णेरइए वि जाव वेमाणिए । ३ एवं पुहत्तेण वि भाणियव्वं । ★★★ । पण्णवणाए भगवतीए चउवीसइमं कम्मबंधपदं समत्तं ॥ ★★★ २५. पंचवीसइमं कम्मबंधवेयपयं ★★★ [ सुत्ताइं १७६९-७४. णाणावरणाइबंधएस जीवाईसु कम्मपयडिवेयपरूवणं ] १७६९. १ कति णं भंते ! कम्मपगडीओ पण्णत्ताओ ? गोयमा ! अट्ठ कम्मपगडीओ पण्णत्ताओ तं जहा णाणावरणिज्जं जाव अंतराइयं । २ एवं णेरइयाणं जाव वेमाणियाणं । १७७०. १ जीवे णं भंते ! णाणावरणिज्जं कम्मं बंधमाणे कति कम्मपगडीओ वेदेति ? गोयमा ! णियमा अट्ठ कम्मपगडीओ वेदेति । २ एवं णेरइए जाव वेमाणिए । १७७१. एवं पुहत्तेण वि । १७७२. एवं वेयणिज्जवज्जं जाव अंतराइयं । १७७३. १ जीवे णं भंते! वेयणिज्जं कम्मं बंधमाणे कइ कम्मपगडीओ वेएइ ? गोयमा ! सत्तविहवेयए वा अट्ठविहवेयए वा चउव्विवेयए वा । २ एवं सेवि । सा राई एगत्तेण वि पुहत्तेण वि णियमा अट्ठ कम्मपगडीओ वेदेति, जाव वेमाणिया । १७७४. १ जीवा णं भंते! वेदणिज्जं कम्मं बंधमाणा कति पगडीओ वेदेति ? गोयमा ! सव्वे वि ताव होज्जा अट्ठविहवेदगा य चउव्विहवेदगा य १ अहवा अट्ठविहवेदगा य चउव्विहवेदगा य सत्तविहवेदगे य २ अहवा अविवेदगाय चउव्विहवेदगा य सत्तविहवेदगा य ३ । २ एवं मणूसा वि भाणियव्वा । ★★★ ॥ पण्णवणाए भगवतीए पंचवीसइमं कम्मबंधवेदपयं समत्तं ॥ ★★★ २६. उव्वीसइमं कम्मवेयबंधपयं सुत्ताइं ★★★ [ १७७५-८१. णाणावरणिज्जवेदएस जीवाईसु कम्मपयडिबंधपरूवणं ] १७७५. १ कति णं भंते ! कम्मपगडीओ पण्णत्ताओ ? गोयमा ! अट्ठ कम्मपगडीओ पण्णत्ताओ। तं जहा णाणावरणिज्जं जाव अंतराइयं । २ एवं णेरइयाणं जाव माणियाणं । १७७६. जीवे णं भंते ! णाणावरणिज्जं कम्मं वेदेमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा छव्विहबंध वा एगविहबंध वा । १७७७ १ णेरइए णं भंते ! णाणावरणिज्जं कम्मं वेदेमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा । २ एवं जाव वेमाणिए । णवरं मणूसे जहा जीवे (सु. १७७६) । १७७८. जीवा णं भंते! णाणावरणिज्जं कम्मं वेदेमाणा कति कम्मपगडीओ बंधंति ? गोयमा ! सव्वे वि ताव होना सत्तविहबंधगा य अट्ठविहबंधगा य १ अहवा सत्तविहबंधगा य अट्ठविहबंधगा य छव्विहबंधए य २ अहवा सत्तविहबंधगा य अट्ठविहबंधगा य छव्विहबंधगा य ३ अहवा सत्तविहबंधगा य अट्ठविहबंधगा य एगविहबंधगे य ४ अहवा सत्तविहबंधगा य अट्ठविहबंधगा य एगविहबंधगा य ५ अहवा सत्तविहबंधगा य अट्ठविहबंधगा य छविबंध य एगविहबंधए य ६ अहवा सत्तविहबंधगा य अट्ठविहबंधगा य छव्विहबंधए य एगविहबंधगा य ७ अहवा सत्तविहबंधगा य अट्ठविहबंधगा य छव्विहबंध य एगविहबंधए य ८ अहवा सत्तविहबंधगा य अट्ठविहबंधगा य छव्विहबंधगा य एगविहबंधगा य ९, एवं एते नव भंगा। १७७९. अवसेसाणं एगिदियमणूसवज्जाणं तियभंगो जाव वेमाणियाणं । १७८०. एगिदिया णं सत्तविहबंधगा य अट्ठविहबंधगा य । १७८१. मणूसाणं पुच्छा। गोयमा ! सव्वे वि ताव होज्जा सत्तविहबंधगा, अहवा सत्ताविहबंधगा य अट्ठविहबंधगे य २ अहवा सत्तविहबंधगा य अट्ठविहबंधगाय ३ अहवा सत्तविहबंधगा य छव्विहबंधए य, एवं छव्विहबंध एण वि समं दो भंगा ५ एगविहबंधएण वि समं दो भंगा ७ अहवा सत्तविहबंधगा य अट्ठविहबंधए य छव्विहबंधए य चउभंगो ११ अहवा सत्तविहबंधगा य अट्ठविहबंधए य एगविहबंधए य चउभंगो १५ अहवा सत्तविहबंधगा य छव्विहबंधगे य एगविहबंधए य चउभंगो १९ अहवा सत्तविहबंधगा य अट्ठविहबंधए य छव्विहबंध य एगविहबंधए य भंगा अट्ठ २७, एवं एते सत्तावीस भंगा। [सुत्तं १७८२. दंसणावरणाइवेदेएस जीवाईसु एगत्त पुडत्तेणं कम्मबंधपरूवणं ] १७८२. एवं जहा णाणावरणिज्जं तहा दरिसणावरणिज्जं पि अंतराइयं पि । [ सुत्ताई १७८३-८४. वेयणिज्जवेदएस जीवाईसु कम्मपयडिबंधपरूवणं] १७८३. १ जीवे णं भंते ! वेणज्जं कम्मं वेदेमाणे कति कम्मपगडीओ बंधति ? गोयमा ! सत्तविहबंधए वा अट्ठविहबंधए वा छव्विहबंधए वा एगविहबंधए वा अबंधए वा । २ एवं मणूसे वि ।
5 श्री आर १०५