Agam 14 Upang 03 Jivabhigam Sutra Shwetambar Agam Guna Manjusha

SR No.: 003264
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 102
Language: Prakrit
Classification: Book_Devnagari, Agam, Canon, & agam_jivajivabhigam
File Size: 10 MB

Page 20

फ्र
(१४) जीवाजीवाभिगम (२) पडिवत्ति 'तिविह'
[82]
फफफफफफफ
देवपुरिसा, से किं तं तिरिक्खजोणियपुरिसा ?, २ तिविहा पं० तं० जलयरा थलयरा खहयरा, इत्थिभेदो भाणितव्वो जाव खहयरा, सेत्तं खहयरा, सेत्तं खहयरतिरिक्खजोणियपुरिसा, से किं तं मणुस्सपुरिसा ?, २ तिविधा पं० तं०- कम्मभूमगा अकम्मभूमगा अंतरदीवगा, सेत्तं मणुस्सपुरिसा, से किं तं देवपुरिसा ?, देवपुरिसा चउव्विहा पं० इत्त्थीभेदो भाणिव्वो जाव सव्वट्टसिद्धा । ५३ । पुरिसवेदस्स णं भंते! केवतियं कालं ठिती पं० १, गो० ! जह० अंतोमु० उक्को० तेत्तीसंसागरोवमाइं, तिरिक्खजोणियपुरिसाणं मणुस्साणं जा चेव इत्थिणं ठिती सा चेव भाणियव्वा, देवपुरिसाणवि जाव सव्वट्ठसिद्धाणंति ताव ठिती जहा पण्णवणाए तहा भाणियव्वा । ५४ । पुरिसे णं भंते! पुरिसेत्ति कालतो केवच्चिरं होइ ?, गो० ! जह० अंतो० उक्को० सागरोवमसतपुहुत्तं सातिरेगं, तिरिक्खजोणियपुरिसे णं भंते! कालतो केविच्चरं होइ ?, गो० ! जह० अंतो० उक्को० तिन्नि पलिओवमाइं पुव्वको डिपुहुत्तमब्भहियाई, एवं तं चेव संचिट्टणा जहा इत्थीणं जाव खहयरतिरिक्खजोणियपुरिस्स संचिट्टणा, मणुस्सपुरिसाणं भंते! कालतो केवच्चिरं होइ ?, गो० ! खेत्तं पडुच्च जह० अंतो० उक्को० तिन्नि पलिओवमाई पुव्वकोडिपुहुत्तमब्भहियाइं धम्मचरणं पडुच्च जह० अंतो० उक्को० देसूणा पुव्वकोडी, एवं सव्वत्थ जाव पुव्वविदेहअवरविदेहअकम्मभूमगमणुस्सपुरिसाणं जहा अकम्मभूमकमणुस्सित्थीणं जाव अंतरदीवगाणं जच्चेव ठिती सच्चेव संचिट्ठणा जाव सव्वठ्ठसिद्धगाणं । ५५ । पुरिसस्स णं भंते! केवतियं कालं अंतरं होइ ?, गो० ! जह० एक्कं समयं उक्को० वणस्सतिकालो, तिरिक्खजोणियपुरिसाणं जह० अंतोमु० उक्को० वणस्सतिकालो, एवं जाव खहयरतिरिक्खजोणियपुरिसाणं, मणुस्सपुरिसाणं भंते ! केवतियं कालं अंतरं होइ ?, गो० ! खेत्तं पडुच्च जह० अंतोमु० उक्को० वणस्सतिकालो धम्मचरणं पडुच्च जह० एक्कं समयं उक्को० अणतं कालं अनंताओ उस्स० जाव अवढपोग्गलपरियट्टं देसूणं, कम्मभूमकाणं जाव विदेहो जाव धम्मचरणे एक्को समओ सेसं जहित्थीणं जाव अंतरदीवकाणं, देवपुरिसाणं जह० अंतो० उक्को० वणस्सतिकालो, भवणवासिदेवपुरिसाणं तावजाव सहस्सारो जह० अंतो० उक्को० वणस्सतिकालो. आणतदेवपुरिसाणं भंते! केवतियं कालं अंतरं होइ ?, गो० ! जह० वासपुहुत्तं उक्को० वणस्सतिकालो एवं जाव गेवेज्जदेवपुरिसस्सवि, अणुत्तरोववातियदेवपुरिसस्स जह० वासपुहुत्तं उक्को० संखेज्जाई सागरोवमाई | ५६ । अप्पाबहुयाणि जहेवित्थीणं जाव एतेसिं णं भंते! देवपुरिसाणं भवणवासीणं वाणमंतराणं जोतिसियाणं वेमाणियाण य कतरे० ? ! सव्वत्थोवा वेमणियदेवपुरिसा भवणवइदेवपुरिसा असंखे० वाणमंतरदेवपुरिसा असंखे० जोतिसिया देवपुरिसा संखेज्जगुणा, एतेसिं णं भंते! तिरिक्खजोणियपुरिसाणं जलयराणं थलयराणं खयराणं मणुस्सपुरिसाणं कम्मभूमकाणं अकम्मभूमकाणं अंतरदीव० देवपुरिसाणं भवणवासीणं वाणमंतराणं जोइसियाणं वेमाणियाणं सोधम्माणं जाव सव्वसिद्धगाण य कतरे० जाव विसेसाहिया वा ?, गो० ! सव्वत्थोवा अंतरदीवगमणुस्सपुरिसा देवकुरूत्तरकुरुअकम्मभूमगमणुस्सपुरिसा दोवि संखेज्ज० हरिवासरम्मगवास अक० दोवि संखेज्जगुणा हेमवतहेरण्णवतवासअकम्म० दोवि संखि० भरहेरवतवासकम्मभूमगमणु० दोवि संखे० पुव्वविदेहअवरविदेहकम्मभू० दोवि संखे० अणुत्तरोववातियदेवपुरिसा असंखि० उवरिमगेविज्जदेवपुरिसा संखेज्ज० मज्झिमगेविज्जदेवपुरिसा संखेज्ज० हेट्ठिमगेविज्जदेवपुरिसा संखे० अच्चुयकप्पदेवपुरिसा संखे० जाव आणतकप्पदेवपुरिसा संखेज्ज० सहस्सारकप्पदेवपुरिसा असंखे० महासुक्क कप्पदेवपुरिसा असंखे० जाव माहिंदकप्पदेवपुरिसा असंखे० सणकुमारकप्पदेवपुरिसा असं० ईसाणकप्पदेवपुरिसा असंखे० सोधम्मकप्पदेवपुरिसा संखे० भवणवासिदेवपुरिसा असंखे० खहयरतिरिक्ख० असंखे० थलयरतिरिक्खजोणियपुरिसा संखे० जलयरतिरिक्खजोणियपुरिसा संखे० वाणमंतरदेवपुरिसा संखे० जोतिसियदेवपुरिसा संखेज्जगुणा । ५७ । पुरिसवेदस्स भंते ! कम्मस्स केवतियं कालं बंधट्टिती पं० १, गो० ! जह० अट्ठ संवच्छराणि उक्को० दस सागरोवमकोडाकोडीओ दसवाससयाई अबाहा अबाहूणिया कम्मठि कम्मणिसेओ, पुरिसवेदे णं भंते! किंपकारे पं० ? गो० ! वणदवग्गिजालसमाणे पं०, सेत्तं पुरिसा । ५८ । से किं तं णपुंसका १, २ तिविहा पं० तं० - नेरइयनपुंसका तिरिक्खजोणियनपुंसका मणुस्सणपुसंका से किं तं नेरइयनपुंसका १, २ सत्तविधा पं तं०- रयणप्पभापुढविनेरइयनपुंसका जाव अधेसत्तमपुढविनेरइयणपुंसका, से तं नेरइयनपुंसका, से किं तं तिरिक्खजोणियणपुंसका १, २ पंचविधा पं० तं०- एगिंदियतिरिक्खजोणियनपुंसका बेइंदि० तेइंदि० चउ०
COOK श्री आगमगणमंजुषा - ८५३ फफफफफफफफफफफ