Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 32

४
(६) पायाच
[२१]
0903590 300 300 300 300 3690530
पुरिसगारपरक्कमे सद्धा धिती संवेगे, जाव य मे धम्मायरिए धम्मोवदेसए समणे भगवं महावीरे जिणे सुहत्थी विहरति, ताव ताव मे सेयं कल्लं पाउप्पमायाए रयणीए जावतेयसा जलते सूरिए समणं भगवं महावीरं वंदित्ता नमंसित्ता समणेणं भगवता महावीरेणं अब्भणुण्णायस्स समाणस्स सयमेव पंच महव्वयाई आरुहित्ता गोयमादीए समणे निग्गंथे निग्गंधीओ य खामेत्ता तहारूवेहिं कडाईहिं थेरेहिं सद्धिं विउलं पव्वयं सणियं सणियं दुरुहित्ता सयमेव मेहघणसन्निगासं पुढविसिलापट्टयं पडिलेहित्ता संलेहणाझूसणाझूसियस्स भत्तपाणपडियाइक्खितस्स पाओवगयस्स कालं अणवकंखमाणस्स विहरित्तए । एवं संपेहेति । संपेहित्ता कल्लं पाउप्प [भायाए रयणीए] जाव जलंते जेणेव समणे भगवं महावीरे तेणेव उवागच्छति, उवागच्छित्ता समणं भगवं महावीरं तिक्खुत्तो आदाहिणपदाहिणं करेइ, करित्ता -वंदति नम॑सति, वंदित्ता नमंसित्ता नच्चासन्ने नातिदूरे सुस्सूसमाणे नमंसमाणे अभिमुहे विणएणं पंजलियडे पज्जुवासति । मेहा ! ति समणे भगवं महावीरे मेहं अणगारं एवं वदासी से णूणं तव मेहा ! राओ पुव्वरत्तावरत्तकालसमयंसि धम्मजागरियं जागरमाणस्स अयमेयारूवे अज्झत्थिते जाव समुप्पज्जित्था एवं खलु अहं इमेणं ओरालेणं जाव जेणेव इहं तेणेव हव्वमागते, से णूणं मेहा अट्ठे समट्ठे ? हंता अत्थि, अहासुहं देवाणुप्पिया ! मा पडिबंधं । तते णं से मेहे अणगारे समणेण भगवया [महावीरेणं] अब्भणुण्णाते समाणे हट्ठ जाव हियए उट्ठाए उट्ठेइ, उट्ठेत्ता समणं भगवं महावीरं तिक्खुत्तो आयाहिणपयाहिणं करेति, करेत्ता वंदति नम॑सति, वंदित्ता नमंसित्ता सयमेव पंच महव्वयाई आरुहेति, आरुहेत्ता गोयमाति समणे निग्गंथे निग्गंथीओ य खामेति, खामेत्ता तहारूवेहिं कडादीहिं थेरेहिं सद्धिं विपुलं पव्वयं सणियं सणियं दुरुहति, दुरुहित्ता सयमेव मेहघणसन्निगासं पुढविसिलापट्टयं पडिलेहेति, पडिलेहेत्ता उच्चारपासवणभूमिं पडिलेहेति, पडिलेहेत्ता दब्भसंथारगं संथरति, संथरित्ता दब्भसंथारगं दुरुहति, दुरुहित्ता पुरत्याभिमुहे संपलियंकनिसण्णे करयलपरिग्गहियं सिरसावत्तं मत्थए अंजलिं कट्टु एवं वदासी नमोत्थु णं अरहंताणं जाव संपत्ताणं, णमोत्थूणं समणस्स भगवओ महावीरस्स जाव संपाविउकामस्स मम धम्मायरियस्स वदामी णं भगवंतं तत्थगयं इहगए पासऊ मे भगवं तत्थगते इहगतं त्ति कटु वंदति नम॑सति, वंदिता नमंसिता एवं वदासी पुव्वं पि य णं मए समणस्स भगवतो महावीरस्स अंतिए सव्वे पाणातिवाए पच्चक्खाए मुसावाए अदिन्नादाणे मेहुणे परिग्गहे कोहे माणे माया लोभे पेज्ने दोसे कलहे अब्भक्खाणे पेसुन्ने परपरिवाए अरतिरति मायामोसे मिच्छादंसणसल्ले पच्चक्खाते, इयाणि पिणं अहं तस्सेव अंतिए सव्वं पाणातिवायं पच्चक्खामि जाव मिच्छादंसणसल्लं पच्चक्खामि सव्वं असण-पाण- खाइम साइमं चउव्विहं पि आहारं पच्चक्खामि जावज्जीवाए, जं पि य इमं सरीरं इटुं कंतं पियं जाव विविहा रोगायंका परीसहोवसग्गा फुसंतु त्ति कट्टु एवं पि य णं चरमेहिं ऊसासनीसासेहिं वोसिरामि त्ति कट्टु संलेहणाझूसणाझूसिते भत्तपाणपडियाइक्खिते पाओवगए कालं अणवकंखमाणे विहरति । तते णं ते थेरा भगवंतो मेहस्स अणगारस्स अगिलाए वैयावडियं करेति। तते णं से मेहे अणगारे समणस्स भगवओ महावीरस्स तहारूवाणं घेराणं अंतिए सामाइयमाइयाइं एक्कारस अंगाई अहिज्जित्ता, बहुपडिन्नाई दुवाल वरिसाई सामन्नपरियागं पाउणित्ता मासियाए संलेहणाए अप्पाणं झोसित्ता, सट्ठि भत्ताइं अणसणाए छेदेत्ता, आलोतियपडिक्कंते उद्धियसल्ले समाहिपत्ते अणुपुव्वेणं कलगए । तते णं ते रा भगवंतो मेहं अणगारं अणुपुव्वेणं कालगयं पासंति, पासित्ता परिनिव्वाणवत्तियं काउस्सग्गं करेति, करित्ता मेहस्स आयारभंडयं गेण्हंति, गेण्हित्ता विउलाओ पव्वयाओ सणियं सणियं पच्चोरुहंति, पच्चोरुहित्ता जेणामेव गुणसिलए चेइए जेणामेव समणे भगवं महावीरे तेणामेव उवागच्छंति, उवागच्छित्ता समणं भगवं महावीरं वंदंति नमंसंति, वंदित्ता नमंसित्ता एवं वयासी एवं खलु देवाणुप्पियाणं अंतेवासी मेहे णामं अणगारे पगइभद्दए जाव विणीते से णं देवाणुप्पिएहिं अण्णा समाणे गोत्तमातिए समणे निग्गंथे निग्गंथीओ य खामेत्ता अम्हेहिं सद्धिं विउलं पव्वयं सणियं सणियं दुरुहति, [दुरुहित्ता ] सयमेव मेघघणसन्निगासं पुढविसिलं पडिलेहेति, [पडिलेहित्ता ] भत्तपाणपडियाइक्खिते अणुपुव्वेणं कालगए। एस णं देवाणुप्पिया मेहस्स अणगारस्स आयारभंडए । ३१. भंते! त्ति भगवं गोतमे समण भगवं महावीरं वंदति नम॑सति, वंदित्ता नमसित्ता एवं वदासी एवं खलु देवाणुप्पियाण अंतेवासी मेहे णामं अणगारे से णं भंते! मेहे अणगारे कालमासे कालं किच्चा कहिं गए कहिं उववन्ने ? गोतमादि ! समणे भगवं महावीरे भगवं गोयमं एवं वनासी एवं खलु गोयमा ! मम अंतेवासी मेहे णामं अणगारे
श्री आगमगुणमंजूषा - ६११