Page Text
________________
(१३) रायपसेणियं [ (२) उवंगसुतं ]
[१२]
पगंठाणं झया छत्ताइच्छत्ता, तेसिं णं दाराणं उभओ पासे सोलस २ तोरणा पं० णाणामणिमया णाणामणिमएस खंभेसु उवणिविट्ठसन्निविट्ठा जाव पउमहत्थगा, तेसिं णं तोरणाणं पुरओ दो दो सालभंजियाओ पं० जहा हेट्ठा तहेव, तेसिं णं तोरणाणं पुरओ दो दो नागदंता पं० जहा हेट्ठा जाव दामा, तेसिं णं तोरणाणं पुरओ दो दो हयसंघाडा गयसंघाडा नरसंघाडा किन्नरसंघाडा किंपुरिससंघाडा महोरगसंघाडा गंधव्वसंघाडा उसभसंघाडा सव्वरयणामया अच्छा जाव पडिरूवा, एवं वीहीओ पंतीओ मिहुणाई, तेसिं णं तोरणाणं पुरओ दो दो पउमलयाओ जाव सामलयाओ णिच्वं कुसुमियाओ सव्वरयणामया अच्छा जाव पडिरूवाओ, तेसिं णं तोरणाणं पुरओ दो दो अक्खंय (दिसा) सोवत्थिया पं० सव्वरयणामया अच्छा जाव पडिरूवा, ते सिं णं तोरणाणं पुरओ दो दो चंदणकलसा पं०, ते णं चंदणकलसा वरकमलपइट्ठाणा तहेव, तेसिं णं तोरणाणं पुरतो दो दो भिंगारा पं०, ते णं भिंगारा वरकमलपइट्ठाणा जाव महया मत्तगयमुहाकितिसमाणा पं० समणाउसो !, तेसिं तोरणा पुरओ दो दो आयंसा पं०, तेसिं णं आयंसाणं इमेयारूवे वन्नावासे पं० तं० तवणिज्जमया पगंठगा वेरूलियमया सुरया वइरामया दोवारंगा णाणामणिमया मंडला अणुग्धसितनिम्मलाते छायाते समणुबद्धा चंदमंडलपडिणिकासा महया अद्धकायसमाणा पं० समणाउसो !, तेसिं णं तोरणाणं पुरओ दो दो वइरनामथाला पं० अच्छतिच्छडियसालिंतंदुलणहसंदिद्वपडिपुन्नाइव चिट्ठति सव्वजंबूणयमया जाव पडिरूवा महया २ रहचक्कवालसमाणा पं० समणाउसो !, तेसिं णं तोरणाणं पुरओ पातीओ० ताओ णं पाईओ अच्छोदगपरिहत्थाओ णाणामणिपंचवन्नस्स फलहरियगस्स बहुपडिपुन्नाओविव चिद्वंति सव्वरयणामईओ अच्छा जाव पडिरुवाओ महया० गोकलिंजरचक्कसमाणीओ पं० समणाउसो !, तेसिं णं तोरणाणं पुरओ दो दो सुपरट्ठा पं० णाणाविहभंडविरइयाइव चिट्ठति सव्वरयणामया अच्छा जा पडिरूवा, तेसिं णं तोरणाणं पुरओ दो दो मणोगुलियाओ पं०, तासु णं मणगुलियासु बहवे सुवन्नरूप्पमया फलगा पं०, तेसु णं सुवन्नरूप्पमएसु फलगेसु बहवे वयरामया नागदंतया पं०, तेसु णं वयरामएस (१४५) नागदंतएसु बहवे वयरामया सिक्कगा पं०, तेसु णं वयरामएसु सिक्कगेसु किण्हसुत्तसिक्कगवच्छिता णी सुत्तसिक्कगवच्छिया लोहियसुत्तसिक्कगवच्छिया हालिद्दसुत्तसिक्कगवच्छिया सुक्किल्लसुत्तसिक्कगवच्छिया बहवे वायकरगा पं०, सव्वे वेरूलियमया अच्छा ज़ाव पडिरूवा, तेसिं णं तोरणाणं पुरओ दो दो चित्ता रयणकरंडगा पं०, से जहानामए रन्नो चाउरंतचक्कवट्टिस्स चित्ते रयणकरंडए वेरूलियमणिफलिडपडलपच्चोयडे साते पहाते ते पतेसे सव्वतो समंता ओभासति उज्जोवेति तवति भा (पगा) सति एवामेव तेऽवि चित्ता रयणकरंडगा साते पभाते ते पएसे सव्वओ समंता ओभासंति उज्जोवेति तवंति पगासंति, तेसिं णं तोरणाणं पुरओ दो दो हयकंठा गयकंठा नरकंठा किन्नरकंठा किंपुरिसकंठा महोरगकंठा गंधव्वकंठगा उसभकंठा सव्ववयरामया अच्छा जाव पडिरूवा, तेसु णं हयकंठएसु जाव उसभकंठएसु दो दो पुप्फचंगेरीओ (मल्लचंगेरीओ) चुन्नचंगेरीओ गंधचंगेरीओ वत्थचंगेरीओ आभरणचंगेरीओ सिद्धत्थचंगेरीओ लोमहत्थचंगेरीओ पं० सव्वरयणामयाओ अच्छाओ जाव पडिरूवाओ, तासु णं पुप्फचंगेरीआसु जाव लोमहत्थचंगेरीसु दो दो पुप्फपडलगाई जाव लोमहत्थपडलगाई सव्वरयणामयाई अच्छाई जाव पडिरूवाई, तेसिं णं तोरणाणं पुरओ दो दो सीहासणा पं०, तेसिं णं सीहासणाणं वन्नओ जाव दाम, तेसिंणं तोरणा पुरओ दो दो रूप्पमया छत्ता पं०, ते णं छत्ता वेरूलियविमलदंडा जंबूणयकन्निया वइरसंधी मुत्ताजालपरिगया अट्ठसहस्सवरकंचणसलागा दद्दरमलयसुगंधी सव्वोउयसुरभी सीयलच्छाया मंगलभत्तिचित्ता चंदागारोवमा, तेसिं णं तोरणाणं पुरओ दो दो चामराओ पं०, ताओ णं चामराओ (चंदप्पभवेरू लियवरनानामणिरयणखचियचित्तदण्डाओ) णाणामणिकणगरयणविमलमहरिहतवणिज्जुज्जलविचित्तदंडाओ चिल्लियाओ संखंककुंददगरयअमयमहियफेणपुंजसन्निगासातो सुहुमरययदीहवालातो सव्वरयणामयाओ अच्छाओ जाव पडिरूवाओं, तेसिं णं तोरणाणं पुरओ दो दो तेल्लसमुग्गा कोट्ठसमुग्गा पत्तसमुग्गा चोयगस० तगरस० एलास० हरियालस० हिंगुलयस० मणोसिलास० अंजण० सव्वरयणामया अच्छा जाव पडिरूवा |२९| सूरियाभे णं विमाणे एगमेगे दारे अट्ठसयं चक्कज्झयाणं अट्ठसयं मिगज्झयाणं गरूडज्झयाणं छत्तज्झयाणं पिच्छज्झयाणं सउणिज्झयाणं सीहज्झयाणं उसभज्झयाणं अट्ठसयं सेयाणं चउविसाणाणं नागवरकेऊणं एवामेव सपुव्वावरेणं सूरियाभे विमाणे एगमेगे दारे असीयं केउसहस्सं भवतीति मक्खायं, सूरियाभे णं विमाणे पण्णट्ठि भोमा ॐ श्री आगमगुणमंजूषा - ८१६ फ्र
GKO
X
| SR No. | 003263 |
| Book Title | Agam 13 Upang 02 Rajprashniya Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 46 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 5 MB |