Page Text
________________
(१०) पण्डावागरणं बीओ सूयवखंधो अ. ४ संवरदाराई (२१)
ततीयं
नारीण
होति अबंभचेरवेरमणपरिरक्खणट्टयाए, पढमं सयणासणघरदुवारअंगण आगासगवक्खसाल अभिलोयणपच्छवत्थुकपसाहणकण्हाणिकावकासा अवकासा जे य वेसियाणं अच्छंति य जत्थ इत्थिकाओ अभिक्खणं मोहदोसरतिरागवड्ढणीओ कहिति य कहाओ बहुविहाओ तेऽवि हु वज्जणिज्जा इत्थीसंसत्तसंकिलिट्ठा अन्नेविय एवमादी अवकासा ते हु वज्जणिज्जा जत्थ मणोविन्भमो वा भंगो वा भस्सणा वा अहं रुदं च हुज्ज झाणं तं तं वज्जेज्ज वज्जभीरू अणायतणं अंतपंतवली एवमसंपत्तवासवसही समितिजोगेण भावितो भवति अंतरप्पा आरतमणविरयगामधम्मे जितिदिए बंभचेरगुत्ते, बितियं नारीजणस्स मज्झे न कहेयव्वा कहा विचित्ता विब्बोयविलाससंपउत्ता हाससिंगारलोइयकहव्व अणायतणं अन्तपन्तवासी एवमसंसत्तवासवसधी मोहजणणी न आवाहविवाहवरकहाविव इत्थीणं वा सुभगभगकहा चउसट्ठि च महिलागुणा न वन्नदेसजातिकुलरूवनामनेवत्थपरिजणकहा इत्थियाणं अन्नावि य एवमादियाओ कहाओ सिंगारकलणाओ तवसंजमबंभचेरघातोवघातियाओ अणुचरमाणेणं बंभचेरं न कहेयव्वा न सुणयव्वा न चिंतेयव्वा, एवं इत्थीकहविरतिसमितिजोगेणं भावितो भवति अंतरप्पा आरत मणविरयगामधम्मे जिति दिए बंभचेरगुत्ते, हसितभणितचेट्टियविप्पे क्खितगइविलासक लियं विब्वोतियनट्टगीतवातियसरीरसंठाणवन्नकरचरणनयणलाववन्नरूवजोव्वणपयोहराधरवत्थालंकारभूसणाणि य गुज्झोवकासियाई अन्नाणि य एवमादियाई तवसंजमबंभचेरघातोवघातियाई अणुचरमाणेणं बंभचेरं न चक्खुसा न मणसा न वयसा पत्थेयव्वाइं पावकम्माई, एवं इत्थीरूवरितिसमितिजोगेण भावितो भवति अंतरप्पा आरतमणविरयगामधम्मे जितिदिए बंभचेरगुत्ते, चउत्थं पुव्वरयपुव्वकीलियपुव्वसंगंथगंथसंथुया जे ते आवाहविवाह चोल्लकेसु य तिथिसु जन्नेसु उस्सवेसु सिंगारागार चारुवे साहिं हावभाव पललियविक्खे वविलाससालिणीहिं अणुकूलपेम्मिकाहिं सद्धिं अणुभूया सयणसंपओगा उदुसुहवरकुसुमसुरभिचंदणसुगंधिवरवासधू वसु हफ रिसवत्थभूसणगुणोववेया रमणिज्जाउज्जगे वपउरा नडनट्टगजल्लमल्लमुट्ठिकवेलंबगकहगपवगलासगआइक्खगलंखलंखमंखतूणइल्लतुंबवी- णियतालायरपकरणाणि य बहूणि महुरसरगीतसुस्सराई अन्नाणि य एवमादियाणि तवसंजमबं भचे रघातो वघातियाइं अणुचरमाणेणं बंभचेरं न तातिं समणेणं लब्भा दट्टु न कहेउ नवि सुमरिउ जे, एवं पुव्वरयपुव्वकीलियविरतिसमितिजोगेण भावितो भवति अंतरप्पा आरयमणविरतगामधम्मे जिइंदिए बंभचेरगुत्ते, पंचमगं आहारपणीयनिद्धभोयणविवज्जते संज सुसाहू ववगय खीरदहिसप्पिनवनीयतेल्लगुलखंडमच्छंडिकममहुमज्जामांसखज्जकज्जविगतिपरिचत्तकयाहारे ण दप्पणं न बहुसो न नितिकं न सायसूपाहिकं न खद्धं तहा भोत्तव्वं जह से जायामाता य भवति, न य भवति विब्भमो न भंसणा य धम्मस्स, एवं पणीयाहारविरतिसमितिजोगेण भावितो भवति अंतरप्पा आरयमणविरतगामधम्मे जिइंदिए बंभचेरगुत्ते, एवमिणं संवरस्स दारं सम्मं संवरियं होइ सुपणिहितं इमेहिं पञ्चहिवि कारणेहिं मणवयणकायपरिरक्खिएहिं णिच्चं. आमरणतं च एसो जोगो णेयव्वो धितिमया मतिमया अणासवो अकलुसो अच्छिदो अपरिस्सावी असंकिलिट्ठो सुद्धो सव्वजिणमणुन्नातो, एवं चउत्थं संवरदारं फासिय पालितं सोहितं तीरितं किहितं आणाए अणुपालियं भवति, एवं नायमुणिणा भगवया पन्नवियं परूवियं पसिद्धं सिद्धवरसासणमिणं सिद्धं आघवियं सुदेसितं पसत्थं, ★★★ चउत्थं संवरदारं समत्तंतिबेमि । २७ । द्वारं ४ (९) ॥ जंबू ! ★★★ अपरिग्गहसंवुडे य समणे आरंभपरिग्गहातो विरते विरते कोमाणमायालोभाएगे असंजमे दो चेव रागदोसा तिन्नि य दंडगारवा य गुत्तीओ तिन्नि तिन्नि य विराहणाओ चत्तारि कसाया झाणासन्नाविकहा चउरो पंच य किरियाओ समिति इंदियमहव्वयाइं च छ जीवनिकाया छच्च लेसाओ सत्त भया अट्ठ य मया नव चेव य बंभचेरवयगुत्ती दसप्पकारे य समणधम्मे एक्कारस य उवासकाणं बारस य भिक्खूणं पडिमा किरियठाणा य भूयगामा परमाधम्मिया गाहासोलसया असंजम अबंभणाअसमाहिठाणा सबला परिसहा सूयगडज्झयणदेवभावणउद्देसगुणपकप्पपावसुतमोहणिज्जे सिद्धानिगुणा य जोगसंगहे तित्तीसा आसातणा सुरिंदा आदिं एक्कातियं करेत्ता एक्कत्तरियाए कड्ढीए तीसती जाव उभवे तिकाहिका विरतीपणिही अविरतीसु य एक्भादिसु बहूस ठाणेसु जिणपसत्थेसु अवितहेसु सासयभावेसु अवट्ठिएस संकं कखं निराकरेत्ता
Education International 2010 03
..For Private & Bersonal Use Only
11 फफफफफफफफफफफफ श्री आ. गणमंजपा ०५३ फफफफफफफफफफफफ
****
य
ॐॐॐॐॐॐॐॐ
| SR No. | 003260 |
| Book Title | Agam 10 Ang 10 Prashna Vyakaran Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 4 MB |