Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 94

1619555555555555555
) णायाधम्मकहाओ प. म.
१.अ. अवरकंका ८३]
5555555555555550 र
明明明明明明明明明明明明明明明明明明明明明明明明明明明明明听听听听听听听听听听
त्ता मज्जणघरं अणुपविसति, २ ण्हाया कयबलिकम्मा कयकोउयमंगलपायच्छित्ता सुद्धप्पावेसाइं मंगल्लाइं वत्थाई पवर परिहिया मज्जणधरओ पडिनिक्खमइ. २ जेणेव जिणघरे तेणेव उवागच्छइ, २ जिणघरं अणुपविसइ, २ जिणपडिमाणं आलोए पणाम करेति, २ लोमहत्थयं परामुसति, २ एवं जहा सूरियाभो जिणपडिमाओ' अच्चेति तहेव भाणियव्वं जाव धृवं डहइ, २ वामं जाणुं अंचेति, दाहिणं जाणुं धरणितलंसि णिहट्ट तिक्खुनो मुद्धाणं धरणितलंसि णिमेइ. २ ईसिं पच्चुणामति २ करयल जाव कट्ट एवं वयासी नमोऽत्थु णं अरहताणं भगवंताणं जाव संपत्ताणं । वंदइ नमसइ, २ जिणधराओ पडिनिक्खमति, २ ताजणेव अंत उर तणव उवागच्छइ । १२०. तते णं तं दोवइं रायवरकन्नं अंतेउरियाओ सव्वलंकारविभूसियं करेंति, किं ते ? वरपायपत्तणेउर जाव चेडियाचक्कवालमयहरिगवंदपरिक्खित्ता अंतेउराओ पडिणिक्खमति, २ जेणेव बाहिरिया उवट्ठाणसाला जेणेव चाउग्घंटे आसरहे तेणेव उवागच्छइ, २ किड्डावियाए लेहियाए सद्धिं चाउग्घंटं आसरह दुरुहति । तते णं से धट्ठज्जुणे कुमारे दोवतीए कण्णाए सारत्थं करेति । तते णं सा दोवती रायवरकण्णा कंपिल्लपुरं नयरं मज्झंमज्झेणं जेणेव सयंवरमंडवे तेणेव उवागच्छति, २ त्ता रहं ठवेति, २ रहाओ पच्चोरुहति, २त्ता किड्डावियाए लेहियाए सद्धिं सयंवरमंडवं अणुपविसति, २ करयलप [रिग्गहियं दसणहं सिरसावत्तं मत्थए अंजलिं कट्ट] तेसिं वासुदेवपामोक्खाणं बहूणं रायसहस्साणं पणामं करेति । तते णं सा दोवती रायवरकन्ना एगं महं सिरिदामगंडं, किं ते? पाडल-मल्लियचंपय जाव सत्तच्छयाईहिं गंधद्धणिं मुयंतं परमसुहफासं दरिसणिज्जं गेण्हति । तते णं सा किड्डाविया सुरूवा जाव कामहत्थेण चिल्लगं दप्पणं गहेऊण सललियं दप्पणसंकंतबिंबसंदंसिए य से दाहिणेण हत्थेण दरिसए पवररायसीहे, फुडविसयविसुद्धरिभियगंभीरमहुरभणिया सा तेसिं सव्वपत्थिवाणं अम्मापिऊ-वस-सत्तसामत्थ-गोत्त-विक्कंति-कंति-बहुविहआगम-माहप्प-रूव-कुल-सीलजाणिया कित्तणं करेति । पढमं ताव वण्हिपुंगवाणं दसारवरवीरपुरिसतेलोक्कबलवगाणं सत्तुसयसहस्समाणा-वमद्दगाणं भवसिद्धियवरपुंडरीयाणं चिल्लगाणं बल-वीरिय-रूव-जोव्वण-गुण-लावन्न-कित्तिया कित्तणं करेति। ततो पुणो उग्गसेणमाइयाणं जायवाणं । भणति य सोहग्गरूवकलिते वरेहि वरपुरिसगंधहत्थीण जो हु ते होति हिययदइओ। तते णं सा दोबई रायवरकन्नगा बहूणं रायसहस्साणं मज्झंमज्झेणं समतिच्छमाणी २, पुव्वकयणियाणेणं चोइज्जमाणी २, जेणेव पंच पंडवा तेणेव उवागच्छति, २ ता ते पंचपंडवे तेणं दसद्धवण्णेणं आवेढित-परिवेढिए करेति, २ त्ता एवं वयासी एए णं मए पंच पंडवा वरिया। तते णं ताई वासुदेवपामोक्खाई बहूणि रायसहस्साणि महया २ सद्देणं उग्धोसेमाणाइं २ एवं क्यंति-सुवरियं खलु भो! दोवतीए रायवरकन्नाए त्ति कट्ट संयवरमंडवाओ पडिनिक्खमंति, २ त्ता जेणेव सया सया आवासा तेणेव उवागच्छंति । तते णं धट्ठज्जुणे कुमारे पंच पंडवे दोवतिं च रायवरकण्णं चाउग्घंटं आसरह हेति, २ त्ता कंपिल्लपुरं णयर मज्झमझेणं जाव सयं भवणं अणुपविसति । तते णं दुवए राया पंच पंडवे दोवतिं रायवरकण्णं पट्टयं दूहेति, २ सेयापीयएहिं कलसेहिं मन्झावेति, २त्ता अग्गिहोम कारेति, २पंचण्हं पंडवाणं दोवतीए पाणिग्गहणं कारेति । तते णं से दुपए राया दोवतीए रायवरकण्णाए इमं एयारूवं पीतिदाणं दलयति, तंजहा अट्ठहिरण्णकोडीओ जाव अट्ठ पेसणकारीओ दासचेडीओ, अण्णं च विपुलं धणकणग जाव दलयति। तते णं से दुपए राया ताई वासुदेवपामोमक्खाइं रायसहस्साई विपुलेणं असण-पाण-खाइम-साइमेणं वत्थ-गंध जाव पडिविसज्जेति।१२१. तते णं से पंडू राया तेसिं वासुदेवपामोक्खाणं बहूणं रायसहस्साणं करयल परिग्गहियं दसणहं सिरसावत्तं मत्थए अंजलि कट्ट] एवं वयासी एवं खलु देवाणुप्पिया ! हत्थिणाउरे नगरे पंचण्हं पंडवाणं दोवतीए य देवीए कल्लाणकारे भविस्सति । तं तुब्भे णं देवाणुप्पिया ! ममं अणुगिण्हमाणा अकालपरिहीणं चेव समोसरह । तते णं ते वासुदेवपामोक्खा पत्तेयं २ जाव पहारेत्थ गमणाए । तते णं से पंडू राया कोडुबियपुरिसे सद्दावेइ. २ एवं वयासी गच्छह णं तुब्भे देवाणुप्पिया ! हत्थिणाउरे पंचण्हं पंडवाणं पंच पासायवडेंसए
कारेह अब्भुग्णयमूसिय० वण्णओ जाव पडिरूवे। तते णं ते कोडुबियपुरिसा पडिसुणेति जाव कारावेति । तते णं से पंडूराया पंचहिं पंडवेहिं दोवतिए देवीए सद्धिं हयहै गय- -रह-पवर-जोहकलियाए चाउरंगिणीए सेणाए सद्धिं संपरिखुडे कंपिल्लपुराओ पडिनिक्खमइ, २ त्ता जेणेव हत्थिणाउरे तेणेव उवागते । तते णं से पंडू राया, तेसिं वासुदेव-पामोक्खाणं आगमणं जाणित्ता कोडुंबियपुरिसे सद्दावेइ, २ एवं वयासी गच्छह णं तुब्भे देवाणुप्पिया ! हत्थिणाउरस्स नयरस्स बहिया
5555555555555555 श्री आगमगुणमंजूषा - ६७३5555555555$$$$$$$$$$FSOK
$听听听听听听听听听听听听听听听听听听听听听听听$$$$$$听听听听听乐听听听听听听听听听听听听听CC
55442OD