Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 43

(६) णायाधम्मक हाओ प. स. ५ अ. सेलगे
[३२]
F
जाव कोडुंबियपुरिसे सद्दावेति, २ त्ता एवं वयासी खिप्पामेव भो देवाणुप्पिया ! चाउरंगिणिं सेणं सज्जेह विजयं च गंधहत्थिं उवट्टवेह । ते वि तहत्ति उववेति जाव पज्जुवासंति । ५४. थावच्चापुत्ते वि णिग्गए, जहा मेहे तहेव धम्मं सोच्चा णिसम्म जेणेव थावच्चा गाहावतिणी तेणेव उवागच्छति, २ त्ता पायग्गहणं करेति, जहा मेहस्स तहा चेव णिवेयणा, जाहे नो संचाएति विसयाणुलोमाहि य विसयपडिकूलाहि य बहूहिं आघवणाहि य पण्णवणाहि य सण्णवणाहि य विष्णवणाहि य आघवित्त वा (पणवित्तए वा सणवित्तए वा विणवित्तए वा ) ४ ताहे अकामिया चेव थावच्चापुत्तस्स दारगस्स निक्खमणमणुमन्नित्था । तते णं सा थावच्चा आसाणाओ अब्भुट्ठेति, २ त्ता महत्थं महग्घं महारिहं रायारिहं पाहुडं गेण्हति, २त्ता मित्त जाव संपरिवुडा जेणेव कण्हस्स वासुदेवस्स भवणवरपडिदुवारदेसभाए तेणेव उवागच्छति, २ त्ता पडिहारदेसिएणं मग्गेणं जेणेव कण्हे वासुदेवे तेणेव उवागच्छति, २ त्ता करयल [परिग्गहियं दसणहं सिरसावत्तं मत्थए अंजलिं कट्टु जएणं विजएणं] वद्धावेति, २ तं महत्थं महग्घं महारिहं रायारिहं पाहुडं उवणेइ, २ त्ता एवं वदासी एवं खलु देवाणुप्पिया ! मम एगे पुत्ते थावच्चापुत्ते नाम दारए इट्ठे जाव से णं संसारभयुव्विग्गे इच्छति अरहतो अरिट्ठनेमिस्स जाव पव्वइत्तए, अहण्णं निक्खमणसक्कारं करोमि, इच्छामि णं देवाणुप्पिया ! थावच्चापुत्तस्स निक्खममाणस्स छत्त-मउड- चामराओ य विदिन्नाओ । तते णं कण्हे वासुदेवे थावच्चं गाहावतिणिं एवं वदासी अच्छाहि णं तुमं देवाणुप्पिए! सुनिव्वुयवीसत्था, अहण्णं सयमेव थावच्चापुत्तस्स दारगस्स निक्खमणसक्कारं करिस्सामि । तते णं से कण्हे [वासुदेवे] चाउरंगिणीए सेणाए विजयं हत्थिरयणं दुरूढे समाणे जेणेव थावच्चाए गाहावतिणीए भवणे तेणेव उवागच्छति, २त्ता थावच्चापुत्तं एवं वदासी मा णं तुमं देवाणुप्पिया ! मुंडे भवित्ता पव्वयाहिं, भुंजाहि णं देवाणुप्पिया ! विउले माणुस्सए कामभोगे मम बाहुच्छायापरिग्गहिए, केवलं देवाणुप्पियस्स अहं णो संचाएमि वाउकायं उवरिमेणं गच्छमाणं निवारित्तए, अण्णो णं देवाणुप्पियस्स जं किंचि आबाहं वा वाबाहं उप्पाएति तं सव्वं निवारेमि । तते णं से थावच्चापुत्ते कण्हेणं वासुदेवेणं एवं वुत्ते समाणे कण्हं वासुदेवं एवं वयासी जई णं देवाणुप्पिया मम जीवियंतकरं मच्चुं एज्जमाणं निवारेसि, जरं वा सरीररुवविणासिणिं सरीरं अइवयमाणि निवारेसि, तते णं अहं तव बाहुच्चायापरिग्गहिए विउले माणुस्सए माभोगे भुंजमाणे विहरामि, तते णं से कण्हे वासुदेवे थावच्चापुत्ते एवं पुत्ते समाणे थावच्चापुत्तं एवं वदासी एए णं देवाणुप्पिया दुरतिक्कमणिज्जा, णो खलु सक्का सुबलिएणावि देवेण वा दाणवेण वा णिवारित्तए, णन्नत्थ अप्पणा कम्मक्खएणं । तते णं से थावच्चापुत्ते कण्हं वासुदेवं एवं वयासी जइ णं एते णं दुरतिक्कमणिज्जा, णो खलु सक्का जाव णण्णत्थ अप्पणा कम्मक्खएणं । तं इच्छामि णं देवाणुप्पिया ! अण्णाण-मिच्छत्त- अविरइ-कसायसंचियस्स अत्तणो कम्मक्खयं करित्तए । तते णं से कण्हे वासुदेवे थावच्चापुत्तेणं एवं वुत्ते समाणे
बियपुरसे सहावेत, २ त्ता एवं वदासी गच्छह णं देवाणुप्पिया ! बारवतीए नयरीए सिंघाडग-तिग- चउक्क - चच्चर जाव पहेसु हत्थिखंधवरगया महया महया सद्देणं उग्घोसेमाणा २ उग्घोसणं करेह एवं खलु देवाणुप्पिया ! थावच्चापुत्ते संसारभउव्विग्गे भीए जम्मणमरणाणं इच्छति अरहतो अरिट्ठनेमिस्स अंतिए मुंडे भवित्ता पव्वइत्तए, तं जो खलु देवाणुप्पिया ! राया वा जुवराया वा देवी वा कुमारे वा ईसरे वा तलवरे वा कोडुंबिय - माडंबिय - इब्भ-सेट्ठि - सेणावति सत्थवाहे वा थावच्चापुत्तं पव्वयंतमणुपव्वयति तस्स णं कण्हे वासुदेवे अणुजाणति, पच्छातुरस्स वि य से मित्त- [णाति - णियग-सयण-संबंधि-परिजणस्स] जोग-खेमवट्टमाणिं पडवहति त्ति कट्टु घोसणं घोसेह, जाव घोसंति । तते णं थावच्चापुत्तस्स अणुराएणं पुरिससहस्सं निक्खमणाभिमुहं ण्हायं सव्वालंकारविभूसियं पत्तेयं पत्तेयं पुरिससहस्सवाहिणीसु सिवियासु दुरूढं समाणं मित्त-णाति०परिवुडं थावच्चापुत्तस्स अंतियं पाउब्भूयं । तते णं से कण्हे वासुदेवे पुरिससहस्समंतियं पाउब्भवमाणं पासति, २ कोडुंबियपुरिसे सद्दावेति, २ त्ता एवं वदासी । जहा मेहस्स निक्खमणाभिसेओ तहेव सेयापीएहिं कलसेहिं ण्हावेति, जाव अरहतो अरिट्ठनेमिस्स पडागातिपडागं पासति, २ ता विज्जाहर चारणे जाव पासित्ता सीयाओ पच्चोरुहति, तते णं से कण्हे वासुदेवे थावच्चापुत्तं पुरतो काउं जेणेव अरहा अरिट्ठनेमी सव्वं तंव व आभरण [मल्लालंकारं ] ओमुयति । तते णं सा थावच्चा गाहावइणी हंसलक्खणेणं पडगसाडगेणं आभरणमल्लालंकारं पडिच्छर, [पडिच्छित्ता ] हारवारिधार - छिन्न-मुत्तावलिप्पगासातिं अंसूणि विणिमुंचमाणी २ एवं वदासी जतियव्वं जाया ! घडियव्वं जाया ! परक्कमियव्वं जाया ! अस्सिं च णं अट्ठे णो पमादेयव्वं
ॐ श्री आगमगुणमजूषा ६२२
YOO