Agam 13 Upang 02 Rajprashniya Sutra Shwetambar Agam Guna Manjusha

SR No.: 003263
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 46
Language: Prakrit
Classification: Book_Devnagari, Agam, Canon, & agam_rajprashniya
File Size: 5 MB

Page 29

ORIC%%%
%%%
%%%%
%
(१३) रायपसेणियं [(२) उर्वगसुत्त]
२१]
$$$
$$$
$$
$
20
C%乐听听听听听听听听听听听听听听听听听听听乐乐明明明明明明明明明明明明明明明明明明明明明明明明
णातियरवेणं जेणेव उवागच्छति त्ता सिद्धायतणं पुरथिमिल्लेणं दारेणं अणुपविसतित्ता जेणेव देवच्छंदए जेणेव जिणपडिमाओ तेणेव उवागच्छति त्ता जिणपडिमाणं आलोए पणामं करेति त्ता लोमहत्थगं गिण्हति त्ता जिणपडिमाणं लोमहत्थएणं पमज्जइत्ता जिणपडिमाओ सुरभिणा गंधोदएणं ण्हाणेइ त्ता सरसेणं गोसीसचंदणेणं गायाइं अणुलिंपइ त्ता सुरभिगंधकासाइएणं गायाइं लूहेति त्ता जिणपडिमाणं अहयाइं देवदूसजूयलाई नियंसेइ त्ता पुप्फ रुहणं मल्लारुहणं गंधारुहणं चुण्णासहणं वन्नारुहणं वत्थारुहणं आभरणारुहणं करेइत्ता आसत्तोसत्तविउलवट्टवग्घारियमल्लदामकलावं करेइत्ता कयग्गहगहियकरयलपब्भट्ठविप्पमुक्केणं दसद्धवन्नेणं कुसुमेणं मुक्कपुप्फपुंजोवयारकलियं करेति त्ता जिनपडिमाणं पुरतो अच्छेहि सण्हेहिं रययामएहिं अच्छरसातंदुलेहिं अट्ठमंगले आलिहइ तं०- सोत्थियं जाव दप्पणं, तयाणंतरं.' च णं चंदप्पभरयणवइरवेरुलियमलदंडं कंचणमणिरयणभत्तिचित्तं कालागुरुपवरकुंदुरुक्कतुरुक्कधूवगघमघंतगंधुत्तमाणुविद्धं च धूववहि विणिम्मुयंतं वेरुलियमयं कडुच्छुयं पग्गहिय पयत्तेणं धूवं दाऊण जिणवराणं अट्ठसयविसुद्धगन्थजुत्तेहिं अत्थजुत्तेहिं अपुणरुत्तेहिं महावित्तेहिं संथुणइ त्ता सत्तट्ठ पयाइं पच्चोसक्कइत्ता वामं जाणुं अंचेइ त्ता दाहिणं जाणुं धरणितलंसि निहट्ट तिक्खुत्तो मुद्धाणं धरणितलंसि निवाडेइ त्ता ईसिं पच्चुण्णमइ त्ता करयलपरिग्गहियं० सिरसावत्तं मत्थए अंजलिं कट्ट एवं व० - नमोऽत्थु णं अरहताणं जाव संपत्ताणं, वंदइ नमसइ त्ता जेणेव देवच्छंदए० जेणेव सिद्धायतणस्स बहुमज्झदेसभाए तेणेव उवागच्छइत्ता लोमहत्थगं परामुसइ त्ता सिद्धायतणस्स बहुमज्झदेसभागं लोमहत्थेणं पमज्जति दिव्वाए दगधाराए अब्भुक्खेइ सरसेणं गोसीसचंदणेणं पंचंगुलितलं मंडलगं आलिहइ त्ता कयग्गाहगहिय जाव पुंजोवयारकलियं करेइ त्ता धूवं दलयइ जेणेव सिद्धायतणस्स दाहिणिल्ले दारे तेणेव उवागच्छति त्ता लोभहत्थगं परामुसइ त्ता दारचेडीओ य सालभंजियाओ य वालरूवए य लोभहत्थएणं पमज्जइत्ता दिव्वाए दगधाराए अब्भुक्खेइत्ता सरसेणं गोसीसचंदणेणं चच्चए दलयइत्ता पुप्फारुहणं जाव आभरणारुहणं करेइ त्ता आसत्तोसत्त जाव धूवं दलयइ त्ता जेणेव दाहिणिल्ले दारे मुहमंडवे जेणेव दाहिणिल्लस्स मुहमंडवस्स बहुमज्झदेसभाए तेणेव उवागच्छइ त्ता लोमहत्थगं परामुसइ त्ता बहुमज्झदेसभागं लोमहत्येणं पमज्जइत्ता दिव्वाए दगधाराए अब्भुक्खेइत्ता सरसेणं गोसीसचंदणेणं पंचंगुलितलं मंडलगं आलिहइत्ता कयग्गाहगहिय जाव धूवं दलयइ त्ता जेणेव दाहिणिल्लस्स मुहमंडवस्स पच्चस्थिमिल्ले दारे तेणेव उवागच्छइ त्ता लोभहत्थगं परामुसइ त्ता दारचेडीओ य सालिभंजियाओ य वालरूवए य लोमहत्थेणं पमज्जइ त्ता दिव्वाए दगधाराए० सरसेणं गोसीसचंदणेणं चच्चए दलयइ त्ता पुप्फ रुहणं जाव आभरणारुहणं करेइ त्ता आसत्तोसत्त० कयगाग्गहिय० छूवं दलयइ त्ता जेणेव दाहिणिल्लमुहमंडवस्स उत्तरिल्ला खंभपंती तेणेव उवागच्छइ त्ता लोभहत्थं परामुसइ त्ता थंभे य सालिभंजियाओ य वालरूवए य लोमहत्थएणं पम० जहा चेव पच्चत्थिमिल्लस्स दारस्स जाव धूवं दलयइत्ता जेणेव दाहिणिल्लस्स मुहमंडवस्स पुरच्छिमिल्ले दारे तेणेव उवागच्छइ त्ता लोमहत्थगं परामुसति दारचेडीओ तं चेव सव्वं जेणेव दाहिणिल्लस्स मुहमंडवस्स दाहिणिल्ले दारे तेणेव उवाग्छइ त्ता दारचेडीओ य तं चेव सव्वं जेणेव दाहिणिल्ले पेच्छाघरमंडवे दाहिणिल्लस्स पेच्छाघरमंडवस्स बहुमज्झदेसभागे जेणेव वयरामए अक्खाडए जेणेव मणिपेढिया जेणेव सीहासणे तेणेव उवागच्छइ त्तालोभहत्थगं परामुसइ त्ता अक्खाडगं च मणिपेढियं च सीहासणं च लोमहत्थएणं पमज्जइत्ता दिव्वाए दगधाराए सरसेणं गोसीसचंदणेणं चच्चए दलयइ पुप्फारुहणं आसत्तोसत्त जाव धूवं दलेइत्ता जेणेव दाहिणिल्लस्स पेच्छाघरमंडवस्स पच्चत्थिमिल्ले दारे तं चेव उत्तरिल्ले दारे तं चेव पुरच्छिमिल्ले दारे तं चेव दाहिणे दारे तं चेव, जेणेव दाहिणिल्ले चेइयथूभे तेणेव उवागच्छइत्ता थूभं मणिपेढियं च दिव्वाए दगधाराण अब्भुक्खेइ सरसेण गोसीस० चच्चए दलेइ त्ता पुप्फारुहणं आसत्तो जाव धूवं दलेइ जेरेव पच्चत्थिमिल्ला मणिपेढिया जेणेव पच्चत्थिमिला जिणपडिमा तं चेव, जेणेव उत्तरिल्ला जिणपडिमा तं चेव सव्वं (१४७) जेणेव पुरच्छिमिल्ला मणिपेढिया जेणेव पुरच्छिमिल्ला जिणपडिमा तेणेव उवागच्छइ तं चेव, दाहिणिल्ला मणिपेढिया दाहिणिल्ला जिणपडिमा तं चेव, जेणेव दाहिणिल्ले चेइयरुक्खे
तेणेव उवागच्छइत्तातं चेव, जेणेव दाहिणिल्लए महिंदज्झएजेणेव दाहिणिल्लाणंदापुक्खरिणी तेणेव उवागच्छति लोमहत्थगं परामुसति तोरणे य तिसोवाणपडिरूवए २ सालिभं जियाओ य वालरूवए य लोमहत्थएणं पमज्जइ दिव्वाए दगधाराए० सरसेणं गोसीचंदणेणं० पुप्फ रुहणं० आसत्तोसत्त० धूवं दलयति, सिद्धाययणं MONO55555555555555555555555 श्री आगमगुणमंजूषा-२५॥55555555555555555555555XOK
5.95乐乐明明明明明明明明乐听听听听听听听听听听听听乐乐乐乐乐乐乐乐乐乐乐乐乐乐乐乐乐乐乐乐乐听听乐52C