Page Text
________________
YOKO%%%%%%%%%%%%%
555555555555555SOXY कम्मंसा अपलिक्खीणा (अवेइया अनिज्जिण्णा पा०) भवंति तं०- वेयणिज्ज आउयं णामं गुत्तं, सव्वबहा से वयणिज्जे कम्मे भवइ सव्वत्योवे से आउए कम्मेपका, विसमं समं करेइ बंधणेहिं ठिईहि य विसमसमकरणयाए बंधणेहिं ठिईहि य एवं खलु केवली समोहणंति एवं खलु केवली समुग्घायं गच्छंति, सव्वेविणं भंते ! केवली समुग्घायं गच्छंति ? णोइणढे समढे, 'अकिच्चाणं समुग्घायं अणंता केवली जिणा। जरामरणविप्पमुक्का, सिद्धिं वरगइं गया |८|| कइसमए णं भंते ! आउज्जीकरणे पं० १ गोयमा !असंखेज्जसमइए अंतोमुहुत्तिए पं०, केवलिसमुग्घाए णं भंते ! कइसमइए पं० ? गोयमा ! अट्ठसमइए पं० तं०- पढमे समए दंडं करेइ बिइए समए कवाडं करेइ तईए समए मंथं करेइ चउत्थे समए लोयं पूरेइ पंचमे समए लोयं पडिसाहरइ छढे समए मंथं पडिसाहरइ, सत्तमे समए कवाडं पडिसाहरइ अट्ठमे समए दंडं पडिसाहरइत्ता तओ पच्छा सरीरत्थे भवइ, से णं भंते ! तहा समुग्घायं गए किं मणजोगं जुंजइ वयजोगं जुंजइ कायजोगं जुंजइ ? गोयमा ! णो मणजोगं जुंजइ णो वयजोगं जुजइ कायजोगं जुंजइ, कायजोगं जुंजमाणे किं ओरालियसरीरकायजोगं जुंजइ ओरालियमिस्स० वे उब्वियसरीरकायजोगं जंजइ वेउब्वियमिस्ससरीरकायजोगं जुंजइ आहारसरीरकायजोगं जुंजइ आहारसरीरमिस्सकायजोगं जुंजइ कम्मा० ?. गोयमा ! ओरालियसरीरकायजोगं जुंजइ ओरालियमिस्ससरीकायजोगंपि जुंजइ णो वेउव्विय० णो वेउब्वियमिस्स० णो आहारग० णो आहारगमिस्स० कम्मसरीरकायजोगंपि जुंजइ, पढमट्ठमेसु समएसु ओरालियसरीरकायजोगं जुंजइ बिइयछट्ठसत्तमेसु समएसु ओरालियमिस्ससरीरकायजोगं जुंजइ तईयचउत्थपंचमेहिं कम्मासरीरकायजोगं जुजइ, सेणं भंते ! तहा समुग्घायगए सिज्झिहिइ वुज्झिहिइ मुच्चिहिइ परिनिव्वाहिइ सव्वदुक्खाणमंतं करेहिइ ?, णो इणढे समढे, सेणं तओ पडिनियत्तइत्ता इहमागच्छइ त्ता तओ पच्छा मणजोगंपि जुंजइ वयजोगंपि जुंजइ कायजोगंपि जुंजइ, मणजोगं जुंजमाणे किं सच्चमणजोगं मुंजइ मोस० सच्चामोस० असच्चामोस०?, गोयमा ! सच्चमणजोगं जुंजइ णो मोस० णो सच्चामोस० असच्चामोसमणजोगंपि जुंजइ, वयजोगं मुंजमाणे किं सच्चवइजोगं मुंजइ मोस० किं सच्चामोस० असच्चामोस?. गोयमा ! सच्चवइजोगं जुंजइणो मोस० णो सच्चामोस० असच्चामोसवइजोगंपि जुंजइ, कायजोगं जुंजमाणे आगच्छेज्ज वा चिटेज वा णिसीएज्ज वा तुयट्टेज वा उल्लंघेनं वा पलंघेज वा उक्खेवणं वा अवक्खेवणं वा तिरियक्खेवणं वा करेज्जा पाडिहारियं वा पीढफलगसेज्जसंथारगं पच्चप्पिणेज्जा ।४२। सेणं भंते! तहा सजोगी सिज्झिहिइ जाव अंतं करेहिइ?, णो इणढे समटे, से णं पुव्वामेव सण्णिस्स पंचिदियस्स पज्जत्तगस्स जहण्णजोगस्य हेट्ठा असंखेज्जगुणपरिहीणं पढम मणजोगं निरंभइ तयाणंतरं च णं बिदियस्स पज्जत्तगस्स जहण्णजोगस्स हेट्ठा असंखेज्जगुणपरिहीणं बिइयं वइजोगं निरंभइ तयाणंतरं च णं सुहुममस्स पणगजीवस्य अपज्जत्तगस्स जहण्णजोगस्स हेट्ठा असंखेज्जगुणपरिहीणं तईयं कायजोगं णिसंभइ, से णं एएणं उवाएणं पढ़मं मणजोगं णिरुंभइ त्ता वयजोगं णिरुंभइ त्ता कायजोगं णिरुंभइ त्ता जोगनिरोहं करेइत्ता अजोगत्तं पाउणति त्ता इसिंहस्सपंचक्खरउच्चारणद्धाए असंखेजसमइमं अंतोमुहुत्तियं सेलेसिं पडिवज्जइ पुव्वरइयगुणसेढीयं च णं कम्मंतीसे सेलेसिमद्धाए असंखेज्जाहिं गुणसेढीहिं अणंते कम्मंसे खवेति वेयणिज्जाउयणामगुत्ते इच्चेते चत्तारि कम्मसे जुगवं खवेइ त्ता ओरालियतेयाकम्माई सव्वाहिं विप्पजहणाहिं विप्पजहइ त्ता उज्जुसेढीपडिवन्ने अफुसमाणगई उड्ढे एक्कसमएणं अविग्गहेणं गंता सागारोवउत्ते सिज्झिहिइ, ते णं तत्थ सिद्धा हवंति सादीया अपज्जवसिया असरीरा जीवघणा दंसणनाणोवउत्ता निट्ठियट्ठा निरयणा नीरया णिम्मला वितिमिरा विसुद्धा सासयमणागयद्धं कालं चिट्ठति, से केणट्टणं भंते ! एवं वुच्चइ- तेणं तत्थ सिद्धा भवंति सादीया अपज्जवसिया जाव चिट्ठति ?, गोयमा ! से जहाणामए बीयाणं अग्गिदड्ढाणं पुणरवि अंकुरुप्पत्तीण भवइ एवामेव सिद्धाणं कम्मबीए दइढे पुणरवि जम्मुप्पत्ती न भवइ से तेणद्वेणं गोयमा ! एवं वुच्चइ-तेणं तत्थ सिद्धा हवंति सादीया अपज्जवसिया जाव चिट्ठति, जीवाणं भंते ! सिज्झमाणा
कयरंमि संघयणे सिज्झंति ? गोयमा! वइरोसभणायसंघयणे सिझंति, जीवाणं भंते ! सिज्झमाणा कयरंमि संठाणे सिझंति ? गोयमा ! छण्हं संठाणाणं अण्णतरे है संठाणे सिज्झंति, जीवा णं भंते ! सिज्झमाणा कयरम्मि उच्चत्ते सिझंति ?, गोयमा ! जहण्णेणं सत्तरयणीओ उक्कोसेणं पंचधणुस्सए सिझंति, जीवा णं भंते !
सिज्झमाणा कयरम्मि आउए सिझंति ?, गोयमा ! जहण्णेणं साइरेगट्ठवासाउए उक्कोसेणं पुव्वकोडियाउए सिज्झंति, अत्थि णं भंते ! इमीसे रयणप्पहाए पुढवीए फ़ अहे सिद्धा परिवसंति ? णो इणढे समढे, एवं जाव अहेसत्तमाए, अत्थि णं भंते ! सोहम्मस्स कप्पस्स अहे सिद्धा परिवसंति?,णो इणढे समढे, एवं सव्वेसिंपुच्छा,
ईसाणस्स सणंकुमारस्स जाव अच्चुयस्स गेविज्जविमाणाणं अणुत्तरविमाणाणं, अत्थि णं भंते ! ईसीपब्भाराए पुढवीए अहे सिद्धा परिवसंति?, णो इणद्वे समढे, से Horos555555555555555555 श्री आगमगुणमंजूषा -८७३-555555555555555555555555FOTOR
CO乐乐乐乐$$$$$$$$$$$$$$$$$$$$$$$$$$$$$
乐乐听听听听听听听听听听听听听听听听听听听听听听听听听听听听听织乐乐乐乐坊乐乐听听听听听听听听明明屬
$$$$$$明明明
| SR No. | 003262 |
| Book Title | Agam 12 Upang 01 Auppatik Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 34 |
| Language | Prakrit |
| Classification | Book_Devnagari, Agam, Canon, F000, F005, & agam_aupapatik |
| File Size | 4 MB |