Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 131

OKKKKKKK*********
(१५) पण्णवणा कायडिइ पयं १८
[१२०]
[सुत्ताई १३२६-३०. छठ्ठे वेयदारं] १३२६. सवेदए णं भंते सवेदए ति० ? गोयमा ! सवेदए तिविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ सादीए वा सपज्जवसिए ३ । तत्थ णं जे से सादीए सपज्जवसिए से जहण्णेणं अंतोमुहुत्तं, उक्कोसेणं अनंतं कालं, अणंताओ उस्सप्पिणि ओसप्पिणीओ कालओ, खेत्तओ अवडं पोग्गलपरियहं देसूणं । १३२७. इत्थिवेदे णं भंते ! इत्थिवेदे त्ति कालतो केवचिरं होति ? गोयमा ! एगेणं आदेसेणं जहण्णेणं एकं समयं उक्कोसेणं दसुत्तरं पलिओवमसतं पुव्वकोडिपुहुत्तमब्भइयं १ एगेणं आदेसेणं जहणणेणं एगं समयं उक्कोसेणं अट्ठारस पनिओवमाइं पुव्वकोडिपुहुत्तमब्भइयाई २ एगेणं आदेसेणं जहण्णेणं एवं समयं उक्कोसेणं चोद्दस पलिओवमाइं पुव्वकोडिपुहुत्तमब्भइयाइं ३ एगेणं आदेसेणं जहणणेणं एवं समयं उक्कोसेणं पलिओवमसयं पुव्वकोडिपुहुत्तमब्भइयं ४ एगेणं आदेसेणं जहण्णेणं एवं समयं उक्कोसेणं पलिओवमपुहुत्तं पुव्वकोडिपुहुत्तमब्भइयं ५ । १३२८. पुरिसवेदे णं भंते ! पुरिसवेदे त्ति० ? गोयमा ! जहणेणं अंतोमुहुत्तं, उक्कोसेणं सागरोवमसतपुहुत्तं सातिरेगं । १३२९. नपुंसगवेदे णं भंते ! णपुंसगवेदे त्ति० पुच्छा । गोयमा ! जहण्णेणं एवं समयं, उक्कोसेणं वणप्फइकालो । १३३०. अवेदए णं भंते! अवेदए त्ति० पुच्छा । गोयमा ! अवेदए दुविहे पण्णत्ते। तं जहासादीए वा अपज्जवसिए १ सादीए वा सपज्जवसिए २ । तत्थ णं जे से सादीए सपज्जवसिए से जहण्णेणं एक्कं समयं उक्कोसेणं अंतोमुहुत्तं । दारं ६ ॥ [ सुत्ताई १३३१-३४. सत्तमं कसायदारं] १३३१. सकसाई णं भंते! ससाईति कालओ केवचिरं होइ ? गोयमा ! सकसाई तिविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ सादीए वा सपज्जवसिए ३ जाव (सु. १३२६) अवडं पोग्गलपरियट्टं देसूणं । १३३२. कोहकसाई णं भंते ! २ पुच्छा । गोयमा ! जहण्णेण वि उक्कोसेण वि अंतोमुहुत्तं । एवं मायकसाई । १३३३. लोभकसाई णं भंते! लोभ ० पुच्छा। गोयमा ! जहण्णेणं एक्वं समयं, उक्कोसेणं अंतोमुहुत्तं । १३३४. अकसाई णं भंते! अकसाइ; ति कालतो केवचिरं हाइ ? गोयमा ! अकसाई दुविहे पण्णत्ते । तं जहा सादीए वा अपज्जवसिए १ सादीए वा सपज्जवसिए २ । तत्थ णं जे से सादीए सपज्जवसिए से जहणणेणठ एक्वं समयं, उक्कोसेणं अंतोमुहुत्तं । दारं ७ ॥ [सुत्ताई १३३५४२. अट्ठमं लेस्सादारं ] १३३५. सलेस्से णं भंते! सलेसे त्ति ०पुच्छा। गोयमा ! सलेसे दुविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ । १३३६. कण्हलेसे णं भंते ! कण्हलेसे त्ति कालओ केवचिरं होइ ? गोयमा ! जहणणेणं अंतोमुहुत्तं, उक्कोसेणं तेत्तीसं सागरोवमाइं अंतोमुहुत्तब्भइयाइं । १३३७. णीललेसे णं भंते! णीललेसे त्ति ० पुच्छा। गोयमा ! जहण्णेणं अंतोमुहुत्तं, उक्कोसेणं दस सागरोवमाइं पलिओवमासंसंखेज्जइभागब्भइयाइं । १३३८. काउलेस्से णं ० पुच्छा। गोयमा ! जहण्णेणं अंतोमुहुत्तं, उक्कोसेणं तिण्णि सागरोवमाई पलिओवमासंखेज्जइभागब्भइयाई । १३३९. तेउलेस्से णं ० पुच्छा। गोयमा ! जहण्णेणं अंतोमुहुत्तं, उक्कोसेण दो सागरोवमाई पलिओवमासंखेज्जइभागब्भइयाइं । १३४०. पहले से णं पुच्छा । गोयमा ! जहण्णेणं अंतोमुहुत्तं, उक्कोसेणं दस सागरोवमाइं अंतोमुहुत्तब्भइयाई । १३४१. सुक्कलेस्से णं भंते ! ० पुच्छा । गोयमा ! जहणेणं अंतोमुहुत्तं, उक्कोसेणं तेत्तीसं सागरोवमाइं अंतोमुहुत्तब्भइयाई । १३४२. अलेस्से णं ० पुच्छा । गोयमा ! सादीए अपज्जवसिए । दारं ८ ॥ [ सुत्ताई १३४३-४५. णवमं सम्मत्तदारं] १३४३. सम्मद्द्द्दिट्ठी णं भंते ! सम्मद्दिट्ठि० केवचिरं होइ ? गोयमा ! सम्मद्दिट्ठी दुविहे पण्णत्ते । तं जहा सादीए वा अपज्जवसिए १ सादीए वा सपज्जवसिए २ । तत्थ णं जे से सादीए सपज्जवसिए से जहण्णेणं अंतोमुहूत्तं, उक्कोसेणं छावट्ठि सागरोवमा सातिरेगाई । १३४४. मिच्छद्दिट्ठी णं भंते ! ० पुच्छा । गोयमा ! मिच्छद्द्द्दिट्ठी तिविहे पण्णत्ते । तं जहा अणादीए वा अपज्जवसिए १ अणाइ, ए वा सपज्जवसिए २ सादीए वा सपज्जवसिए ३ । तत्थ णं जे से सादीए सपज्जवसिए से जहण्णेणं अंतोमुहुत्तं, उक्कोसेणं अनंतं कालं, अणंताओ उस्सप्पिणि- ओसप्पिणीओ कालओ, खेत्तओ अवडुं पोग्गलपरियहं देसूणं । १३४५. सम्मामिच्छद्दिट्ठी णं ० पुच्छा। गोयमा ! जहण्णेण वि उक्कोसेण वि अंतोमुहुत्तं । दारं ९ ॥ [सुत्ताई १३४६-५३. दसमं णाणदारं] १३४६. णाणी णं भंते ! णाणीति कालतो केवचिरं होइ ? गोयमा ! णाणी दुविहे पण्णत्ते । तं जहा सादीए वा अपज्जवसिए १ सादीए वा सपज्जवसिए २ । तत्थ णं जे से सादीए सपज्जवसिए से जहणेणं अंतोमुहुत्तं, उक्कोसेणं छावट्ठि सागरोवमाई साइरेगाई । १३४७. आभिणिबोहियणाणी णं भंते ! ० पुच्छा। गोयमा एवं चेव । १३४८. एवं सुयणाणी वि ।
*
श्री आगमगुणमंजूषा - १०५५
SOON
फ्र