Page Text
________________
5000-006-006-006 900 300 300 3690 30 35 35 35 3590
(१४) जीवाजीयामिन ५.६-७ परियत्ति [८५]
संसारसमावण्णगा जीवा पं० ते एवमाहंसु, तं०- नेरइया तिरिक्खा तिरिक्खजोणिणीओ मणुस्सा मणुस्सीओ देवा देवीओ, णेरतियस्सठिती जह० दसवाससहस्साई उक्को० तेत्तीस सागरोवमाई, तिरिक्खजोणियस्स जह० अंतोमुहुत्तं उक्को० तिन्नि पलिओवमाई, एवं तिरिक्खजोणिणीएवि, मणुस्साणवि मणुस्सीणवि, देवाणं ठिती जहा णेरइयाणं, देवीणं जह० दसवाससहस्साइं उक्को० पणपण्णपलिओवमाणि, नेरइयदेवदेवीणं जच्चेव ठिती सच्चेव संचिट्ठणा, तिरिक्खजोणिणी जह० अंतोमु० उक्को० तिन्नि पलिओवमाइं पुव्वकोडीपुहुत्तमब्भहियाई, एवं मणुस्सस्स मणुस्सीएवि, णेंरइयस्स अंतरं जह० अंतोमु० उक्को० वणस्स तेकालो, एवं सव्वाणं(व्वेसिं)तिरिक्खजोणियवज्जाणं, तिरिक्खजोणियाणं जह० अंतोमु० उक्को० सागरोवमसतपुहुत्तं सातिरेगं, अप्पाबहुयं सव्वत्थोवाओ मणुर सीओ मणुस्सा असंखे० नेरइया असंखे० तिरिक्खजोणिणीओ असंखेज्नगुणाओ देवा असंखेज्नगुणा देवीओ संखेज्जगुणाओ तिरिक्खजोणिया अनंतगुणा । सेत्तं सत्तविहा संसारसमावण्णगा जीवा । २४१ ★★★ ॥ प्रतिपत्तिः ६ ॥ ★★★ तत्थ णं जे ते एवमाहंसु अट्ठविहा० जीवा पं० ते एवमा हंसु - पढमसमयनेरतिया अपढमसमयनेरइया पढमसमयतिरिक्खजोणिया अपढमसमयतिरिक्खजोणिया पढमसमयमणुस्सा अपढमसमयमणुस्सा पढमसमयदेवा अपढमसमयदेवा, पढमसमयनेरइयस्स णं भंते! केवतियं कालं ठिती पं० १, गो० ! पढमसमयनेरइयस्स जह० एक्कं समयं उक्को० एक्कं समयं, अपढममयनेरइयस्स जह० दसवाससहस्साई समऊणाइं उक्को० तेत्तीसं सागरोवमाइं समऊणाई, पढमसमयतिरिक्खजोणियस्स जह० एक्कं समयं उक्को० एक्कं समयं, अपढमसमयतिरिक्खजोणियस्स जह० खुड्डागं भवग्गहणं समऊणं उक्को० तिन्नि पलिओवमाई समऊणाई, एवं मणुस्साणवि जहा तिरिक्खजोणियाणं, देवाणं जहा णेरतियाणं ठिती, णेरइयदेवाणं जच्चेव ठिती सच्चेव संचिट्ठणा दुहाणवि, पढमसमयतिरिक्खजोणिए णं भंते ! पढ० कालओ केवचिरं होति ?, गो० ! जह० एक्वं समयं उक्को० एक्कं समयं, अपढमतिरिक्खजोणियस्स जह० खुड्डागं भवग्गहणं समऊणं उक्कोसेणं वणस्सतिकालो, पढमसमयमणुस्साणं जह० उ० एक्वं समयं, अपढममणुस्स० जह० खुड्डागं भवग्गहणं समऊणं उक्को० तिन्नि पलिओवमाइं पुव्वकोडिपुहुत्तमब्भहियाई, अंतरं पढमसमयणेरतियस्स जह० दसवाससहस्साइं अंतोत् उक्को० वणस्सतिकालो, अपढमसमय० जह० अंतोमु० उक्को० वणस्सतिकालो, पढमसमयतिरिक्खजोणिए जह० दो खुड्डागभवग्गहणाई समऊणाई उक्को० वणस्सतिकालो, अपढमसमयतिरिक्खजोणियस्स जह० खुड्डागं भवग्गहणं समयाहियं उक्को० सागरोवमसतपुहुत्तं सातिरेगं, पढमसमयमणुस्सस्स जह० दो खुड्डाइं भवग्गहणाइं समऊणाई उक्को० वणस्सतिकालो, अपढमसमयमणुस्सस्स जह० खुड्डागं भवग्गहणं समयाहियं उक्को० वणस्सतिकालो, देवाणं जहा नेरइयाणं जह० दसवाससहस्साइं अंतोमुहुत्तमब्भहियाई उक्को० वणस्सइकालो, अपढमसमय० जह० अंतो० उक्को० वणस्सइकालो, अप्पबहुत्तं एतेसि णं भंते ! पढमसमयनेरइयाणं जाव पढमसमयदेवाण य कतरे० १, गो० ! सव्वत्थोवा पढमसमयमणुस्सा पढमसमयणेरइया असंखे० पढमसमयदेवा असंखे० पढमसमयतिरिक्खजोणिया असंखे०, अपढमसमयनेरइयाणं जाव अपढम० देवाणं एवं चेव अप्पबहुत्तं णवरि अपढमसमयतिरिक्खजोणिया अणंतगुणा, एतेसि णं पढमसमयनेरइयाणं अपढम० णेरतियाणं कयरे० ?, सव्वत्थोवा पढमसमयणेरतिया अपढमसमयनेरइया असंखे० एवं सव्वे, पढमसमयणेरइयाणं जाव अपढमसमयदेवाण य कयरे० ?, सव्वत्थोवा पढमसमयमणुस्सा अपढमसमयमणुस्सा असंखे० पढमसमयणेरइया असंखे० पढमसमयदेवा असंखे० पढमसमयतिरिक्खजोणिया असंखे० अपढमसमयनेरइया असंखे० अपढमसमयदेवा असंखे० अपढमसमयतिरिक्खजोणिया अनंतगुणा । सेत्तं अट्ठविहा संसारसमावण्णगा जीवा ★★★ । २४२ ॥ प्रतिपत्ति: ७ ॥ ★★★ तत्थ णं जे ते एवामाहंसु णवविधा संसारसमावण्णगा जीवा पं० ते एवमाहंसु- पुढवीकाइया आउक्काइया उक्काइया वाउक्काइया वणस्सइकाइया बेइंदिया तेइंदिया चउरिदिया पंचेंदिया, ठिती सव्वेसिं भाणियव्वा,. पुढवीकाइयाणं संचिट्ठणा पुढवीकालो जाव वाउक्काइयाणं, वणस्सईणं वणस्सतिकालो, बेइंदिया तेइंदिया चउरिदिया संखेज्जं कालं, पंचेदियाणं सागरोवमसहस्सं सातिरेगं, अंतरं सव्वेसिं अणतं कालं
33333
श्री आगमगुणमंजूषा - ९२७ ०
| SR No. | 003264 |
| Book Title | Agam 14 Upang 03 Jivabhigam Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 102 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 10 MB |