Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 123

(१५) पण्णवणा लेस्सापयं १७ उद्देसक ३
६०
वि । वरं तेउलेस्सा अब्भइया । १२०३. १ से णूणं भंते! कण्हलेसे पुढविक्काइए कण्हलेस्सेसु पुढविक्काइएसु उववज्जति ? कण्हलेस्से उव्वट्टति ? जल्लेसे उववज्जति तल्लेसे उव्वट्टति ? हंता गोयमा ! कण्हलेस्से पुढविक्काइए कण्हलेस्सेसु पुढविक्काइएस उववज्जति; सिय कण्हलेस्से उव्वट्टति, सिय नीललेसे उव्वट्टति, सिय काउलेसे उव्वदृति; सिय जल्लेसे उववज्जइ तल्लेसे उव्वट्टति । २ एवं णीललेस्सा काउलेस्सा वि । ३ से णूणं भंते ! तेउलेस्से पुढविक्काइए तेउलेस्सेसु पुढविक्काइएसु उववज्जइ ? ० पुच्छा । हंता गोयमा ! तेउलेसे पुढविकाइए तेउलेसेसु पुढविक्काइएस उववज्जति, सिय कण्हलेसे उव्वट्टर, सिय णीललेसे उव्वट्टर, सिय काउलेसे उव्वदृति; तेउलेसे उववज्जति, णो चेव णं तेउलेस्से उव्वट्टति । ४ एवं आउक्काइय-वणप्फइकाइया वि । ५ तेऊ वाऊ एवं चेव । णवरं एतेसिं तेउलेस्सा णत्थि । १२०४. बिय-तिय- चउरिदिया एवं चेव तिसु लेसासु । १२०५. पंचेदियतिरिक्खजोणिया मणूसा य जहा पुढविक्काइया आदिल्लियासु तिसु लेस्सासु भणिया (सु. १२०३१-२ ) तहा छसु वि लेसासु भाणियव्वा । णवरं छप्पि लेसाओ चारियव्वाओ । १२०६. वाणमंतरा जहा असुरकुमारा (सु. १२०२ ) । १२०७. १ से णूणं भंते ! तेउलेस्से जोइसिए तेउलेसेसु जोइसिएसु उववज्जति ? जहेव असुरकुमारा । २ एवं वेमाणिया वि । नवरं दोण्ह वि चयंतीति अभिलावो । [ सुत्ताई १२०८-१४. सलेस्सेसु २४ दडएसु विभागेणं उववाय- उव्वट्टणाओ] १२०८. से णूणं भंते ! कण्हलेस्से णीललेस्से काउलेस्से णेरइए कण्हलेस्सेसु णीललेस्सेसु काउलेस्सेसु णेरइएस उववज्जति ? कण्हलेस्से णीललेस्से काउलेस्से उव्वट्टति ? जल्लेसे उववज्जति तल्लेसे उव्वदृति ? हंता गोयमा ! कण्हलेस्सणीललेस्सकाउलेस्सेसु उववज्जति, जल्लेसे उववज्जति तल्लेसे उव्वट्टति । १२०९. से णूणं भंते ! कण्हलेस्से जाव तेउलेस्से असुरकुमारे कण्हलेस्सेसु जाव तेउलेस्सेसु असुरकुमारेसु उववज्जति ? एवं जहेव नेरइए (सु. १२०८) तहा असुरकुमारे वि जाव थणियकुमारे वि । १२१०. १ से णूणं भंते! कण्हलेस्से जाव तेउलेस्से पुढविकाइए कण्हलेस्सेसु जाव तेउलेस्सेसु पुढविक्काइएस उववज्जति ? एवं पुच्छा जहा असुरकुमाराणं। हंता गोयमा ! कण्हलेस्से जाव तेउलेस्से पुढविक्काइए कण्हलेस्सेसु जाव तेउलेस्सेसु पुढविक्काइएस उववज्जति, सिय कण्हलेस्से उव्वट्टति सिय णीललेसे सिय काउलेस्से उव्वदृति, सिय जल्लेस्से उववज्जइ तल्लेसे उव्वट्टइ, तेउलेसे उववज्ज़इ, णो चेव णं तेउलेस्से उब्वट्टति । २ एवं आउक्काइय- वणप्फइकाइया वि भाणियव्वा । ३ से णूणं भंते! कण्हलेस्से नीललेस्से काउलेस्से ते उक्काइए कण्हलेसेसु णीललेसेसु काउलेसेस तेउक्काइएस उववज्जति ? कण्हलेसे णीललेसे काउलेसे उव्वट्टति ? जल्लेसे उववज्जति तल्लेसे उव्वट्टति ? ता गोयमा ! कण्हलेस्सें णीललेस्से काउलेस्से तेउक्काइए कण्हलेसेसु णीललेसेसु काउलेसेसु तेउक्काइएसु उववज्जति, सिय कण्हलेसे उव्वदृति सिय णीललेसे सिय काउलेस्से उव्वट्टति, सिय जल्लेसे उववज्जति तल्लेसे उव्वट्टति । ४ एवं वाउक्काइया बेइंदिय-तेइंदिय- चउरिदिया वि भाणियव्वा । १२११. से णूणं भंते ! कण्हलेसे जाव सुक्कलेसे पंचेदियतिरिक्खजोणिए कण्हलेसेसु जाव सुक्कलेसेसु पंचेंदियतिरिक्खजोणिएसु उववज्जति ? ० पुच्छा । हंता गोयमा ! कण्हलेस्से जाव सुक्कलेस्से पंचेदियतिक्खिजोणिए कण्हलेस्सेसु जाव सुक्कलेस्सेसु पंचेंदियतिरिक्खजोणिएसु उववज्जति, सिय कण्हलेस्से उव्वट्टति जाव सिय सुक्कलेस्से उव्वट्टति, सिय जल्लेसे उववज्जति तल्लेसे उव्वट्टति । १२१२. एवं मणूसे वि । १२१३. वाणमंतरे जहा असुरकुमारे (सु. १२०९) । १२१४. जोइसिय- वेमाणिए वि एवं चेव । नवरं जस्स जल्लेसा, दोण्ह वि चयणं ति भाणियव्वं । [सुत्तं १२१५. कण्हाइलेस्सेसु नेरइएस ओहिखेत्तपरूवणं] १२१५. १ कण्हलेस्से णं भंते! णेरइए कण्हलेस्सं णेरइयं पणिहाए ओहिणा सव्वओ समंता समभिलोएमाणे २ केवतियं खेत्तं जाणति ? केवतियं खेत्तं पासइ ? गोयमा ! णो बहुयं खित्तं जाणति णो बहुयं खेत्तं पासइ, णो दूरं खेत्तं जाणति णो दूरं खेत्तं पासति, इत्तिय समेव खेत्तं जाणइ इत्तिरियमेव खेत्तं पासति । से केणद्वेणं भंते ! एवं वुच्चति कण्हलेसे णं णेरइए तं चेव जाव इत्तिरियमेव खेत्तं पासति ? गोयमा ! से जहाणामए केइ पुरिसे बहुसमरमणिज्जंसि भूमिभागंसि ठिच्चा सव्वओ समंता समभिलोएज्जा, तए णं से पुरिसे धरणितलगतं पुरिसं पणिहाए सव्वओ समंता समभिलोएमाणे २ णो बहुयं खेत्तं जाव पासति जाव इत्तिरियमेव खेत्तं पासइ, सेएणट्ठेणं गोयमा ! एवं वुच्चति कण्हलेसे णं णेरइए
[११२]
ॐॐॐॐॐॐ श्री आगमगुणमजूवा १०४७ 6722