Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 72

५ (६) णायाधम्मकहाओ प. सु.
/ ११ अ. दावद्दवे / १२ अ. उदगे (६१]
९०. जति णं भंते ! समणेणं भगवया महावीरेणं दसमस्स णायज्झणस्स अयमट्ठे पण्णते, एक्कारसमस्स णं णायज्झयणस्स के अट्ठे पण्णत्ते एवं खलु जंबू ! ते णं काले णं ते णं समए णं रायगिहे गोयमे एवं वदासी कहण्णं भंते! जीवा आराहगा वा विराहगा वा भवंति ? गोयमा ! से जहा णामए एगंसि समुद्दकूलंसि दावद्दवा नाम रुक्खा पण्णत्ता किण्हा जाव निउसंबभृया पत्तिया पुप्फिया फलिया हरियगरेरिज्जमाणा सिरीए अतीव २ उवसोभेमाणा २ चिह्नंति । जया णं दीविच्चगा ईसिं पुरेवाया पच्छा वाया मंदा वाया महावाया वायंति तदा णं बहवे दावदवा रुक्खा पत्तिया जाव चिट्ठति, अप्पेगतिया दावद्दवा रुक्खा जुण्णा झोडा परिसडियपंडुपत्तपुप्फफला सुक्करुक्खओ विव मिलायमाणा २ चिह्नंति, एवामेव समणाउसो ! जो अम्हं निग्गंथो वा निग्गंथी वा जाव पव्वतिते समाणे बहूणं समणाणं ४ सम्म सहति जा
सेति, बहू अण्णउत्थियाणं बहूणं निहत्थाणं नो सम्मं सहति जाव नो अहियासेति, एस णं मए पुरिसे देसविराहए पण्णत्ते समणाउसो ! जया णं सामुद्दगा ईसि पुरेवाया पच्छा वाया मंदा वाया महावाया वायंति तदा णं बहवे दावद्दवा रुक्खा जुण्णा झोडा जाव मिलायमाणा २ चिट्ठति, अप्पेगइया दावद्दवा रुक्खा पत्तिया पुप्फिया फलिया जाव उवसोभेमाणा २ चिट्ठति, एवामेव समणाउसो !! जो अम्हं निग्गंथो वा निग्गंथी वा पव्वतिए समाणे बहूणं अण्णउत्थिय-गिहत्थाणं सम्म सहति [जाव अहियासेति, ] बहूणं समणाणं ४ नो सम्मं सहति [जाव नो अहियासेति, ] एस णं मए पुरिसे देसाराहए पन्नत्ते । समणाउसो ! जया णं नो दीविच्चगा णो सामुद्दगा ईसि पुरेवाया पच्छा वाया जाव महावाया वायंति तदा णं सव्वे दावद्दवा रुक्खा जुण्णा झोडा [परिसडियपंडुपत्त- पुप्फ-फला सुक्करुक्खओ विव मिलायमाणा २ चिट्ठति,] एवामेव समणाउसो ! जाव पव्वतिए समाणे बहूणं समणाणं ४ बहूणं अन्नउत्थिय - गिहत्थाणं नो सम्मं सहति [जाव नो अहियासेति, ] एस णं मए पुरिसे सव्वविराहए पण्णत्ते समणाउसो ! जया णं दीविच्चगा वि सामुद्दगा वि ईसिं [पुरेवाया] पच्छा वाया जाव वायंति तदा णं सव्वे दावाद्दवा रुक्खा पत्तिया जाव चिट्ठति, एवामेव समणाउसो ! जो अम्हं पव्वतिए समाणे बहूणं समणाणं ४ बहूणं अन्नउत्थिय - गिहत्थाणं सम्मं सहति [जाव अहियासेति, ] एस णं मए पुरिसे सव्वाराहए पण्णत्ते । एवं खलु गोयमा ! जीवा आराहगा वा विराहगा वा भवंति । एवं खलु जंबू ! समणेण भगवता महावीरेण एक्कारसमस्स णायज्झयणस्स अयमट्ठे पण्णत्ते बेमि। 555 | एक्कारसमं णायज्झयणं सम्मत्तं ॥ बारसमं अज्झयणं 'उदगे' फफ ९१. जति णं भंते ! समणेणं भगवया महावीरेणं जाव संपत्तेणं एक्कारसमस्स नायज्झयणस्स अयमट्ठे पण्णत्ते, बारसमस्स णं नायज्झयणस्स के अट्ठे पण्णत्ते ? एवं खलु जंबू ! ते णं काले णं ते णं समए णं चंपा नाम नयरी, पुण्णभद्दे चेइए, जितसत्तू राया, धारिणी देवी, अदीणसत्तू नामं कुमारे जुवराया यावि होत्था । सुबुद्धी अमच्चे जाव रज्जधुराचिंतए समणोवासए । तीसे चंपाए नयरीए बहिया उत्तरपुरत्थिमे दिसीभाए एत्थ णं एगे फरिहोदए यावि होत्था, मेय-वसा मंस - रुहिर-पूयपंडलपोच्चडे मयगकलेवरसंछण्णे अमण्णुणे व जाव अमणुण्णे फासेणं, से जहा नामए अहिमडे ति वा गोमडे ति वा जाव मय - कुहिय - विणट्ठ किमिण वावण्ण- दुरभिगंधे किमिजालाउले संसत्ते असुइविगयबीभत्थदरिसणिज्जे भवे एयारूवे सिया ? णो इणट्ठे समट्ठे, एत्तो अणिट्टतराए चेव जाव गंधेणं पण्णत्ते । ९२. तते णं से जितसत्तू राया अण्णदा कयाइ हाए कयबलिकम्मे जाव अप्पमहग्घाभरणालंकियसरीरे बहूहिं ईसर जाव सत्थवाहप्पभितीहिं सद्धिं भोयणमंडवंसि भोयणवेलाए सुहासणवरगए विपुलं असणं ४ जाव विहरति, जिमितभुत्तुत्तरागए जाव सुइभूते तंसि विपुलंसि असण ४ जायविम्हए ते बहवे ईसर जाव पभिती एवं वयासी अहो णं देवाणुप्पिया ! इमे मणुणे असण-पाण-खाइम-साइमे वण्णेणं उववेए जाव फासेणं उववेए आसायणिज्जे वीसायणिज्जे पीणणिज्जे दीवणिज्जे दप्पणिज्जे मयणिज्जे बिंहणिज्जे सव्विंदियगायपल्हायणिज्जे । तते णं ते बहवे ईसर जाव सत्थवाहप्पभियओ जितसत्तुं एवं वदासी तहेव णं सामी ! जण्णं तुब्भे वदह 'अहो णं इमे मणुणे असण- पाण- खाइम - साइमे वण्णेणं उववेए जाव पल्हायणिज्जे' । तते णं जितसत्तू सुबुद्धिं अमच्चं एवं वदासी अहो णं देवाणुप्पिया सुबुद्धी ! इमे मणुण्णे असणपाणखाइम साइमे जाव पल्हायणिज्जे । तए णं सुबुद्धी जितसत्तुस्सेयमहं नो आढाइ जाव तुसिणीए संचिट्ठति । तते णं जितसत्तू सुबुद्धिं दोच्चं पि तच्चं पि एवं
श्री आगमगुणमंजूषा - ६५१