Page Text
________________
फ्र
(१०) पहावरणं पटां
य
सुरनरवतिसक्कया
पिसायभूयजक्खरक्खसकिन्नरकिंपुरिसमहोरगगंधव्वा तिरियजोइसविमाणवासिमणुयगणा जलयरथलयरखहयरा य मोहपडिवद्रचित्ता अवितण्णा कामभोगतिसिया तहाए बलवईए महईए समभिभूया गढिया य अतिमुच्छिया य अबंभे उस्सण्णं तामसेण भावेण अणुम्मुक्का दंसणचरित्तमोहस्स पंजरंपिव करेति अन्नोऽत्रं सेवमाणाभुज्जो असुरसुरतिरियमणु अभोगरतिविहारसंपउत्ता चक्क वट्टी सुरवरुव देवलोए भरहणगणगरणियम जणवयपुरवरदोणमुहखेडकब्बडमडंबसंवाहपट्टणसहस्समंडियं थिमियमेयणीयं एगच्छत्तं ससागरं भुंजिऊण वसुहं नरसीहा नरवई नरिंदा नरवसभा मरुयवसभकप्पा अब्भहियं रायतेयलच्छीए दिप्पमाणा सोमा रायवंसतिलगा रविससिसं खवरचक्क सोत्थियपडागजवमच्छ कुम्मरहवर्भगभवणविमाणतुरयतोरणगोपुरमणिरयणनंदियावत्तमुसलणंगलसुरइयवरकप्परुक्खमिगवतिभद्दासणसुरूविथूभवरमउडसरिय कुंडलकुंजरवरवसभदीव
मंदिरगरुलद्धयइंदकेउदप्पणअट्ठावयचावबाणनक्खत्तमेहमेहलवीणाजुगछत्तदामदामिणिकमंडलुकमघंटावरपोतसूइसागरकुमुदागरमगरहारगागरनेउरणगण
गरवइरकिन्नरमयूरवररायहंससारसचकोरचक्कवागमिहुणचामरखेडगपव्वीसगविपंचिवरतालियंटसिरियाभिसेयमेइणिखग्गंकुसविमलकलसभिंगारवद्धमाण
गपसत्थउत्तमविभत्तवरपुरिस
लक्खणधरा बत्तीसंवररायसहस्साणुजायमग्गा चउसट्ठि सहस्सपवरजुवतण
रत्ताभा
पउमपम्हकोरंटगदामचंपक सुतवियवरक णक निहसवन्ना सुजायसव्वंगसुंदरंगा महग्घवरपट्टणुग्गयविचित्तरागएणिपेणिणिम्मियदु गुल्लवरचीणपट्टकोसेज्जसोणीसुत्तक (ज्जाखोमिय पा०) विभूसियंगा वरसुरभिगंधवरचुण्णवासवरकुसुमभरियसिरया कप्पियच्छेयायरियसुकयरइत- मालकडगं (कुंडल पा०) गयतुडियपवरभूसणपिणद्धदेहा एकावलिकंठसुरइयवच्छा पालंबपलंबमाणसुकयपडउत्तरिज्जमुद्दियापिंगलंगुलिया उज्जलनेवत्थरइयचेल्लगविरायमाणा तेएण दिवाकरोव्व दित्ता सारयनवत्थणियमहुरगंभीरनिद्धघोसा उप्पन्नसमत्तरयणचक्करयणप्पहाणा नवनिहिवइणो समिद्धकोसा चाउरंता चाउराहिं सेणाहिं समणुजातिज्नमाणमग्गा तुरगवती गयवती रहवती नरवती विपुलकुलवीसुयजसा सारयससिसकलसोमवयणा सूरा तेलोक्कनिग्गयपभावलद्धसद्दा समत्तभरहाहिवा नरिंदा ससेलवणकाणणं च हिमवंतसागरंतं धीरा भुत्तूण भरहवासं जियसत्तू पवररायसीहा पुव्वकडतवप्पभावा निविट्ठसचियसुहा अणेगवाससयमायुवंतो भज्जाहि य जणवयप्पहाणाहिं लालियंता अतुलसद्दफरिसरसरूवगंधे य अणुभवेत्ता (न्ता) तेवि उवणमंति मरणधम्मं अवितत्ता कामाणं । भुज्जो भुज्जो बलदेववांसुदेवा य पवरपुरिसा महाबलपरक्कमा महाधणुवियट्टका महासत्तसागरा दुद्धरा धणुदरा नरवसभा रामकेसवा भायरो सुपुरिसा वसुदेवसमुद्दविजयमादियदसाराणं पज्जुन्न पतिवसंबअनिरूद्धनिसहउम्मुयसारणगयसुमुहदुम्मुहादीण जायवाणं अद्धट्ठाणवि कुमारकोडीणं हिययदयिया देवीए रोहिणीए देवीए देवकीए य आणंदहिययभावनं दणकरा सोलसरायवरसहस्साणुजातमग्गा सोलसदेवी सहस्सवरणयणहिययदइया णाणामणिक णगरयणमोत्तियपवालधणधन्नसंचयरिद्धिसमिद्धकोसा हयगयरहसहस्संसामी गामागरनगरखेडकब्बडमडंबदोणमुहपट्टणासमसंबाहसहस्सथिमियणिव्वयपमुदितजविविहसासनिप्फज्जमाणमेइणिसरसरियतलागसेलकाणणआरा मुज्जाणमणाभिरामपरिमंडियस्स दाहिणड्ढवेयड्ढगिरिविभत्तस्स लवणंजलहिपरिगयस्स छव्विहकालगुणकामजुत्तस्स अद्धभरहस्स सामिका धीरकित्तिपुरिसा ओहबला अइबला अनिहया अपराजियसत्तुमद्दणरिपुसहस्समाणमहणा साणुक्कोसा अमच्छरी अचवला अचंडा मितमंजुलपलावा हसियगंभीरमहुरभणिया (महुरपरिपुण्णसच्चवयणा पा० ) अब्भुवगयवच्छला सरण्णा लक्खणवंजणगुणोववेया माणुम्माणपमाणपडिपुन्नसुजायसव्वंगसुंदरंगा ससिसोमागारकं तपियदंसणा अमरिसणा पर्यडडंडप्पयारगंभीरदरिसणिज्जा तालद्धउव्विद्धगरूलके ऊ बलवगगज्जतदरितदप्पितमुट्ठियचाणूरमूरगा रिट्ठवसभघातिणो केसरिमुहविप्फाडगा दरितनागदप्पमहणा जमलज्जुणभंजगा महासउणिपूतणारिवू कंसमउडमोडगा जरासिंधमाणमहणा (अब्भपडलपिंगलुज्जले हिं अविरलसमसहियचंडमंडलसमप्पभे हिं (मंगल सयभत्तिच्छे यचित्तियखिखिणिमणि हे मजालविइयपरिगयपेरं तक णयघंटियपयलिय खिणिखिणित सुमहु रसुइसुहसद्दालसो हिऐहिं
तेहि
य
पा० )
Private & Personal Use Only
LC LC LE LE LG G4545454545454545454545454545454 श्री आLLET
णयणकं ता
HARY
| SR No. | 003260 |
| Book Title | Agam 10 Ang 10 Prashna Vyakaran Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 4 MB |