Page Text
________________
(१३) रायपसेणियं ( (२) उवगसुत्त ]
[२८]
फफफफफफफफ समणं वा तं चैव जाव एतेणवि ठाणेणं चित्ता ! जीवा केवलिपन्नत्तं धम्मं नो लभन्ति सवणयाए, गोयरग्गयं समणं वा माहणं वा जाव नो पज्जुवासइ णो विउलेणं असणपाणखाइमसाइमेणं पडिलाइ णो अट्ठाई जाव पुच्छइ एएणं ठाणेणं चित्ता ! केवलिपन्नत्तं० नो लभइ सवणयाए, जत्थवि णं समणेण वा माहणेण वा सद्धिं अभिसमागच्छइ तत्थवि णं हत्थेणं वा वत्थेण वा छत्तेणं वा अप्पाणं आवरित्ता चिट्ठइ नो अट्ठाई जाव पुच्छइ एएणवि ठाणेणं चित्ता ! जीवे केवलिपन्नत्तं धम्मं णो लभइ सवणयाए, एएहिं च णं चित्ता ! चउहिं ठाणेहिं जीवे णो लभइ केवलिपन्नत्तं धम्मं सवणयाए, चउहिं ठाणेहिं चित्ता ! जाव केवलिपन्नत्तं धम्मं लभइ सवणयाए,
- आरामयं वा उज्जाणगयं वा समणं वा माहणं वा वंदइ नमंसइ जाव पज्जुवासइ अट्ठाई जाव पुच्छइ एएणवि जाव लभइ सवणयाए, एवं उवस्सयगयं गोयरग्गगयं समणं वा जाव पज्जुवासह विउलेणं जाव पडिलाभेइ अट्ठाई जाव पुच्छइ एएणवि०, जत्थविंय समणेण वा माहणेण वा अभिसमागच्छइ तत्थविय णं णो हत्थेण वा जाव आवरेत्ताणं चिट्ठइ, एएणवि ठाणेणं चित्ता ! जाव केवलिपन्नत्तं धम्मं लभइ सवणयाए, तुज्झं चणं चित्ता ! पएसी राया आरामगयं वा तं चैव सव्वं भाणियव्वं आइल्लएणं गमएणं जाव अप्पाणं आवरेत्ता चिट्ठइ तं कहं णं चित्ता ! पएसिस्स रन्नो धम्ममाइक्खिस्सामो ?, तए णं से चित्ते सारही केसिकुमारसमणं एवं व० एवं खलु भंते! अण्णया कयाई कंबोएहिं चत्तारि आसा उवणयं उवणीया ते मए पएसिस्स रण्णो अन्नया चेव उवणीया तं एएणं खलु भंते! कारणेणं अहं पएसिं रायं देवाप्पा अंति हव्वमाणेस्सामि तं मा णं देवाणुप्पिया ! तुब्भे पएसिस्स रन्नो धम्ममाइक्खमाणा गिलाएज्जाह अगिलाए णं भंते । तुब्भे पएसिस्स रण्णो धम्माक्खेज्जाह छंदेणं भंते! तुब्भे पएसिस्स रण्णो धम्ममाइक्खेज्नाह, तए णं से केसीकुमारसमणे चित्तं सारहिं एवं व० अवियाइं चित्ता जाणिस्सामो, तए णं से चित्ते सारही केसिं कुमारसमणं वंदइ नमंसइ त्ता जेणेव चाउग्घंटे आसरहे तेणेव उवागच्छइ त्ता चाउग्घंटं आसरहं दुरूहइ जामेव दिसिं पाउब्भूए तामेव दिसिं पडिगए ।६ १। तए णं से चित्ते सारही कल्लं पाउप्पभायाए रयणीए फुल्लुप्पलकमलकोमलुम्मिलियंमि अहापंडुरे पभाए कय नियमावस्सए सहस्सारस्सिमि दिणयरे तेयसा जलंते साओ गिहाओ णिग्गच्छइ त्ता जेणेव पएसिस्स रन्नो गिहे जेणेव पएसी राया तेणेव उवागच्छइ त्ता पएसिं रायं करयल जाव तिकट्टु जएणं विजएणं वद्भावेइ त्ता एवं व०-एवं खलु देवाणुप्पियाणं कंबोएहिं चत्तारि आसा उवणयं उवणीया ते य मए देवाणुप्पियाणं अण्णंया चेव विणइया तं एह णं सामी ! ते आसे चिट्ठ पासह, तरणं से पएसी राया चित्तं सारहिं एवं व० - गच्छाहि णं तुमं चित्ता ! तेहिं चेव चउहिं आसेहिं चाउग्घंटं आसरहं जुत्तामेव उवट्टवेहि त्ता जाव पच्चप्पिणाहिं, तणं से चित्ते सारही पएसिणा रन्ना एवं वुत्ते समाणे हट्टतुट्ठजावहियए उवट्ठवेइ त्ता एयमाणत्तियं पच्चप्पिणइ, तए णं से पएसी राया चित्तस्स सारहिस्स अंतिए
सच्चा णिसम्म हट्ठतुट्ठजावअप्पमहग्घाभरणालंकियसरीरे साओ गिहाओ निग्गच्छइ त्ता जेणामेव चाउग्घंटे आसरहे तेणेव उवागच्छइ चाउग्घंटं आसरहं दुरूहइ त्ता सेयवियाए नगरीए मज्झंमज्झेणं णिग्गच्छइ, तए णं से चित्ते सारही तं रहं णेगाई जोयणाई उब्भामेइ, तए णं से पएसी राया उण्हेण य तण्हाए य रहवाएणं परिकिलंते समाणे चित्तं सारहिं एवं व०-चित्ता ! परिकिलंते मे सरीरे परावत्तेहिं रहं, तए णं से चित्ते सारही रहं परावत्तेइ जेणेव मियवणे उज्जाणे तेणेव उवागच्छइ एसिं राय एवं व० एस णं सामी ! मियवणे उज्जाणे एत्थ णं आसाणं समं किलामं सम्मं पवीणेमो, तए णं से पएसी राया चित्तं सारहिं एवं व० एवं होउ चित्ता !, तए णं से चित्ते सारही जेणेव मियवणे उज्जाणे जेणेव केसिस्स कुमारसमणस्स अदूरसामंते तेणेव उवागच्छइ त्ता तुरए णिगिण्हेइ त्ता रहं ठवेइ त्ता रहाओ पच्चोरूहइ ता तुर मोति तापसं यं एवं व० एह णं सामी ! आसाणं समं किलामं पवीणेमो, तए णं से पएसी राया रहाओ पच्चोरूहइ चित्तेणं सारहिणा सद्धि आसाणं समं किलामं सम्मं पवीणेमाणे पासइ तत्थ केसीकुमारसमणं, महइमहालियाए महच्चपरिसाइ मज्झगयं महया २ सद्देणं धम्ममाइक्खमाणं पासइ त्ता इमेयारूवे अज्झत्थिए जव समुपज्जत्था जड्डा खलु भो ! जड्डं पज्जुवासंति मुंडा खलु भो ! मुंडं पज्जुवासंति मूढा खलु भो ! मूढं पज्जुवासंति अपंडिया खलु भो ! अपंडियं पज्जुवासंति निव्विण्णाण्णा खलु भो ! निव्विण्णाणं पज्जुवासंति से केस णं एस पुरिसे जड्डे मुंडे मूढे अपंडिए निव्विण्णाणे सिरीए हिरीए ववगए उत्तप्पसरीरे, एस णं पुरिसे किमाहारमाहारेइ किं परिमाणे किं खाइ किं पियइ किं दलइ किं पयच्छइ जण्णं एमहालियाए मणुस्सपरिसाए मज्झगए महया २ सद्देणं बुयाए ?, एवं संपेहेइ त्ता श्री आगमगुणमंजूषा - ८३२
ঞএএএএ. फ्र
XOXO
| SR No. | 003263 |
| Book Title | Agam 13 Upang 02 Rajprashniya Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 46 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 5 MB |