Agam 13 Upang 02 Rajprashniya Sutra Shwetambar Agam Guna Manjusha

SR No.: 003263
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 46
Language: Prakrit
Classification: Book_Devnagari, Agam, Canon, & agam_rajprashniya
File Size: 5 MB

Page 24

(१३) रायपसेणियं [ (२) उवंगसुतं ]
तेसिंणं चेइयरूक्खाणं इमेयारूवे वण्णावासे पं० तं० वयरामया मूला रययसुपइट्ठिया सुविडिमा रिट्ठामयविउला कंदा वेरूलिया रूइला खंधा सुजायवरजायरूवपढमगा विसालसाला नाणामणिमयरयणविविहसाहप्पसाहा वेरूलियपत्ततवणिज्जपत्तबिंटा जंबूणयरत्तमउयसुकु मालपवालसोभिया वरंकु रग्गसिहरा विचित्तमणिरयणसुरभिकुसुमफलभरनमियसाला अहियं मणनयणणिव्वुइकरा अमयरससमरसफला सच्छाया सप्पभा सस्सिरीया सउज्जोया पासाईया०, तेसिं णं चेइयरूक्खाणं उवरिं अट्ठट्ठमंगलगा झया छत्ताइच्छत्ता, तेसिं णं चेइयरूक्खाणं पुरतो पत्तेयं २ मणिपेढियाओ पं०, ताओ णं मणिपेढियाओ अट्ठ जोयणाइं आयामविक्खंभेणं चत्तारि जोयणाई बाहल्लेणं सव्वमणिमईओ अच्छाओ जाव पडिरूवाओ, तासिं णं मणिपेढियाणं उवरिं पत्तेयं २ महिंदज्झया पं०, तेणं महिंदज्झया सट्ठि जोयणाई उड् ढं उच्चत्तेणं जोयणं उव्वेहेणं जोयणं विक्खंभेणं वइरामया वट्टलट्ठ सुसिलिट्ठ परिघट्टमट्ठसुपतिट्ठिया विसिट्ठा अणेगवरपंचवण्णकुडभिसहस्सपरिमंडियाभिरामा वाउद्धुयविजयवेजयंतीपडागा छत्ताइच्छत्तकलिया तुंगा गयणतलमभिलंघमाणसिहरा पासादीया० अट्ठट्ठमंगलगा झया छत्तातिच्छत्ता, तेसिं णं महिंदज्झयाणं पुरतो पत्तेयं २ नंदा पुक्खरिणीओ पं०, ताओ णं पुक्खरिणीओ एवं जोयणसयं आयामेणं पण्णासं जोयणाइं विक्खंभेणं दस जोयणाई उव्वेहेणं अच्छाओ जाव वण्णओ एगइयाओ उदगरसेणं पं०, पत्तेयं २ पउमवरवेइया परिक्खित्ताओ पत्तेयं २ वणसंडपरिक्खित्ताओ, तासिं णं णंदाणं पुक्खरिणीणं तिदिसिं तिसोवाणपडिरूवगा पं०, तिसोवाणपडिरूवगाणं वण्णओ तोरणा झया छत्तातिच्छत्ता, सभाए णं सुहम्माए अडयालीसं मणोगुलियासाहस्सीओ पं० तं०-पुरच्छिमेणं सोलस साहस्सीओ पच्चच्थिमेणं सोलस साहस्सीओ दाहिणेणं अट्ठसाहस्सीओ उत्तरेणं अट्ठ साहस्सीओ, तासु णं मणागुलियासु बहवे सुवण्णरूप्पमया फलगा पं० तेसु णं सुवन्नरूप्पमएसु फलगेसु बहवे वइरामया णागदंतगा पं० तेसु णं वइरामएसु णागदंतएसु किण्हसुत्तवट्टवग्घारियमल्लदामकलावा० चिट्ठति, सभाए णं सुहम्माए अडयालीसं गोमाणसियासाहस्सीओ पं० जहा मणोगुलिया जाव णागदंतगा, तेसु णं णागदंत सु हवे यामया सिक्का पं०, तेसु णं रययामएसु सिक्कगेसु बहवे वेरूलियामईओ धूवधडियाओ पं०, ताओ णं धूवघडियाओ कालागुरूपवर जाव चिट्ठति, सभाए णं सुहम्माए अंतो बहुसमरमणिज्जे भूमिभागे पं० जाव मणीहिं उवसोभिए मणिफासो य उल्लोओ य, तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं महेगा मणिपेढिया पं० सोलस जोयणाई आयामविक्खंभेणं अट्ठ जोयणाई बाहल्लेणं सव्वमणिमयी जाव पडिरूवा, तीसे णं मणिपेढियाए उवरिं एत्थ माणवए चेइयखंभे पं० सट्ठि जोयणाई उड्ढउच्चेत्तेणं जोयणं उव्वेहेणं जोयणं विक्खंभेणं अडयालीसं अंसिए अडयालीसं सइकोडीए अडयालीसं सइविग्गहिए से सं जहा महिंदज्झयस्स, माणवगस्स णं चेइयखंभस्स उवरिंबारस जोयणाई ओगाहेत्ता हेट्ठावि बारस जोयणाई वज्जेत्ता मज्झे छत्तीसाए जोयणेसु एत्थ णं बहवे सुवण्णरूप्पमया फलगा पं०, तेसु णं सुवण्णरूप्पामएसु फलएसु बहवे वइरामया णागदंता पं०, तेसु णं वइरामएसु नागदंतेसु बहवे रययामया सिक्कगा पं०, तेसु णं रययामएसु सिक्कगेसु बहवे वइरामया गोलवट्टसमुग्गया पं०, तेसु णं वयरामएस गोलवट्टसमुग्गाएसु बहवे (हूओ) जिणसकहातो संनिक्खित्ताओ चिट्ठति तातो सूरियाभस्स देवस्स अन्नेसिं च बहूणं देवाण य देवीण य अच्चणिज्जाओ जाव पज्जुवासणिज्जातो, माणवगस्स णं चेइयखंभस्स उवरिं अट्ठट्ठमंगलया झया छत्ताइच्छत्ता ।३६। तस्स माणवगस्स चेइयखंभस्स पुरच्छिमेणं एत्थ णं महेगा मणिपेढिया पं०, अट्ठ जोयणाइं आयामविक्खंभेणं चत्तारि जोअणाई बाहल्लेणं सव्वमणिमई अच्छा जाव पडिरूवा, तीसे णं मणिपेढियाए उवरिं एत्थ णं महेंगे सीहासणे वण्णतो सपरिवारो, तस्स णं माणवगस्स चेइयखंभस्स पच्चत्थिमेणं एत्थ णं महेगा मणिपेढिया पं० अट्ठ जोयणाई आयामविक्खंभेणं चत्तारि जोयणाई बाहल्लेणं सव्वमणिमई अच्छा जाव पडिरूवा, तीसे णं मणिपेढियाए उवरिं एत्थ णं महेगे देवसयणिज्जे पं०, तस्स णं देवसयणिज्जस्स इमेयारूवे वण्णावासे पं० तं० णाणामणिमया पडिपाया सोवन्निया पाया णाणामणिमयाइं पायसीसगाई जंबूणयामयाई .. त्तगाई वयरामया संधी णाणामणिमए विच्चे रययामया तूली तवणिज्जमया गंडोवहाणया लोहियक्खमया बिब्बोयणा, से णं सयणिज्जे उभओ बिब्बोयणे दुहतो उण्णते मज्झे णयगंभीरे सालिंगणवट्टिए गंगापुलिणवालुयाउद्दालसालिसए सुविरइयरयत्ताणे उवचियखोमदुगुल्लपट्टपडिच्छायणे रत्तंसुयसंवुए सुरम्मे
आप ६६६ श्री आगमगुणमंजूषा - ८२०
K
[ १६ ]