Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 92

K
(६) णायाधम्मकहाओ प. सु.
वीरसेणपामोक्खाओ एक्कवीसं वीरपुरिससाहस्सीओ, महसेणप्रामोक्खाओ छप्पन्नं बलवगसाहस्सीओ, अन्ने य बहवे राईसर-तलवरसेट्ठि-सेणावति-सत्थवाहप्पभितओ करतलपरिग्गहियं दसनहं सिरसावत्तं मत्थए अंजलि कट्टु जएणं विजएणं वद्धावेहि, २ एवं वयाहि एवं खलु देवाणुप्पिया ! कंपिल्लपुरे नगरे दुपयस्स रण्णो धूयाए चुलणीए अत्तयाए धट्टज्जुणकुमारस्स भगिणीए दोवईए रायवरकण्णाए सयंवरे भविस्सह, तं णं तुब्भे देवाणुप्पिया ! दुपयं रायं अणुगिण्हमाणा अकालपरिहीणं चेव कंपिल्लपुरे नगरे समोसरह । तए णं से दूए करयल जाव कट्टु दुपयस्स रण्णो एयमहं पडिसुणेति, २ जेणेव सए गि उवागच्छइ, २ कोडुंबियपुरिसे सद्दावेति, २ एवं वयासी खिप्पामेव भो देवाणुप्पिया ! चाउग्घंट आसरहं जुत्तामेव उवट्ठवेह, जाव उवट्टवेति । तए णं से दूर ह जाव सरीरे चाउग्घंटं आसरहं दुरुहति, २ बहूहिं पुरिसेहिं सन्नद्ध जाव गहियाउहपहरणेहिं सद्धिं संपरिवुडे कंपिल्लपुरं नगरं मज्झंमज्झेणं निग्गच्छति, २ पंचालजणवयस्स मज्झंमज्झेणं जेणेव देसप्पंते तेणेव उवागच्छइ, २ सुरद्वाजणवयस्स मज्झंमज्झेणं जेणेव बारवती नगरी तेणेव उवागच्छइ, २ बारवई नगरिं मज्झंमज्झेणं अणुपविसइ, २ जेणेव कण्हस्स वासुदेवस्स बाहिरिया उवट्ठाणसाला तेणेव उवागच्छइ, २ चाउग्घंटं आसरहं ठवेइ, २ रहाओ पच्चोरुहति, २ मणुस्सवग्गुरापरिक्खित्ते पायचारविहारेणं जेणेव कण्हे वासुदेवे तेणेव उवागच्छइ, २ कण्हं वासुदेवं समुद्दविजयपामोक्खे य दस दसारे जाव बलवगसाहसीओ करयल तं चैव जाव समोसरह । तते णं से कण्हे वासुदेवे तस्स दूयस्स अंतिए एयमहं सोच्चा निसम्म हट्ठ जाव हियए तं दूतं सक्कारेति सम्माणेति, २ पडिविसज्जेति । तए णं से कण्हे वासुदेवे कोडुंबियपुरिसं सद्दावेति, २ एवं वयासी गच्छ णं तुमं देवाणुप्पिया ! सभाए सुहम्माए सामुदाइयं भेरिं तालेहि । तए णं से कोडुंबियपुरिसे करयल [परिग्गहियं दसणहं सिरसावत्तं मत्थए अंजलिं कट्टु] कण्हस्स वासुदेवस्स एयमद्वं पडिसुणेति, २ जेणेव सभाए सुहम्माए सामुदाइया भेरी तेणेव उवागच्छति, २ सामुदाइयं भेरिं महया २ सद्देणं तालेति । तए णं ताए सामुदाइयाए भेरीए तालियाए समाणीए समुद्दविजयपामोक्खा दस दसारा जाव महसेणपामोक्खाओ छप्पण्णं बलवगसाहस्सीओ पहाया जाव विभूसिया जहाविभवइडिसक्कारसमुदएणं अप्पेगइया हयगया अप्पेगतिया जाव पायचारविहारेण जेणेव कण्हे वासुदेव तेणेव उवागच्छंति, २ करयल जाव कण्हं वासुदेवं जएणं विजएणं वद्धावेति । तए णं से कण्हे वासुदेवे कोडुंबियपुरिसे सद्दावेति, २ एवं वयासी खिप्पामेव भो देवाणुप्पिया ! अभिसेक्वं हत्थिरयणं पडिकप्पेह हयगय जाव पच्चप्पिणंति । तते णं से कण्हे वासुदेवे जेणेव मज्झणघरे तेणेव उवागच्छति, २ समुत्तजालाकुलाभिरामे जाव अंजणगिरिकूडसन्निभं गयवई नरवई दुरूढे । तते गं से कण्हे वासुदेवे समुद्दविजयपामोक्खेहिं दसहिं दसारेहिं जाव अणंगसेणापामोक्खाहिं अणेगाहिं गणियासाहस्सीहिं सद्धिं संपरिवुडे सव्विड्डीए जाव रवेण बारवई नगरिं मज्झमज्झेणं निग्गच्छइ, २ सुरट्ठाजणवयस्स मज्झंमज्झेणं जेणेवदेसप्पंते तेणेव उवागच्छइ, २ पंचालजणवयस्स मज्झंमज्झेणं जेणेव कंपिल्लपुरे नगरे तेणेव पहारेत्थ गमणाए। तए णं से दुवए राया दोच्चं दूयं सद्दावेइ, २ एवं वयासी गच्छ णं तु देवाणुप्पिया ! हत्थिणाउरं नगरं । तत्थ णं तुमं पंडुरायं सपुत्तयं, जुहिट्ठिल्लं, भीमसेणं, अज्जुणं, नउलं, सहदेवं दुज्जोहणं भाइसयसमग्गं, गंगेयं, विदुरं, दोणंजयद्दहं, सउणिं, कीवं, आसत्थामं करयल जाव कट्टु तहेव जाव समोसरह । तए णं से दूए एवं वयासी जहा वासुदेवे, नवरं भेरी नत्थि, जाव जेणोव कंपिल्लपुरे नयरे तेणेव पहारेत्थ गमणाए । एतेणेव कमेणं तच्च॑ दूयं चंपं नयरिं । तत्थ णं तुमं कण्णे अंगरायं सल्लं नंदिरायं करयल तहेव जाव समोसरह । चउत्थं दूयं सुत्तिमहं नयरिं । तत्थ णं तुमं सिसुपालं दमघोससुयं पंचभाइसयसंपरिवुडं करयल तहेव जाव समोसरह । पंचमं दूयं हत्थिसीसयं नगरं । तत्थ णं तुमं दमदंतं रायं करयल जाव समोसरह । छहं दूयं महुरं नगरं, तत्थ णं तुमं धरं रायं करयल जाव समोसरह । सत्तमं दूयं रायगिहं नगरं । तत्थ णं तुमं सहदेवं जरासिंधसुयं करयल जाव समोसरह । अट्ठमं दूयं कोडिण्णं नयरिं । तत्थ णं तुमं रुप्पिं भेसगसुयं करयल तहेव जाव समोसरह । नवमं दूयं विराडं नयरं । तत्थ णं तुमं कीयगं भाउसयसमग्गं करयल जाव समोसरह । दसमं दूयं अवसेसेसु गामा-ऽऽगर नगरेसु, अणेगाइं रायसहस्साइं जाव समोसरह । तए णं से दूए तहेव निग्गच्छइ जेणेव गामा-ऽऽगर नगर तहेव जाव समोसरह । तए णं ताई अगाई रायसहस्साइं तस्स दूयस्स अंतिए एयमहं सोच्चा निसम्म हट्ठ० तं दूयं सक्कारेति सम्माणेति, २ पडिविसज्जिति । तए णं ते वासुदेवपामोक्खा बह श्री आगमगुणमंजूषा ६७
/ १६ अ. अवरकंका [८१]
4 4 4 4 5 5 5 5 5 5 出版
माडिबिय- कोडुंबिय - इब्भ