Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 37

(१४) जीवाजीवाभिगम (३) पडिवत्ति (च.) मणुस्सा, [२८]
५
सूतपुरिसेहिं सज्जिएहिं वाउ (प्र० चउर) कप्पसे असित्तेइव ओदणे कलमसालिणिज्जत्तिएवि ए (प) क्के सबप्फमिउविसयएगसिंत्थे अणेगसालस (ण) गसंजुत्ते अहवा पडिपुण्णदव्वुवक्खडेसु सक्कए वण्णगंधरसफग्मिजुत्तबलविरियपरिणामे इंदियबलपुट्ठिवद्धणे खुप्पिवासमहणे पहाणे गुलकड्डियखंडमच्छंडियउवणीए पमोयगे सण्हसमियगब्भे हवेज्ज परमइद्वंगसंजुत्ते तहेव ते चित्तरसावि दुमगणा अणेगबहुविविहवीससापरिणयाए भोजणविहीए उववेदा कुसविकुववि० जाव चिट्ठति, एगुरुए दीवे णं तत्थ २ बहवे मणियंगा नाम दुमगणा पं० समणाउसो ! जहा से हारद्धहारवट्टणगमउड कुं डलवासुत्तग्रहेमजालमणिजालकणगजालगमुत्तगउच्चिइयकडगाखुड्डियएकावलिकंठ सुत्तमंजरिमउरत्थगे वेज्जसोणिसुत्तगचूला-मणिकणगतिलगफुल्ल सिद्धत्थयकण्णवालिससिसूरउसभचक्कगतलभंगतुडियहत्थि - मालगवलक्खदीणारमालिता चंदसूरमालिता हरिसयकेयूरवलयपालंब अंगुलेज्जगकंचीमेहलाकलावपयरपायजालघंटियखिखिणिरयणोरुजाल(प्र०तुडिय)त्थगियवरणेउरचलणमालिया कणगणिगरमालिया कंचणमणिरयणभत्तिचित्ता भूसणविधी बहुप्पगारा तहेव ते मणियंगावि दुमगणा अणेगबहुविविहवीससापरिणताए भूसणविहीए उववेया कुसवि० जाव चिट्ठति, एगुरुयए दीवे तत्थ २ बहवे गेहागारा नाम दुमगणा पं० समणाउसो ! जहा से पागारट्टालगचरियदारगो पुरपासायाकासतलमंड व एगसालबिसालगतिसा-लगचउरं सचउसालगन्भघरमो हणघरवलभिघरचित्तसालमालयभत्तिघरवट्टतंसचतुरंसणं- दियावत्तसंठियायतपंडुरतलमुंडमालहम्मियं अहवणं धवलहर अद्धमागहविब्भमसेलद्धसे- लसंठियकूडागारट्ठसुविहिकोट्ठगअणेगघरसरणलेणआवणविडंगजालचंदणिज्जूहअपवर- कलियकवोतालिचंदसालियरूवविभत्तिकलिता भवण विही बहुविकप्पा तहेव ते गेहागारावि दुमगणा अणेगबहुविविधवीससापरिणयाए सुहारुहणे सुहोत्ताराए सुहनिक्खमणप्पवेसाए दद्दरसोपाणपंतिकलिताए पइरिक्काए सुहविहाराए मणोऽणुकूलाए भवणविहीए उववेया कुसवि० जाव चिट्ठति, एगोरुयदीवे तत्थ २ बहवे अणिगणा णामं दुमगणा पं० समणाउसो ! जहा से अणेगआदिणगसोभंतणुतकंबलदुगुल्लकोसेज्जकालमिगपट्टचीणं सुयबरणातवारवणिगयतु आभरणचित्तसहिणगकल्लाणगभिंगिणीलकज्जलबहुवण्ण- रत्तपीतसुक्किल्लमक्खयमिगलोमहेमप्फरुण्णगअवसरत्तगसिंधुओसभदामिलवंगकलिंगनेलिणतंतुमयभत्तिचित्ता वत्थविही बहुप्पकारा हवेज्ज वरपट्टणुग्गता वण्णरागकलिता तहेव ते
'दुमगणा अणेगबहुविविहवीससापरिणताए वत्थविधीए उववेया कुसविकुसवि० जाव चिट्ठति, एगोरुयदीवे णं भंते! दीवे मणुयाणं केरिसए आगारभावपडोयारे पं० ?, गो० ! ते णं मणुया अणुवमवरतरसोमचारुवा भोगुत्तमा भोगलक्खणधरा भोगसस्सिरीया सुजायसव्वंगसुंदरंगा सुपतिट्ठियकुम्मचारुचलणा रत्तुप्पलपत्तमउयसुकुमालको मलतला नगनगरसागरमगरचक्कं क वरं कलक्खणंकियचलणा अणुपुव्वसुसाहतंगुलीया उण्णयतणुतं बणिद्धणक्खा संठिसुसिलिट्ठगूढगुफा एणीकुरुविंदावत्तवट्टाणुपुव्वजंघा समुग्गणिमग्गगूढजाणू गतससणसुजातसण्णिभोरू वरवारणमत्ततुल्लविक्कमविलासितगती (१५५) सुजात वरतुरगगुज्झदेसा आइण्णहतोव णिरुवलेवा पमुइयवरतुरियसीहअतिरेगवट्टियकडी साहयसोणंदमुसलदप्पणणिगरितवरकणगच्छरुसरिसवरवइइवलितमज्झा उज्जुयसमसहितसुजातजच्चतणुकसिणणिद्ध आदेज्जलडहसुकुमालमउयरमणिज्जरोमराती गंगावत्तपयाहिणावत्ततरंगभंगुररविकिरणतरुणबोधितअकोसायंतपउमगंभीरवियडणाभी झसविहगसुजातपीणकुच्छी झसोदरा सुइकरणा पम्हवियडणाभा सण्णयपासा संगतपासा सुंदरपासा सुजातपासा मितमाइयपीणरतियपासा अकरूंडुयकणगरुयगनिम्मलसुजायनिरुवहयदेहधारी पसत्यबत्तीसलक्खणधरा कणगसिलातलुज्जलपसत्तासमयलोवचियविच्छिन्नपिहुलवच्छासिरिवच्छं कियवच्छा पुरवरफलिहवट्टियभुयाभुयगीसरविपुलभोगआयाणफलिहउच्छूढदीहबाहू जूयसन्निभपीणरतियपीवरपउसंठियसुसिलिट्ठविसिघणथिरसुबद्धसुनिगूढपव्वसंधी रत्ततलोवइतमउयमंसलपसत्थलक्खणसुजायअच्छिद्दजालपाणी पीवरवट्टियसुजायकोमलवरंगुलीया तंबतलिणसुचिरुइरणिदणक्खा चंदपाणिलेहा सूरपाणिलेहा संखपाणिलेहा चक्कपाणिलेहा दिसासोअत्थियपाणिलेहा चंदसूरसंखचक्कदिसासोअत्थियपाणिलेहा अणेगवरलक्खणुत्तमपसत्यसुचिरतियपाणिलेहा वरमहिसवराहसीहसद्दूलउसमणागवरपडिपुन्नविउलउन्नतमइंदखंधा चउरंगुलसुप्पमाणकंबुवरसरिसगीवा ॐ ॐ ॐ ॐ ॐ ॐ ॐ ॐ श्री आगमगुणमंजूषा - ८७०
¥2
०