Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 46

T
EC%%%%乐乐乐频听听听听听听听听听听听听听听乐乐乐乐乐听听听听听听听听听听 乐乐乐乐乐乐乐乐
HIRONMENSEENNNNNN रकमायाधम्मकहाओ प. सु. ५ अ. सेलमे (३९)
xxxxxxxxxxxxxxx रवि अभक्खेया वि ?, सुया ! सरिसवया दुविहा पण्णत्ता, तंजहा मित्तसरिसवया धन्नसरिसवया । तत्थ णं जेते मित्तसरिसवया ते तिविहा पण्णत्ता,
तंजहा सहजायया सहवड्डियया सुहपंसुकीलियया। ते णं समणाणं णिग्गंथाणं अभक्खेया। तत्थ णं जेते धन्नसरिसवा ते दुविहा पण्णत्ता, तंजहा सत्थपरिणया य असत्थपरिणया य । तत्थ णं जेते असत्थपरिणया ते समणाणं निग्गंथाणं अभक्खेया । तत्थ णं जेते सत्थपरिणया ते दुविहा पण्णत्ता, तंजहा फासुगा य अफासुगा य । अफासुया णं सुया ! नो भक्खेया। तत्थ णं जेते फासुया ते दुविहा पण्णत्ता, तंजहा जातिया य अजातिया य । तत्थ णं जेते अजातिया ते अभक्खेया । तत्थ णं जेते जातिया ते दुविहा पण्णत्ता, तंजहा एसणिज्जा य अणेसणिज्जा य । तत्थ णं जेते अणेसणिज्जा ते णं अभक्खेया । तत्थ णं जेते एसणिज्जा ते दुविहा पण्णत्ता, तंजहा लद्धा य अलद्धा य । तत्थ णं जेते अलद्धा ते अभक्खेया। तत्थ णं जेते लद्धा ते] निग्गंधाणं भक्खेया। एएणं अटेणं सुया ! एवं वुच्चति सरिसवया भक्खेया वि अभक्खेया वि । एवं कुलत्था विभाणियव्वा, नवरि इमं णाणत्तं इत्थिकुलत्था य धन्नकुलत्था य । इत्थिकुलत्था तिविहा पण्णत्ता, तंजहा कुलवधुया य कुलमाउया इय कुलधूया इ य । धन्नकुलत्था तहेव । एवं मासा वि, नवरि इमं नाणत्तं मासा तिविहा पण्णत्ता, तंजहा कालमासा य, अत्थमासा य, धन्नमासा य । तत्थ णं जेते कालमासा ते णं दुवालस, तंजहा सावणे जाव आसाढे, ते णं अभक्खेया । अत्थमासा दुविहा हिरण्णमासा य सुवण्णमासा य, ते णं अभक्खेया। धन्नमासा तहेव । एगे भवं, दुवे भवं अक्खए भवं, अव्वए भवं, अवट्ठिए भवं, अणेगभूयभावभविए भवं ? सुया ! एगे वि अहं, दुवे वि अहं, जाव अणेगभूयभावभविए वि अहं । से केणद्वेणं भंते ! एगे वि अहं जाव सुया ! दव्वट्ठयाए एगे अहं, नाणदंसणट्ठयाए दुवे वि अहं, पएसट्ठयाए अक्खए वि अहं, अव्वए वि अहं, अवट्ठिए वि अहं, उवओगट्ठयाए अणेगभूयभावभविए वि अहं। एत्थ णं से सुए संबुद्धे थावच्चापुत्तं वंदति नमसति, २त्ता एवं वदासी इच्छामि णं भंते ! तुभं अंतिए केवलिपण्णत्तं धम्मं निसामित्तए । धम्मकहा भाणियव्वा । तए णं से सुए परिव्वायए थावच्चापुत्तस्स अंतिए धम्म सोच्चा णिसम्मा एवं वदासी इच्छामि णं भंते ! परिव्वायगसहस्सेणं सद्धिं संपरिवुडे देवाणुप्पियाणं अंतिए मुंडे भवित्ता पव्वइत्तए, अहासुहं देवाणुप्पिया ! जाव उत्तरपुरस्थिमे दिसीभागे तिडंडं जाव धाउरत्ताओ य एगते एडेति, सयमेव सिहं उप्पाडेति, २ जेणेव थावच्चापुत्ते जाव मुंडे भवित्ता पव्वतिए । सामाइयमातियाइं चोद्दस पुव्वाति अहिज्जति । तते णं थावच्चापुत्ते सुयस्स अणगारसहस्सं सीसत्ताए वियरति । तते णं थावच्चापुत्ते सोगंधियाओ नीलासोयाओ पडिनिक्खमति, २त्ता बहिया जणवयविहारं विहरति । तते णं से थावच्चापुत्ते अणगारसंहस्सेणं सद्धिं संपरिवुडे जेणेव पुंडरीए पव्वते तेणेव उवागच्छइ, २ त्ता पुंडरीयं पव्वयं सणियं सणियं दुरुहति, २ मेघघणसन्निगासं देवसन्निवायं पुढवि सिलापट्टयं] जावं पाओवगमणं णुवन्ने । तते णं से थावच्चापुत्ते बहूणि वासाणि सामन्नपरियागं पाउणित्ता मासियाए संलेहणाए सर्व्हि भत्ताति अणसणाए जाव केवलवरनाण-दसणं समुप्पाडेत्ता ततो पच्छा सिद्धे जाव प्पहीणे । ५६. तते णं से सुए अन्नया कयाइ जेणेव सेलगपुरे नगरे जेणेव सुभूमिभागे उज्जाणे० समोसरणं, परिसा निग्गया, सेलओ निग्गच्छति, धम्मं सोच्चा, जंणवरं देवाणुप्पिया! पंथगपमोक्खातिं पंच मंतिसयातिं आपुच्छामि, महुयं च कुमारं रज्जे ठावेमि, ततो पच्छा देवाणुप्पिया [णं अंतिए] मुंडे भवित्ता अगारातो अणगारियं पव्वयामि । अहासुहं देवाणुप्पिया ! तते णं से सेलए राया सेलगपुरं नयरं अणुपविसति, २ ता जेणेव सए गिहे जेणेव बाहिरिया उवट्ठाणसाला तेणेव उवागच्छइ, २ त्ता सीहासणे सन्निसण्णे । तते णं से सेलए गया पंथयपामोक्खे पंच मंतिसए सद्दावेइ, सद्दावेत्ता एवं वदासी एवं खलु देवाणुप्पिया ! मए सुयस्स अंतिए धम्मे णिसंते, से वि य मे धम्मे इच्छिए पडिच्छिए अभिरुइए, तए णं अहं
देवाणुप्पिया ! संसारभउव्विग्गे जाव पव्वयामि, तुब्भे णं देवाणुप्पिया किं करेइ किं ववसह किं वा भे हिय इच्छिते सामत्थे ? तते णं ते पंथयपामोक्खा पंच मंतिसया है सेलगं रायं एवं वदासी जइ णं तुब्भे देवाणुप्पिया ! संसार जाव पव्वयह, अम्हाणं देवाणुप्पिया ! किमन्ने आहारे वा आलंबे वा ? अम्हे वि य णं देवाणुप्पिया !
संसारभउब्विग्गा जाव पव्वयामो । जहा देवाणुप्पिया ! अम्हं बहूसु कज्जेसु य कारणेसु य जाव तहा णं पव्वतियाण वि समाणाणं बहूसु जाव चक्खुभूते । तते णं से २ सेलगे पंथगपामोक्खे पंच मंतिसए एवं वदासी जति णं देवाणुप्पिया ! तुब्भे संसार जाव पव्वयह, तं गच्छह णं देवाणुप्पिया ! सएसु सएसु कुडुंबेसु जेठ्ठपुत्ते Mer.cFFFFF5555555555555555 श्री आगमगुणमजूषा • ६२५ 555555555555555FFFFFFFFFFFFORG
$听听听听听听听听听听听听听听听听听听听听听听听听听听听听听听听听听听听听听听听听听听听听听听FONCE