Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 60

(१४) जीवाजीवाभिगम (३) पडिवत्ति (च.) दीव समुद्द [५१]
फफफफफफफफ
विजयरायहाणीवत्थव्वा वाणमंतरा देवा य देवीओ य तेहिं वरकमलपतिट्ठाणेहिं जाव अट्ठसतेणं सोवण्णियाणं कलसाणं तं चेव जाव अट्ठसएणं भोमज्जाणं कलसाणं सव्वोदगेहिं सव्वमट्टियाहिं सव्वतुवरेहिं सव्वपुप्फेहिं जाव सव्वोसहिसिद्धत्थएहिं सव्विड्ढीए जाव निग्घोसनाइयरवेणं महया २ इंदाभिसेएणं अभिसिंचंति त्ता पत्तेयं २ सिरसावत्तं अंजलि कट्टु एवं व० जय जय नंदा! जय जय भद्दा ! जय जय नंदा ! भदं ते अजियं जिणेहिं जियं पालयाहि अजितं जिणेहि सत्तुपक्खं जित्तं पालेहिं मित्तपक्खं जियमज्झे वसाहि तं देव ! निरूवसग्गं इंदोइव देवाणं चंदोइव ताराणं चमरोइव असुराणं धरणोइव नागाणं भरहोइव मणुयाणं बहूणि पलिओवमाई बहूणि सागरोवमाणि चउण्हं सामाणियसाहस्सीणं जाव आयरक्खदेवसाहस्सीणं विजयस्स दारस्न्स विजयाए रायहाणीए अण्णेसिं च बहूणं विजयरायहाणिवत्थव्वाणं वाणमंतराणं देवाण य देवीण य आहेवच्चं जाव आणाईसरसेणावच्चं कारेमाणे पालेमाणे विहराहित्ति कट्टु महता २ सद्देणं जयजयसद्दं पउंजंति । १४२ । तए णं से विज देवे महा २ इंदाभिसेएणं अभिसित्ते समाणे सीहासणाओ अब्भुट्ठेइ त्ता अभिसेयसभातो पुरत्थिमेणं दारेणं पडिनिक्खमति त्ता जेणामेव अलंकारियसभा तेणामेव उवागच्छति त्ता अलंकारियसभं अणुप्पयाहिणीकरेमाणे २ पुरत्थिमेणं दारेणं अणुपविसति त्ता जेणेव सीहासणे तेणेव उवागच्छति त्ता सीहासणवरगते पुरत्याभिमुहे सण्णिसणे, तए णं तस्स विजयस्स देवस्स सामाणियपरिसोववण्णगा देवा आभिओगिए देवे सहावेति त्ता एवं व० - खिप्पामेव भो देवाणुप्पिया ! विजयस्स देवस्स आलंकारियं भंडं उवणेह, तेणेव ते० आलंकारियं भंडं जाव उवट्ठवेति, तए णं से विजए देवे तप्पढमयाए पम्हलसूमालाए दिव्वाए सुरभीए गंधकासाईए गाताई लूहेति त्ता सरसेणं गोसीसचंदणेणं गाताई अणुलिंपति त्ता ततोऽणंतरं च णं नासाणीसासवायवोज्झं चक्खुहरं वण्णफरिसजुत्तं हतलालापेलवातिरेगं धवलं कणगखइयंतकम्मं आगासफलिह सरिसप्पभं अहतं दिव्वं देवदूसजुयलं णियंसेइ त्ता हारं पिणदेइ त्ता एवं एक्कावलिं० एवं एतेणं अभिलावेत्तावलिं कणगावलिं रयणावलिं कडगाई तुडियाई अंगयाई केयूराइं दसमुद्दिताणंतकं कडिसुत्तकं तेअच्छिसुत्तगं मुरविं कंठमुरविं पालंबं कुंडलाई चूडामणि चित्तरयणुक्कडं मउडं पिणद्धेइ त्ता गंठिमवेढिमपूरिमसंघाइमेणं चउव्विहेणं मल्लेणं कप्परूक्खयंपिव अप्पाणं अलंकियविभूसितं करेति त्ता दद्दरमलयसुगंधितेहिं गंधेहिं गाताई सुक्ति (भुक्कु) इति त्ता दिव्वं च सुमणदामं पिणद्धति, तए णं से विजए देवे केसालंकारेणं वत्थालंकारेण मल्लालंकारेण आभरणालंकारेणं चउव्विहेणं अलंकारेणं अलंकितविभूसिए समाणे पडिपुण्णालंकारे सीहासणाओ अब्भुट्ठेइ त्ता अलंकारियसभाओ पुरच्छिमिल्लेणं दारेण पडिनिक्खमति त्ता जेणेव ववसायसभा तेणेव उवागच्छति ता ववसायसभं अणुप्पदाहिणं करेमाणे पुरत्थिमिल्लेणं दारेणं अणुपविसति त्ता जेणेव सीहासणे तेणेव उवागच्छति त्ता सीहासणवरगते पुरत्थाभिमुहे सण्णिसण्णे, तते णं तस्स विजयस्स देवस्स आहिओगिया देवा पोत्थयरयणं उवर्णेति, तए णं से विजए देवे पोत्थयरयणं गेण्हति त्ता पोत्थयरयणं मुयति त्ता पोत्थयरयणं विहाडेति त्ता पोत्थयरयणं वाएति त्ता धम्मियं ववसायं पगेण्हति त्ता पोत्ययरयणं पडिणिक्खिवेइ त्ता सीहासणाओ अब्भुट्टेति त्ता ववसायसभाओ पुरत्थिमिल्लेणं दारेणं पडिणिक्खमइ त्ता जेणेव णंदापुक्खरिणी तेणेव उवागच्छति त्ता णंद पुक्खरिणिं अप्पयाहिणीकरेमाणे पुरत्थिमिल्लेणं दारेणं अणुपविसति त्ता पुरत्थिमिल्लेणं तिसोवाणपडिरूवएणं पच्चोरूहति त्ता हत्थं पादं पक्खालेति त्ता एगं महं सेतं रयतामयं विमलसलिलपुण्णं मत्तगयमहामुहाकितिसमाणं भिंगारं पगिण्हति त्ता जाई तत्थ उप्पलाई पउमाई जाव सतसहस्सपत्ताई ताई गि हति त्ता णंदातो पुक्खरिणीतो पच्चुत्तरेइ त्ता जेणेव सिद्धायतणे तेणेव पहारेत्थ गमणाए, तए णं तस्स विजयस्स देवस्स चत्तारि सामाणियसाहस्सीओ जाव अण्णे य बहवे वाणमंतरा देवाय देवीओ य अप्पेगइया उप्पलहत्थगया जाव सयसहस्सपत्तहत्थगया विजयं देवं पिट्ठतो २ अणुगच्छंति, तए णं तस्स विजयस्स देवस्स बहवे आभिओगिया देवाय देवीओ य कलसहत्थगता जाव धूवकडुच्छुयहत्थगता विजयं देवं पिट्ठतो २ अणुगच्छंति, तते णं से विजए देवे चउहिं सामाणियसाहस्सीहिं जाव अण्णेहि य बहूहिं वाणमंतरेहिं देवेहि य देवीहि य सद्धिं संपरिवुडे सव्विड्ढीए सव्वजत्तीए जाव णिग्घोसणाइयरवेणं जेणेव सिद्धाययणे तेणेव उवागच्छति त्ता सिद्धायणं प्याहिणीकरेमाणे २ पुरत्थिमिल्लेणं दारेणं अणुपविसति ता जेणेव देवच्छंदए तेणेव उवागच्छति त्ता आलोए जिणपडिमाणं पणामं करेति त्ता लोमहत्थगं
FLE LE LELE LE US GUESS GUGLE LEUC4G श्री आगमगणमंजमा
444445454
YOO