Page Text
________________
(१२) उववाइअं [ (१) उवंगसुतं
सीलव्वयगुणवेरमणपच्चक्खाणपोसहोववासेहिं अप्पाणं भावेमाणे बहूइं वासाइं समणोवासयपरियायं पाउणिहिति त्ता मासियाए संलेहणाए अप्पाणं सत्ता स भत्ताइं अणसणाए छेदित्ता आलोइयपडिक्कंते समाहिपत्ते कालमासे कालं किच्चा बंभलोए कप्पे देवत्ताए उववज्जिहिति, तत्थ णं अत्थेगइयाणं देवाणं दस सागरोवमाई ठिई पं०, तत्थ णं अम्मडस्सवि देवस्स दस सागरोवमाइं ठिई, से णं भंते! अम्मडे देवे ताओ देवलोगाओ आउक्खएणं भवक्खएणं ठिइक्खएणं अणंतरं चयं चत्ता कहिं गच्छिहिति कहिं उवज्जिहिति ?, गोयमा ! महाविदेहे वासे जाई इमाई कुलाई भवंति तं० - अड्ढाई दित्ताइं वित्ताइं विच्छिण्णविउलभवणसयणासणजाणवाहणा (इण्णा) इं बहुधणजायरूवरययाई आओगपओगसंपउत्ताइं विच्छड्डियपउरभत्तपाणाई बहुदासीदासगोमहिसगवेलगप्पभूयाइं बहुजणस्स अपरिभूयाइं तहप्पगारेसु कुलेसु पुमत्ताए पच्चायाहिति, तए णं तस्स दारगस्स गब्भत्थस्स चेव समाणस्स अम्मापिईणं धम्मे दढा पइण्णा भविस्सइ से णं तत्थ णवण्हं मासाणं बहुपि अद्धमाण इंदियाणं वीइक्कंताणं सुकुमालपाणिपाए जाव ससिसोमाकारे कंते पियदंसणे सुरूवे दारए पयाहिति, तए णं तस्स दारगस्स अम्मापियरो पढमे दिवसे ठिइवडियं काहिंति बिइयदिवसे चंदासूरदंसणियं काहिति छट्ठे दिवसे जागरियं काहिति एक्कारसमे दिवसे वीतिक्कंते णिव्वित्ते असुइजायकम्मकरणे संपत्ते बारसाहे दिवसे अम्मापियरो इमं एयारूवं गोण्णं गुणाणप्फण्णं णामधेज्जं काहिति जम्हा णं अम्हे इमंसि दारगंसि गब्भत्यंसि चेव समाणंसि धम्मे दढा पइण्णा तं होउ णं अहं दार दढपणे णामेणं, तए णं तस्स दारगस्स अम्मापियरो णामधेज्जं करेहिति दढपइण्णेति, तं दढपइण्णं दारगं अम्मापियरो साइरेगऽट्ठवासजातगं त्ति सोभस तहिकरणणक्खत्तमुहुत्तंसि कलायरियस्स उवणेहिंति, तए णं से कलायरिए तं दढपइण्णं दारगं लेहाइयाओ गणियप्पहाणाओ सउणरूयपज्जवसाणाओ बावत्तरिं कलाओ सुत्ततो य अत्थतो य करणतो य सेहाविहिति सिक्खाविहिति, तं०-लेहं गणितं रूयं णट्टं गीयं वाइयं सरमयं पुक्खरगयं समतालंजूयं जणवायं पासकं अट्ठावयं पोरेकच्चं दगमट्टियं अण्णविहिं पाणविहिं वत्थविहिं १८ विलेवणविहिं सयणविहिं अज्जं पहेलियं मागहिअं गाहं गीइयं सिलोयं हिरण्णत्ती सुवण्णत्ती गंधजुत्ती चुण्णजुत्ती आभरणविहिं तरूणीपडिकम्मं इत्थिलक्खणं पुरिसलक्खणं हयलक्खणं गयलक्खणं ३६ गोणलक्खणं कुक्कुडलक्खणं चक्कलक्खणं छत्तलक्खणं चम्मलक्खणं दंडलक्खणं असिलक्खणं मणिलक्खणं काकणिलक्खणं वत्थुविज्जं खंधारमाणं नगरमाणं वत्थुनिवेसणं वूहं पडिवूहं चारं पडिचारंचक्कवूहं ५४ गरूलवूहं सगडवूहं जुद्धनिजुद्धं जुद्धातिजुद्धं मुट्ठिजुद्धं बाहुजुद्धं लयाजुद्धं इसत्थं छरूप्पवाहं धणुव्वेयं हिरण्णपागं सुवण्णपागं वट्टखेड्डं णालियाखेड्ड पत्तच्छेज्जं कडव (ग) च्छेज्जं सज्जीवं निज्जीवं सउणरूत ७२ मिति बावत्तरिं कला सेहाविति० अम्मापिईणं उवणेहिति, तए णं तस्स दढपइण्णस्स दारगस्स अम्मापियरो तं कलायरिअं विपुलेणं असणपाणखाइमसाइमेणं वत्थगंधमल्लालंकारेण य सक्कारेहिंति सम्माणेहिति विपुलं जीवियारिहं पीइदाणं दलिस्सन्ति त्ता पडिविसज्जेहिति, तए णं से दढपइण्णे दारए बावत्तरिकलापंडिए नवंगसुत्तपडिबोहिए अट्ठारसदेसीभासाविसारए गीयरतीगंधव्वणट्टकुसले हयजोही गयजोही रहजोही बाहुजोही बाहुप्पमद्दी बियालचारी साहसिए अलंभोगसमत्थे आवि भविस्सइ, तए णं तं दढपइण्णं दारगं अम्मापियरो बावत्तरिकलापंडियं जाव अलंभोगसमत्थं वियाणित्ता विउलेहिं अण्णभोगेहिं पाणभोगेहिं लेणभोगेहिं वत्थभोगेहिं सयणभोगेहिं कामभोगेहिं उवणिमंतेहिति, तए णं से दढपइण्णे दारए तेहिं विउलेहिं अण्णभोगेहिं जाव सयणभोगेहिं णो सज्जिहिति णो रज्जिहिति णो गिज्झिहिति णो अज्झोववज्जिहिति, से जहाणामए उप्पलेइवा पउमेइ वा कुसुमेइ वा नलिइ वा सुभगेइ वा सुगंधेइ वा पोंडरीएइ वा महापोंडरीएइ वा सतपत्तेइ वा सहस्सपत्तेइ वा सतसहस्सपत्तेइ वा पंके जाए जले संवुड्ढे णोवलिप्पर पंकरएणं णोवलिप्पइ जलरएणं एवमेव दढपइण्णेवि दारए कामेहिं जाए भोगेहिं संवुड्ढे णोवलिप्पिहिति कामरएणं णोवलिप्पिहिति भोगरएणं गोवलिप्पिहिति मित्तणाइणियगसयणसंबंधिपरिजणेणं सेणं तारूवाणं राणं अंतिए केवलं बोहिं बुज्झिहिति त्ता अगाराओ अणगारियं पव्वइहिति, से णं भविस्सइ अणगारे भगवंते ईरियासमिए जाव गुत्तबंभयारी, तस्स णं भगवंतस्स एतेणं विहारेणं विहरमाणस्स अणंते अणुत्तरे णिव्वाघाए निरावरणे कसिणे पडिपुण्णे केवलवरणाणदंसणे समुप्पज्जिहिति तए णं से दढपणे केवली बहूई वासाइं केवलिपरियागं पाउणिहिति त्ता मासियाए संलेहणाए अप्पाणं झूसित्ता सहिं भत्ताइं अणसणाए छेएत्ता जस्सट्ठाए कीरइ णग्गभावे मुंडभावे MOTOR श्री आममगुणमंजूषा - ८०००
YO
原
[२०]
फ़क XOR
| SR No. | 003262 |
| Book Title | Agam 12 Upang 01 Auppatik Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 34 |
| Language | Prakrit |
| Classification | Book_Devnagari, Agam, Canon, F000, F005, & agam_aupapatik |
| File Size | 4 MB |