Agam 13 Upang 02 Rajprashniya Sutra Shwetambar Agam Guna Manjusha

SR No.: 003263
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 46
Language: Prakrit
Classification: Book_Devnagari, Agam, Canon, & agam_rajprashniya
File Size: 5 MB

Page 12

(१३) रायपसेणियं [ (२) उवंगसुतं ]
दिसीभागं अवक्कमति त्ता वेडव्वियसमुग्धाएणं समोहणंति त्ता संखेज्जाई जोयणाई जाव अहाबायरे पोग्गले० त्ता अहासहुमे पोग्गले परियाएइ त दोच्चंपि वेउव्वियसमुग्धाएणं समोहणित्ता अणेगखंभसयसन्निविट्टं जाव दिव्वं जाणविमाणं विउव्विरं पवत्ते यावि होत्था, तए णं से आभिओगिए देवे तस्स दिव्वस्स जाणविमाणस्स तिदिसिं तओ तिसोवाणपडिरूवए विउव्वति, तं० पुरच्छिमेणं दाहिणेणं उत्तरेणं, तेसिं तिसोवाणपडिरूवगाणं इमे एयारूवे वण्णावासे पं० तं०वइरामया णिम्मा रिट्ठामया पतिट्ठाणा वेरूलियामया खंभा सुवण्णरूप्पमया फलगा लोहितक्खमइयाओ सूईओ वयरामया संधी णाणामणिमया अवलंबणा अवलंबणबाहाओ य पासादीया जाव पडिरूवा, तेसिं णं तिसोवाणपडिरूवगाणं पुरओ तोरणा णाणामणिमएसु थंभेसु उवनिविट्ठसण्णिविट्ठविविहमुत्तंतरोवचिया विविहतारारूवोवचिया जाव पडिरूवा, तेसिं णं तोरणाणं उप्पि अट्ठट्ठमंगलगा पं० तं० सोत्थियसिरिवच्छणंदियावत्तवद्धमाणगभद्दासणकलसमच्छदप्पणा (प्र० जाव पडिरूवा) तेसिं च णं तोरणाणं उप्पिं बहवे किण्हचामरज्झए जाव सुक्किलचामरज्झए अच्छे सण्हे रूप्पपट्टे वइरामयदंडे जलयामलगंधिए सुरम्मे पासदीए दरिसणिज्जे अभिरूवे पडिरूवे विउव्वति, तेसिं णं तोरणाणं उप्पिं बहवे छत्तातिच्छत्ते घंटाजुगले पडागाइपडागे उप्पलहत्थए कुमुदणलिणसुभग सोगंधियपोंडरीयमहापोंडरीयसतपत्तसहस्सपत्तहत्थए सव्वरयणामए अच्छे जाव पडिरूवे विउव्वति, तए णं से आभिओगिए देवे तस्स दिवस्स जाणविमाणस्स अंतो बहुसमरमणिज्जं भूमिभागं विउव्वति, से जहाणामए आलिंगपुक्खरेति वा मुइंगपुक्खरेइ वा सरतलेइ वा करतलेइ वा चंदमंडलेइ वा सूरमंडलेइ वा आयंसमंडलेइ वा उरब्भचम्मेइ वा (प्र० वसहचम्मेइ वा) वराहचम्मेइ वा सीहचम्मेइ वा वग्घचम्मेइ वा मिगचम्मेइ वा छगलचम्मेइ वा दीवियचम्मेइ वा अणेगसंकुकीलकसहस्सवितए आवडपच्चावडसे ढिपसेढिसोत्थिय (सोवत्थि) पूसमाणग (वद्धमाणग) मच्छंडगमगरंडगजारामाराफुल्लावलिपउम-पत्तसागरतरंगवसंतलयपउमलयभत्तिचित्तेहिं सच्छाएहिं सप्पभेहिं समरीइएहिं सउज्जोएहिं णाणाविहपंचवण्णेहिं मणीहिं उवसोभिए तं०- किण्हेहिं णीलेहिं लोहिएहिं हालिद्देहिं सुक्किल्लेहिं, तत्थ णं जे ते किण्हा मणी तेसिं णं मणीणं इमे एतारूवे वण्णावासे पं०, से जहानामए जीमूतएइ वा अंजणेइ वा खंजणेइ वा कज्जलेइ वा गवलेइ वा गवलगुलियाइ वा भमरेइ वा भमरावलियाइ वा भमरपतंगसारेति वा जंबूफलेति वा अद्दारिट्ठेइ वा परहुतेइ वा गएइ वा गयकलभेइ वा किण्हसप्पेइ वा किण्हकेसरेइ वा आगासथिग्गलेइ वा किण्हासोएइ वा किण्हकणवीरेइ वा किण्हबंधुजीवेइ वा भवे एयारूवे सिया ?, णो इणट्ठे समट्ठे (प्र० ओवम्मं समणाउसो !) ते णं किण्हा मणी इत्तो इट्ठतराए चेव कंततराए चेव पिअतराए चेव मणामतराए चेव मणुण्णतराए चेव वण्णेणं पं०, तत्थ णं जे ते नीला मणी तेसिं णं मणीणं इमे एयारूवे वण्णावासे पं०, से जहानामए भिंगेइ वा भिंगपत्तेइ वा सुएइ वा सुयपिच्छेइ वा चासेइ व चासपिच्छेइ वा णीलीइ वा णीलीभेदेइ वा णीलीगुलियाई वा सामाइ वा उच्चन्तेइ वा वणरातीइ वा
घरवसणे वा मोरग्गीवाइ वा अयसिकुसुमेइ वा बाणकुसुमेइ वा अंजणकेसियाकुसुमेइ वा नीलुप्पलेइ वा णीलबंधुजीवेइ वा णीलकणवीरेइ वा भवेयारूवे सिया ?, णो इणट्ठे समट्ठे, ते णं णीला मणी एत्तो इट्टतराए चेव जाव वण्णेणं पं०, तत्थ णं जे ते लोहियगा मणी तेसिं णं मणीणं इमेयारूवे वण्णावासे पं०, से जहाणामए उरब्भरूहिरेइ वा ससरूहिरेइ वा नररूहिरेइ वा वराहरूहिरेइ वा महिसरूहिरेइ वा बालिंदगोवेइ वा बालदिवाकरेइ वा संघब्भरागेइ वा गुंजद्धरागेइ वा जासुअणकुसुमेइ वा किंसुयकुसुमेइ वा पालियायकुसुमेइ वा जाइहिंगुलएति वा सिलप्पवालेति वा पवालअंकुरेइ वा लोहिंयक्खमणीइ वा लक्खारसगेति वा किमिरागकंबलेति वा चीणपरासीति वा रत्तुप्पलेइ वा रत्तासोगेति वा रत्तकणवीरेति वा रत्तुबंधुजीवेति वा, भवे एयारूवे सिया ?, णो इणट्टे समट्ठे, ते णं लोहिया मणी इत्तो इट्ठतराए चेव जाव वण्णं पं०, तत्थ णं जे ते हालिद्दा मणी तेसिं रठ मणीणं इमेयारूवे वण्णावासे पं०, से जहाणामए चंपेति वा चंपगउल्लीति वा चंपगभेएइ वा हलिद्दाइ वा हलद्दाभेदेति वा हलिद्दगुलियाति वा हरियालियाति वा हरियालभेदेति वा हरियालगुलियाति वा चिउरेइ वा चिउरंगरातेति वा वरकणगेइ वा वरकणनिघसेइ वा सुवण्णसिप्पाएति वा वरपुरिसवसणेति वा अल्लकीकुसुमेति वा चंपाकुसुमेइ वा कुहंडियाकुसुमेइ वा तडवडाकुसुमेइ वा घोसेडियाकुसुमेइ वा सुवण्णजूहियाकुसुमेह वा सुहिरण्णकुसुमेति वा कोरंटवरमल्लदामेति वा बीयकुसुमेइ वा पीयासोगेति वा पीयकणवीरेति वा पीयबंधुजीवेति वा, भवे एयारूवे सिया ?, णो इणट्ठे समट्ठे, ते
55555 श्री आगमगणमंजूषा ८०८ YOR
GK96
[8]