Agam 12 Upang 01 Auppatik Sutra Shwetambar Agam Guna Manjusha

SR No.: 003262
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 34
Language: Prakrit
Classification: Book_Devnagari, Agam, Canon, F000, F005, & agam_aupapatik
File Size: 4 MB

Page 15

C美乐乐乐乐听听听听听听乐乐听听听听听听听听听听听听听听听听听听听听明明明明明明明明明明明明明明明明6C
YOT39555555555555
कफ॥॥
exong (ठाणाइएपा०) उक्कुडुआसणिए पडिमट्ठाई वीरासणिएनेसज्जिए दंडायएलउडसाई (लगंडसाई पा०) आयावए अवाउडए अकंडूअए अणिठूहए (धुयकेसमंसुलोमा पा०) सव्वगायपरिकम्मविभूसविप्पमुक्के. से तं कायकिलेसे. से किं तं पडिसंलीणया ?. २ चउव्विहा पं० तं०-इंदिअपडिसंलीणया कसायपडिसंलीणया जोगपडिसलीणया विवित्तसयणासणसेवणया, से किं तं इंदियपडिसंलीणया ?,२ पंचविहा पं० तं०-सोइंदियविसयपयारनिरोहो वा सोइंदियविसयपत्तेसु अत्थेसु रागदोसनिग्गहो वा चक्खिदिय० विसयपयारनिरोहो वा चक्खिदियविसयपत्तेसुअत्थेसुरागदोसनिग्गहो वाघाणिदियविसयपयारनिरोहो वा धाणिदियविसयपत्तेसु अत्थेसु रागदोसनिग्गहो वा जिभिदियविसयपयारनिरोहो वा जिब्भिदियविसयपत्तेसु अत्थेसु रागदोसनिग्गहो वा फासिदियविसयपयारनिरोहो वा फासिदियविसयपत्तेसु अत्थेसु रागदोसनिग्गहो वा, से तं इंदियपडिसलीणया, से किं तं कसायपडिसलीणया ?, २ चउव्विहा पं० तं०-कोहस्सुदयनिरोहो वा उदयपत्तस्स वा कोहस्स विफलीकरणं माणस्सुदयनिरोहो वा उदययपत्तस्स माणस्स विफलीकरणं मायाउदयणिरोहो वा उदयपत्ताए वा मायाए विफलीकरणं लोहस्सुदयणिरोहो वा उदयपत्तस्स वा लोहस्स विफलीकरणं, सेतं कसायपडिसंलीणया, से किं तं जोगपडिसंलीणया ?, २ तिविहा पं० तं०-मणजोगपडिसंलीणया वयजोगपडिसलीणया कायजोगपडिसंलीणया, से किं तं मणजोगपडिसंलीणया?, २ अकुसलमणणिरोहो वा कुसलमणउदीरणं वा, से तं मणजोगपडिसंलीणया, से किं तं वयजोगपडिसलीणया ?, २ अकुसलवयणिरोहो वा कुसलवयउदीरणं वा, से तं वयजोगपडिसलीणया, से किं तं कायजोगपडिसलीणया ?, २ जण्णं सुसमाहिअपाणिपाए कुम्मोइव गुत्तिदिए सव्वगायपडिसलीणे चिट्ठइ, से तं कायजोगपडिसलीणया, से किं तं विवित्तसयणासणसेवणया ?, २ जंणं आरामेसु उज्जाणेसु देवकुलेसु सभासु पवासु परियगिहेसु पणिअसालासु इत्थीपसुपंडगसंसत्तिविरहियासु वसहीसु फासुएसणिज्जपीढफलगसेज्जासंथारगं उवसंपज्जित्ताणं विहरइ, से तं पडिसंलीणया, सेत बाहिरए तवे ।१९। से किं तं अब्भितरए तवे ?, २ छव्विहे पं० २०-पायच्छित्तं विणओ वेयावच्चं सज्झाओ झाणं विउस्सग्गो, से किंतं पायच्छिते?,२ दसविहे पं० तं०-आलोअणारिहे पडिक्कमणारिहे तदुभयारिहे विवेगारिहे विउस्सग्गारिहे तवारिहेछेदारिहे मूलारिहे अणवठ्ठप्पारिहे पारंचिआरिहे, से तं पायच्छित्ते, से किं तं विणए ?, २ सत्तविहे पं० २०-णाणविणए दंसणविणए चरित्तविणए मणविणए वइविणए कायविणए लोगोवयारविणए, से किं तं णाणविणए ?, २ पंचविहे पं० तं०-आभिणिबोहियणाणविणए सुअ० ओहि० मणपज्जव० केवल०, से किं तं दसणविणए ?, २ दुविहे पं० तं०-सुस्सूसणाविणए अणच्चासायणाविणए, से किं तं सुस्सूसणाविणए ?, २ अणेगविहे पं० २०-अब्भुट्ठाणेइ वा आसणाभिग्गहेइ वा आसणप्पदाणेइ वा सक्कारेइ वा सम्माणेइ वा किइकम्मेइ वा अंजलिपग्गहेइवा एंतस्स अणुगच्छणया ठिअस्स पज्जुवासणया गच्छंतस्स पडिसंसाहणया, से तं सुस्सूसणाविणए, से किं तं अणच्चासायणाविणए ?, २ पणतालीसविहे पं० तं०-अरहताणं अणच्चासायणया अरहंतपण्णत्तस्स धम्मस्स अण० आयरियाणं अण० एवं उवज्झायाणं थेराणं कुलस्स गणस्स संघस्स किरिआणं संभोगिअस्स ओभिणिबोहियणाणस्स सुअणाणस्स ओहिणाणस्स मणपज्जवणाणस्स केवलणाणस्स० एएसिं चेव भत्तिबहुमाणे एएसिं चेव वण्णसंजलणया, सेतं अणच्चासायणाविणए, से किंतं चरित्तविणए ?, २ पंचविहे पं० तं०-सामाइअचरित्तविणए छेओवट्ठावणिअ० परिहारविसुद्ध० सुहुम संपराय० अहक्खायचरित्तविणए, से तं चरित्तविणए, से किं तं मणविणए ?, २ दुविहे पं० तं०-पसत्थमणविणए अपसत्थमणविणए, से किं तं अपसत्थमणविणए ?, २ जे अफ मणे सावज्जे सकिरिए सकक्कसे कडुए णिठुरे फरूसे अण्हयकरे छेयकरे भेयकरे परितावणकरे उद्दवणकरे भूओवघाइए तहप्पगारं मणो णो पहारेजा, से तं अपसत्थमणोविणए, से किं तं पसत्थमणोविणए ?, २ तं चेव पसत्यं णेयव्वं, एवं चेव वइविणओऽवि एएहिं पएहिं चेवणेअव्वो, सेतं वइविणए, से किं तं कायविणए ?, २ दुविहे पं० तं०-पसत्थकायविणए य अपसत्थकायविणए य, से किं तं अपसत्थकायविणए ?,२ सत्तविहे पं० त०-अणाउत्तं गमणे अण्णाउत्तं ठाणे अणाउत्तं ठाणे अणाउत्तं निसीदणे अणाउत्तं तुअट्टणे अणाउत्तं उल्लंघणे अणाउत्तं पलंघणे अणाउत्तं सव्विदियकायजोगजुंजणया, से तं अपसत्थकायविणए, से किं सं.
पसत्थाकायविणए ?, २ एयं (तं) चेव पसत्थं भाणियव्वं, सेतं पसत्थकायविणए, सेतं कायविणए, से किं तं लोगोवयारविणए ?, २ सत्तविहे पं० त०-अब्भासवत्तियं Exerci #555555555555555555 श्री आगमगुणमंजूषा - ७८७555555555555555555555555 GTION
0名乐乐乐历历乐乐乐听听听听听听听听听听听听听听乐明明明乐听听听听听听听听听听听听听听听听乐乐乐乐明國