Page Text
________________
(१४) जीवाजीवाभिगम (३) पडिवत्ति (च.) / तिरक्खजोणिया उ. १ [२४]
फ्र
० उरपरिसप्पथलयर० भुयपरिसप्पथलयर०, से किं तं उरगपरिसप्पथलयरपंचेदियतिरिक्खजोणिता ?, २ दुविहा पं० तं० जहेव जलयराणं तहेव चउक्कतो एवं भुयगपरिसप्पाणवि भाणितव्वं, से तं भुयपरिसप्पथलयर०, से तं थलयरपंचेंदियतिरिक्खजोणिता, से किं तं खहयरपंचेंवियतिरिक्खजोणिया १, २ वेहा पं० तं०-संमुच्छिमखहयर० गब्भवक्कंतियखहयर० य, से किं तं संमुच्छिमखहयरपंचेदियतिरिक्खजोणिता ?, २ दुविहा पं० तं० पज्जत्तगसंमुच्छिमखहयर० अपज्जत्तगसंमुच्छिमखहयर० य, एवं गब्भवक्कतियावि जाव पज्जत्तगब्भवक्कंतियावि अपज्जत्तगगब्भवक्कंतियावि, खहयरपंचेदियतिरिक्खजोणियाणं भंते १ कतिविधे जसिंग पं० १, गो० ! तिविहे जोणिसंगहे पं० तं० अंडया पोयया संमुच्छिमा, अंडया तिविधा पं० तं० इत्थी पुरिसा णपुंसगा, पोतया तिविधा पं० तं० इत्थी पुरिसा णपुंसया, तत्थ णं जे ते संमुच्छिमा ते सव्वे णपुंसका । ९७| एतेसिं णं भंते! जीवाणं कति लेसाओ पं० १, गो० ! छलेस्साओ पं० तं० - कण्हलेस जाव सुक्कलेसा, ते णं भंते! जीवा किं सम्मादिट्ठी मिच्छादिट्ठी सम्मामिच्छादिट्ठी ?, गो० ! सम्मादिट्ठीवि मिच्छादिट्ठीवि सम्मामिच्छादिट्ठीवि, ते णं भंते! जीवा किं णाणी अण्णाणी ?, गो० ! णाणीवि अण्णाणीवि तिण्णि णाणाइं तिण्णि अण्णामाई भयणाए, ते णं भंते! जीवा किं मणजोगी वइजोगी कायजोगी ?, गो० ! तिविधावि, ते णं भंते! जीवा किं सागारोवउत्ता अणागारोवउत्ता ?, गो० ! सागारोबउत्तावि अणागारोवउत्तावि, ते णं भंते! जीवा कओ उववज्जंति किं नेरतिएहिंतो उव० तिरिक्खजोणिएहिंतो उव० ? पुच्छा, गो० ! असंखेज्जवासाउयअकम्मभूमगअंतरदीवगवज्जे- हिंतो उव०, तेसिं णं भंते! जीवाणं केवतियं कालं ठिती पं० १, गो० ! जह० अंतोमुहुत्तं उक्को० पलिओवमस्स असंखेज्जतिभागं, तेसिं णं भंते ! जीवाणं कति समुग्धाता पं० ?, गो० ! पंच समुग्धाता पं० तं० वेदणासमुग्धाए जाव तेयासमुग्घाए, ते णं भंते ! जीवा मारणंतियसमुग्धाएणं किं समोहता मरंति असमोहता मरंति ?, गो० ! समोहृतावि म० असमोहयावि मरंति, ते णं भंते ! जीवा अनंतरं उव्वट्टित्ता कहिं गच्छंति कहिं उववज्र्ज्जति ?- किं नेरतिएसु उववज्जंति ? तिरिक्ख० पुच्छा, गो० ! एवं उव्वट्टणा भाणियव्वा जहा वक्कंतीए तहेव, तेसिं णं भंते ! जीवाणं कति जातीकुलकोडिजोणीपमुहसयसहस्सा पं० ?, गो० ! बारस जाती कुलकोडी जोणीपमुहसयसहस्साई, भुयगपरिसप्पथलयरपंचेदियतिरिक्खजोणियाणं भंते ! कतिविधे जोणीसंगहे पं० १, गो० ! तिविहे जोणीसंग पं० तं० अंडगा पोयगा संमुच्छिमा, एवं जहा खहयराणं तहेव णाणत्तं जह० अंतोमुहुत्तं उक्को० पुव्वकोडी उव्वट्टित्ता दोच्चं पुढविं गच्छंति णव जातीकुलकोडी जोणीपमुहसतसहस्सा भवंती - तिमक्खायं सेसं तहेव, उरगपरिसप्पथलयरपंचेंदियतिरिक्खजोणियाणं भंते ! पुच्छा जहेव भुयपरिसप्पाणं तद्देव णवरं ठिती जह० अंतोमुहुत्तं उक्को० पुव्वकोडी उव्वट्टित्ता जाव पंचमिं पुढविं गच्छंति दस जातीकुल कोडी चउप्पयथलयरपंचेदियतिरिक्ख० पुच्छा, गो० ! दुविधे पं० तं०-जराउया (पोयया) य संमुच्छिमा य, (से किं तं) जराउया (पोयया) १, २ तिविधा पं० तं०-इत्थी पुरिसा णपुंसका, तत्थ णं जे ते संमुच्छिमा ते सव्वे णपुंसया, तेसिं णं भंते ! जीवाणं कति लेस्साओ पं० ?, सेसं जहा पक्खीणं णाणत्तं ठिती जहं० अंतोमुहुत्तं उक्को० तिन्नि पलिओमाई उव्व० चउत्थिं पुढकिं गच्छंति दस जातीकुलकोडी०, जलयरपंचेदियतिरिक्खजोणियाणं पुच्छा जहा भुयपरिसप्पाणं णवरं उव्व जाव अधेसत्तमं पुढविं अद्धतेरस जातीकु लकोडीजोणीपमुह० जाव पं०, चउरिंदियाणं भंते! कति जातीकुलकोडीजोणीपमुहसतसहस्सा पं० ?, गो० ! नव जाईकुलकोडीजोणीपमुहसयसहस्सा समक्खाया, तोइदियाणं पुच्छा, गो० ! अट्ठ जाईकुल जावमक्खाया, बेइंदियाणं भंते ! कइ जाई० १, पुच्छा गो० ! सत्त जाईकुलकोडीजोणीषमुह० | ९८| कई णं भंते ! गंधा पं० ? कई णं भंते ! गंधसया पं० १, गो० ! सत्त गंधा सत्त गंधसया पं०, कई णं भंते ! पुप्फजाईकुलकोडीजोणिपमुहसयसहस्सा पं० ?, गो ! सोलस पुप्फजातीकुलकोडीजोणीपमुहसयसहस्सा पं०, तं० - चत्तारि जलयरा (या) णं चत्तारि थलयरा (या) णं चत्तारि माहारूक्खियाणं चत्तारि महागुम्मिताणं, कति णं भंते! वल्लीओ कति वल्लिसता पं० १, गो० ! चतारि वल्लीओ चत्तारि वल्लीसता पं०, कति णं भंते! लताओ कति लतासता पं० १, गो० ! अड्ड लयाओ अट्ठ लतासतापं०, कति णं भंते! हरियकाया हरियकोयसया पं० ?, गो० ! तओ हरियकाया तओ हरियकायसया पं०, फलसहस्सं चबिटबद्धाणं फलसहस्सं च णालबद्धाणं, ते सव्वे हरितकायमेव समोयरंति । ते एवं समणुगम्ममाणा एवं समणुगाहिज्जमाणा एवं
XOOK
五
श्री आगमयुष्णमंजूषा - ८६६
| SR No. | 003264 |
| Book Title | Agam 14 Upang 03 Jivabhigam Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 102 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 10 MB |