Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 144

95555555555555554
(१५) पण्णवणा ओगाहणसंठाणपयं - २१
[१३४]
1555555555555555yeso
HOMO明明明明明明明明明明明明明明明明明明明明明明明明明明明明明明明明明明明明明明明明明听听听听听听听CM
पमाणदाराइं१५५२. कम्मगसरीरेणं भंते ! कतिविहे पण्णत्ते? गोयमा ! पंचविहे पण्णत्ते। तं जहा एगिदियकम्मगसरीरे जावपंचेदिय० । एवं जहेव तेयगसरीरस्स भेदो संठाणं ओगाहणा य भणिया (सु. १५३६-५१) तहेव णिरवसेसं भाणियव्वं जाव अणुत्तरोववाइय त्ति । [ सुत्ताई १५५३-५८. ४ पोग्गलचिणणादारं] १५५३. ओरालियसरीरस्स णं भंते ! कतिदिसं पोग्गला चिजति ? गोयमा ! णिव्वाघाएणं छद्दिसिं, वाघातं पडुच्च सिय तिदिसं सिय चउदिसं सिय पंचदिसं । १५५४. वेउव्वियसरीरस्स णं भंते ! कतिदिसं पोग्गला चिज्जति ? गोयमा ! णियमा छद्दिसिं। १५५५. एवं आहारगसरीरस्स वि। १५५६. तेया-कम्मगाणं जहा ओरालियसरीरस्स (सु. १५५३)।१५५७. ओरालियसरीरस्सणं भंते ! कतिदिसिं पोग्गला उवचिजंति ? गोयमा ! एवं चेव, जाव कम्मगसरीरस्स। १५५८. एवं उवचिज्जति(?) अवचिज्जति। [सुत्ताई १५५९-६४.५ सरीरसंजोगदारं] १५५९. जस्स णं भंते ! ओरालियसरीरं तस्सणं वेउव्वियसरीरं ? जस्स वेउव्वियसरीरं ॥ तस्स ओरालियसरीरं ? गोयमा ! जस्स ओरालियसरीरं तस्स वेउव्वियसरीरं सिय अत्थि सिय णत्थि, जस्स वेउव्वियसरीरं तस्स ओरालियसरीरं सिय अस्थि सिय णत्थि। १५६०. जस्स णं भंते ! ओरालियसरीरं तस्स आहारगसरीरं ? जस्स आहारगसरीरं तस्स ओरालियसरीरं ? गोयमा ! जस्स ओरालियसरीरं तस्स आहारगसरीरं सिय अत्थि सिय णत्थि, जस्स पुण आहारगसरीरं तस्स ओरालियसरीरं णियमा अत्थि। १५६१. जस्स णं भंते ! ओरालियसरीरं तस्स तेयगसरीरं ? जस्स तेयगसरीरं तस्स ओरालियसरीरं ? गोयमा ! जस्स ओरालियसरीरं तस्स तेयगसरीरं णियमा अस्थि, जस्स पुण तेयगसरीरं तस्स ओरालियसरीरं सिय अत्थि सिय णत्थि। १५६२. एवं कम्मगसरीरं पि। १५६३. १ जस्स णं भंते ! वेउब्वियसरीरं तस्स आहारगसरीरं ? जस्स आहारगसरीरं तस्स वेउब्वियसरीरं ? गोयमा ! जस्स वेउब्वियसरीरं तस्साहारगसरीरं णत्थि, जस्स वि य आहारगसरीरं तस्स वि वेउब्वियसरीरं णत्थि। २ तेया-कम्माइं जहा ओरालिएण समं (सु. १५६१-६२) तहेव आहारगसरीरेण वि समं तेया-कम्माइं चारेयव्वाणि । १५६४. जस्स णं भंते ! तेयगसरीरं तस्स कम्मगसरीरं ? जस्स कम्मगसरीरं तस्स तेयगसरीरं ? गोयमा ! जस्स तेयगसरीरं तस्स कम्मगसरीरं नियमा अत्थि, जस्स वि कम्मगसरीरं तस्स वि तेयगसरीरं णियमा अत्थि। [सुत्तं १५६५.६ दव्वपएसऽप्पबहुदारं] १५६५. एतेसि णं भंते ! ओरालिय-वेउब्विय-आहारग-तेया-कम्मग-सरीराणं दव्वट्ठयाए पएसट्टयाए दव्वट्ठपएसट्ठयाए कतरे कतरेहिंतो अप्पा वा ४ ? गोयमा ! सव्वत्थोवा आहारगसरीरा दव्वट्ठयाए, वेउव्वियसरीरा दव्वट्ठयाए असंखेज्जगुणा, ओरालियसरीरा दव्वट्ठयाए असंखेजगुणा, तेया-कम्मगसरीरा दो वि तुल्ला दव्वट्ठयाए अणंतगुणा; पएसट्ठयाए-सव्वत्थोवा आहारगसरीरा पएसट्ठयाए, वेउब्वियसरीरा पदेसट्टयाए असंखेजगुणा, ओरालियसरीरा पदेसट्ठयाए असंखेजगुणा, तेयगसरीरा पदेसट्ठयाए अणंतगुणा, कम्मगसरीरा पदेसट्टयाए अणंतगुणा; दव्वट्ठपदेसट्ठयाए-सव्वत्थोवा आहारगसरीरा दव्वट्ठयाए,वेउब्वियसरीरा दव्वट्ठयाए असंखेजगुणा, ओरालियसरीरा दव्वट्ठयाए असंखेज्जगुणा, ओरालियसरीरेहिंतो दव्वट्ठयाए आहारगसरीरा पएसट्ठयाए अणंतगुणा, वेउव्वियसरीरा
पदेसट्टयाए असंखेज्जगुणा, ओरालियसरीरापदेसट्ठयाए असंखेज्जगुणा, तेया-कम्मगसरीरादो वि तुल्ला दव्वट्ठयाए अणंतगुणा, तेयगसरीरा पदेसट्टयाए अणंतगुणा, F कम्मगसरीरा पदेसट्ठयाए अणंतगुणा। [सुत्तं १५६६.७ सरीरओगाहणऽप्पबहुदारं] १५६६. एतेसिणं भंते ! ओरालिय-वेउव्विय-आहारग-तेया-कम्मगसरीराणं
जहणियाए ओगाहणाए उक्कोसियाए ओगाहणाए जहण्णुक्कोसियाए ओगाहणाए कतरे कतरेहितो अप्पा वा ४ ? गोयमा ! सव्वत्थोवा ओरालियसरीरस्स जहणिया 'ओगाहणा, तेया-कम्मगाणं दोण्ह वितुल्ला जहण्णिया ओगाहणा विसेसाहिया, वेउब्वियसरीरस्स जहण्णिया ओगाहणा असंखेज्जगुणा, आहारगसरीरस्स जहणिया
ओगाहणा असंखेज्जगुणा; उक्कोसियाए ओगाहणाए-सव्वत्थोवा आहारगसरीरस्स उक्कोसिया ओगाहणा, ओरालियसरीरस्स उक्कोसिया ओगाहणा संखेजगुणा, वेउब्वियसरीरस्स उक्कोसिया ओगाहणा संखेज्जगुणा, तेया-कम्मगाणं दोण्ह वि तुल्ला उक्कोसिया ओगाहणा असंखेजगुणा; जहण्णुक्कोसियाए ओगाहणाए - सव्वत्थोवा ओरालियसरीरस्स जहण्णिया ओगाहणा, तेया-कम्मगाणं दोण्ह वि तुल्ला जहण्णिया ओगाहणा विसेसाहिया, वेउब्वियसरीरस्स जहणिया ओगाहणा
明明听听听听听听听听听听听听听听听听听听听听听听听听听听听听听听听听听听听听听听听听听听听听听听听25
5
श्री आगमगुणमजूषा - १०६९ ॥
555555555555555555FOTOK