Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 89

YO
(१४) जीवाजीवाभिगम (३) पडिवत्ति (च) वेमाणिय उ. २
[ ८० ]
फासेणं पं०, एवं जाव अणुत्तरोववातिया, सोहम्मीसाणदेवाणं केरिसगा पुग्गला उस्सासत्ताए परिणमंति ?, गो० ! जे पोग्गला इट्ठा कंता जाव ते तेसिं उस्सासत्ताए परिणमंति जाव अणुत्तरोववातिया, एवं आहारत्ताएवि जाव अणुत्तरोववातिया, सोहम्मीसाणदेवाणं कति लेस्साओ पं० १, गो० ! एगा तेउलेस्सा पं०, सणंकुमारमाहिदेसु एगा पम्हलेस्सा, एवं बंभलोगेवि पम्हा, सेसेसु एक्का सुक्कलेस्सा, अणुत्तरोववातियाणं एक्का परमसुक्कलेस्सा, सोहम्मीसाणदेवा किं सम्मद्दिट्ठी मिच्छादिट्ठी सम्मामिच्छादिट्ठी ?, तिण्णिवि, जाव अंतिमगेवेज्जा देवा सम्मदिट्ठीवि मिच्छादिट्ठीवि सम्मामिच्छादिट्ठीवि. अणुत्तरोववातिया सम्मद्दिट्ठी णो मिच्छाद्दिट्ठी णो सम्मामिच्छादिट्ठी, सोहम्मीसाणा किं णाणी अण्णाणी ?, गो० ! दोवि, तिण्णि णाणा तिण्णि अण्णाणा णियमा जाव गेवेज्जा, अणुत्तरोववातिया नाणी नो अण्णाणी तिणिण णाणा णियमा, तिविधे जोगे दुविहे उवयोगे सव्वेसिं जाव अणुत्तरा । २१६ । सोहम्मीसाणा देवा ओहिणा केवतियं खेत्तं जाणंति पासंति ?, गो० ! जह० अंगुलस्स असंखेज्जतिभागं उक्को० अवही जाव रयणप्पभा पुढवी उड्ढं जाव साई विमाणाइं तिरियं जाव असंखेज्जा दीवसमुद्दा, एवं 'सक्कीसाणा पढमं दोच्चं च सणंकुमारमाहिंदा । तच्चं च बंभलंतग सुक्कसहस्सारग चउत्थी ||८६|| आणयपाणयकप्पे देवा पासंति पंचमिं पुढवी । तं चेव आरणच्चुय ओहीना पसं ||८७|| छट्ठीं हेट्ठिममज्झिमगेवेज्जा सत्तमिं च उवरिल्ला । संभिण्णलोगनालिं पासंति अणुत्तरा देवा ॥ ८८ । २१७ । सोहम्मीसाणेसु णं भंते! देवाणं कति समुग्धाता पं० १, गो० ! पंय समुग्धाता पं० तं० वेदणासमुग्घाते कसाय० मारणंतिय० वेउव्विय० तेजससमुग्घाते. एव जाव अच्चुए, गेवेज्जाणं आदिल्ला तिण्णि समुग्धाता पं०, सोहम्मीसाणदेवा केरिसयं खुधपिवासं पच्चणुब्भवमाणा विहरंति ?, गो० ! णत्थि खुधापिवासं पच्चणुब्भवमाणा विहरंति जाव अणुत्तरोववातिया, सोहम्मीसाणेसु णं भंते ! कप्पेसु देवा एगत्तं पभू विउव्वित्तए पुहुत्तं पभू विउव्वित्तए ?, हंता पभू, एगत्तं विउव्वेमाणा एगिदियरूवं वा जाव पंचिंदियरूवं वा पुहुत्तं विउव्वेमाणा एगिदियरूवाणि वा जाव पंचिदियरूवाणि वा, ताइं संखेज्जाइंपि असंखेज्नाइंपि सरिसाइंपि असरिसाइंपि संबद्धाइंपि असंबद्धाइंपि रुवाई विउव्वंति त्ता अप्पणा हिच्छिया कज्जाई करेति जाव अच्चुओ, गेवेज्जणुत्तरोववातिया देवा किं एगत्तं पभू विउव्वित्तए पुहुत्तं पभू विउव्वित्तए ?, गो० ! एगत्तंपि पुहुत्तंपि, नो चेव णं संपत्तीए विउव्विंसु वा विउव्वंति वा विउव्विस्संति वा, सोहम्मीसाणदेवा केरिसयं सायासोक्खं पच्चणुब्भवमाणा विहरंति ?, गो० ! मणुण्णा सद्दा जाव मणुण्णा फासा जाव गेविज्जा, अणुत्तरोववाइया अणुत्तरा सद्दा जाव फासा, सोहम्मीसाणेसु देवाणं केरिसगा इड्ढी पं० १, गो० ! महिड्ढीया महज्जुइया जाव महाणुभागा इड्ढीए पं० जाव अच्चुओ, गेवेज्जणुत्तरा य सव्वे महिड्ढीया जाव सव्वे महाणुभागा अनिंदा जाव अहमिंदा णामं ते देवगणा पं० समणाउसो ! | २१८| सोहम्मीसाणा देवा केरिसया विभूसाए पं० १, गो० ! दुविहा पं० तं० - वेउव्वियसरीरा य अवेउव्वियसरीरा य. तत्थ णं जे ते वेडव्वियसरीरा ते हारविराइयवच्छा जाव दस दिसाओ उज्जोवेमाणा पभासेमाणा जाव पडिरूवा, तत्थ णं जे ते अवेउव्वियसरीरा ते णं आभरणवसणरहिता पगतित्था विभूसाए पं०, सोहम्मीसाणेसु णं भंते ! कप्पेसु देवीओ केरिसियाओ विभूसाए पं० ?, गो० ! दुविधाओ पं तं० - वेडव्वियसरीराओ य अवेउव्वियसरीराओ य, तत्थ णं जाओ वेउव्वियसरीराओ ताओ सुवण्णसद्दालाओ सुवण्णसद्दालाई वत्थाइं पवरपरिहिताओ चंदाणणाओ चंदविलासिणीओ चंदद्धसमणिडालाओ सिंगारागारचारूवेसाओ संगय जाव पासातीयाओ जाव पडिरूवाओ, तत्थ णं जाओ अवेउदियसरीराओ ताओ णं आभरणवसणरहियाओ पगतित्थाओ विभूसाए पं०, सेसेसु देवा, देवीओ णत्थि, जाव अच्चुओ, गेवेज्जगदेवा, केरिसया विभूसाए० ?, गो० ! आभरणवसणरहिया ०. एवं देवी णत्थि भाणियव्वं, पगतित्था विभूसाए पं०, एवं अणुत्तरावि । २१९ | सोहम्मीसाणेसु देवा केरिसए कामभोगे पच्चणुब्भवमाणा विहरंति ?, गो० ! इट्ठ सद्दा इट्ठा रूवा जाव फासा, एवं जाव गेवेज्जा, अणुत्तरोववातियाणं अणुत्तरा सद्दा जाव अणुत्तरा फासा | २२०| ठिती सव्वेसिं भाणियव्वा, देवित्ताएवि अनंतरं चयंति चइत्ता जे जहिं गच्छंति तं भाणियव्वं । २२१ । सोहम्मीसाणेसु णं भंते! कप्पेसु सव्वपाणा सव्वभूया जावा पुढवीकाइयत्ताए जाव वणस्सतिकाइयत्ताए देवत्ताए देवित्ताए आसणसयणजावभंडोवगरणत्ताए उववण्णपुव्वा ?. हंता गो० ! असई अदुवा अणंतखुत्तो, सेससु कप्पेसु एवं चेव णवरि नो चेव णं देवित्ताए जाव गेवेज्जगा, अणुत्तरोववातिएसुवि एवं णो चेव णं देवत्ता देवित्ताए य, सेत्तं देवा । २२२ | नेरइयाणं भंते ! केवतियं कालं
श्री आगमगुणमंजूषा ९२२
1620
出版
原