Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 105

(१५) पण्णवणा इंदिय पर्व १५. उसक१
विसेसो दट्ठव्वो-आउक्काइयाणं थिबुगबिंदुसंठाणसंठिए पण्णत्ते, तेउक्काइयाणं सूयीकलावसंठाणसंठिए पण्णत्ते, वाउक्काइयाणं पडागासंठाणसंठिए पण्णत्ते, वणप्फइकाइयाणं णाणासंठाणसंठिए पण्णत्ते । ९८७ १ बेइंदियाणं भंते! कति इंदिया पण्णत्ता ? गोयमा ! दो इंदिया पण्णत्ता । तं जहा जिब्मिदिए य फार्सिदिए य। दोहं पि इंदियाणं संठाणं बाहल्लं पोहत्तं पदेसा ओगाहणा य जहा ओहियाणं भणिया (सु. ९७४-९७८) तहा भाणियव्वा । णवरं फासेदिए हुंडसंठाणसंठिए पण्णत्ते त्ति इमो विसेसो । २ एतेसि णं भंते! बेइंदियाणं जिब्भिदिय- फासेदियाणं ओगाहणट्टयाए परसट्टयाए ओगाहणपएसट्टयाए कतरे कतरेहिंतो अप्पा वा ४ । ? गोयमा ! सव्वत्थोवे बेइंदियाणं जिब्भिदिए ओगाहणट्टयाए, फासेदिए ओगाहणट्टयाए संखेज्जगुणे; पएसट्टयाए सव्वत्थोवे बेइंदियाणं जिब्भिदिए पएसट्टयाए, फासेदिए पएसट्टयाए संखेज्जगुणे ; ओगाहणपएसट्टयाए सव्वत्थोवे बेइंदियस्स जिब्भिदिए ओगाहणट्टयाए, फार्सिदिए ओगाहणट्टयाए संखेज्जगुणे, फार्सेदियस्स ओगाहणट्टयाएहिंतो जिब्भिदिए पएसट्टयाए अनंतगुणे, फासिदिए पएसट्टयाए संखेज्नगुणे । ३ बेइंदियाणं भंते! जिब्मिदियस्स केवइया कक्खडगरुयगुणा पण्णत्ता ? गोयमा ! अणंता एवं फासेदियस्स वि । एवं मउयलहुयगुणा वि । ४ एतेसि णं भंते ! बेइंदियाणं जिब्भिदिय- फासेंदियाणं कक्खडगरुयगुणाणं मउयल हुयगुणाणं कक्खडगरुयगुण-मउयलहुयगुणाण य कतरे कतरेहिंतो अप्पा वा ४ ? गोयमा ! सव्वत्थोवा बेइंदियाणं जिब्भिंदियस्स कक्खडगरुयगुणा, फार्सेदियस्स कक्खडगरुयगुणा, फासेदियस्स कक्खडगरुयगुणेहिंतो तस्स चेव मउयलहुयगुणा अणंतगुणा, जिब्भिदियस्स मउयलहुयगुणा अणंतगुणा । ५ एवं जाव चउरिदिय त्ति । णवरं इंदियपरिवुड्डी कायव्वा । तेइंदियाणं घाणेदिए थोवे, चउरिदियाणं चक्खिदिए धोवे। सेसं तं चेव । ९८८. पंचिंदियतिरिक्खजोणियाणं साण य जहा रइयाणं (सु. ९८३) । णवरं फासिदिए छव्विहसंठाणसंठिए पण्णत्ते । तं जहा समचउरंसे १ णग्गोहपरिमंडले २ सोती ३ खुज्जे ४ वामणे ५ हुंडे ६ । ९८९. वाणमंतर-जोइसिय-वेमाणियाणं जहा असुरकुमाराणं (सु. ९८४) । [सुत्तं ९९०.७ पुट्ठदारं ]९९०. १ पुट्ठाई भंते! सद्दाई सुणेइ ? अपुट्ठाई सद्दाई सुणेइ ? गोयमा ! पुट्ठाई सद्दाई सुणेइ, नो अपुट्ठाई सद्दाई सुणेइ । २ पुट्ठाई भंते! रूवाई पासति ? अपुट्ठाई रुवाई पासइ ? गोयमा ! णो पुट्ठाई रुवाई पास, अट्ठाई रूवाइं पासति । ३ पुट्ठाई भंते ! गंधाई अग्घाति ? अपुट्ठाई गंधाई अग्घाति ? गोयमा ! पुट्ठाई गंधाई अग्घाइ, णो अपुट्ठाई गंधाई अग्घाति । ४ एवं रसाणवि फासाणवि । णवरं सराइं अस्साएइ फासाइं पडिसंवेदेति त्ति अभिलावो कायव्वो । [सुत्तं ९९१. ८ पविट्टदारं ] ९९१. १ पविट्ठाई भंते! सद्दाई सुणेइं ? अपविट्ठाई सद्दाई सुणेइ ? गोयमा ! पविट्ठाई सद्दाई सुणेति णो अपविट्ठाई सद्दाई सुणेति । २ एवं जहा पुट्ठाणि तहा पविट्ठाणि वि । सुत्तं ९९२.९ विसयदारं ९९२. १ सोइंदियस्स णं भंते ! केवतिए पण्णत्ते ? गोयमा ! जहणणेणं अंगुलस्स असंखेज्जतिभागाओ, उक्कोसेणं बारसहिं जोयणेहिंतो अच्छिण्णे पोग्गले पुट्ठे पविट्ठाई सद्दाइं सुणेति । २ चक्खिदियस्स णं भंते ! केवतिए विसए पण्णत्ते ? गोयमा ! जहण्णेणं अंगुलस्स संखेज्जतिभागाओ, उक्कोसेणं सातिरेगाओ जोयणस्ससहस्साओ अच्छिण्णे पोग्गले अपुट्ठे अपविट्ठाइं रूवाई पासति । ३ घाणिदियस्स पुच्छा। गोयमा ! जहण्णेणं अंगुलस्स असंखेज्जतिभागतो, उक्कोसेणं णवहिं जोयणेहिंतो अच्छिण्णे पोग्गले पुट्ठे पविट्ठाई गंधाई अग्घाति । ४ एवं जिब्भिदियस्स वि फासिदियस्स वि । [सुत्ताई ९९३-९९४. १० अणगारदारं ] ९९३. अणगारस णं भंते ! भाविअप्पणो मारणंतियसमुग्धाएणं समोहयस्स जे चरिमा णिज्जरापोग्गला सुहुमा णं ते पोग्गला पण्णत्ता समणाउसो !? सव्वलोगं पि य णं ते ओगाहित्ता णं चिट्ठति ? हंता गोयमा ! अणागारस्स णं भाविअप्पणो मारणंतियसमुग्धाएणं समोहयस्स जे चरिमा णिज्जरापोग्गला सुहुमा णं ते पोग्गला पण्णत्ता समणाउसो ! सव्वलोगं पि यणं ते ओगाहित्ताणं चिद्वंति । ९९४. छउमत्थे णं भंते! मणूसे तेसिं णिज्जरापोग्गलाणं किं आणत्तं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाइ पास ? गोयमा ! णो इमट्ठे समट्ठे । से केणद्वेणं भंते! एवं वुच्चति छउमत्थे णं मणूसे तेसिं णिज्नरापोग्गलाणं णो किंचि आणत्तं वा णाणत्तं वा ओमत्तं वा तुच्छत्तं वा गरूयतं वा लहुयत्तं वा जाणति पासति ? गोयमा ! देवे वि य णं अत्थेगइए जे णं तेसिं णिज्जरापोग्गलाणं णो किंचिं आणत्तं णाणत्तं वा ओमत्तं वा तुच्छत्तं वा गरूयतं वा लहुयत्तं वा जाणति पासति, सेतेणद्वेणं गोयमा ! एवं वुच्चति छउमत्थे णं मणूसे तेसिं णिज्जरापोग्गलाणं णो किंचिं आणत्तं वा णाणत्तं ओमत्तं वा
श्री आगमणमंषा १०२९ फफफफफफफफफफफफफफYON
「
[१४]
OK